YOANES 9:39 - Nanduk Ngget Tul Pidnak Wene

³⁹ Iri yosoloma-ge, Yesus-nen yosolar-e: ”An-e nggweyak ma yu me lobok yigi-ge ap enpem wene mbarosolar-e: Enlengen ngguru nab-e enlengen kuwarak posolat, enlengen op nab-e enlengen ngguru rak posolat yekluk-nen lobok yigi-o” luk yij-o.

YOANES 9:39 ပူးပေါင်းရင်းမြစ်များ

YESAYA 44:18

Nde, ap iri nggal kwatli iri-ge mondok ndemeret wid-net yili-o. Iri kwatli nab-e enlengen min inndi erengen min-e ndamuk muruk tak yebet kagwi buk-nen yili-o.

YESAYA 6:9

Iri lug-e, at-nen at ilirak enmanggim wene wosa bidnak wene yu warug-e an wirik nobosolat-nen nebem posolar-e: ”Kir-e kulugub-et nde, kwara yebet kagup pug-o. Kir-e yebet kagub-et nde, kwat ma iri-ge kenaru yugup pug-o” luk yij-o.

MATIUS 11:5

Enlengen ngguru nap na enlengen kuwarak posolat, onowak wat yidnak nap na tula nugwi rak onposolat, ndigiril laso mbijap enpem mbidnak nap na ambut tak onposolat, eneyanggo lak nap na wene kologolat, wat yidnak nap na unluk tak posolat, insilobulo lak nap na aid wene yak ondosolat kwarusu-o.

MATIUS 15:14

It Parisi enlengen ngguru-nen ap lit eneyaruk mbitli iri-ge keyap tak enper-o. Nde, enlengen ngguru-nen enlengen ngguru ininggi waruk mburukmu-ge, it enmbereg-et mbunmu yoboksa mbuwa-o” luk yij-o.

MATIUS 6:23

Alat nde, kenlengen nde unggul-nen-e, kenpe ebis-et na ndamug-et ma-o. Nde, kenarem worasu yaya iri na ndamuk-nen-e mondok ndamuk lombok irit ma-o.”

LUKAS 1:79

Lobok yid iri-ge, ndamuk arem woragolat, kwiye kali na lesa ninmiri yurak tulabiyem nenpeyekluk-nen lobok yij-o” luk yij-o.

LUKAS 13:30

Iri tarem-e ndemeret abok yidnak nab-e nanduk ma-o. Nde, nanduk yidnak nab-e abok ma-o” luk yij-o.

LUKAS 2:34

Iri lug-e, Simeon na-nen it imbiringgat tak onposolat-nen la iri ija Maria yak tosolar-e: ”Isarael nap ap kwarat lak tak onposolat, ap kwarat na inmiri yosolat maklug-e, Mbal Pem Nagawan-nen la yu-ge len ibij-o. At yu-ge Mbal Pem Nagawan eram-nen lobok yidnak-nen yusu-o luk yenggerak purug-e, ap kwarat-nen at insili rak puwa-o.

LUKAS 4:18

”Nagawan Indo Indi-ge an nebem worasu-o. Aid wene-ge insilobulo lak nap yak unduwakluk, an len nibij-o. O kubu me woragwi nap wisirik unpurak wene yak unduwakluk, Enlengen ngguru woragwi enlengen kuwarak puwakluk, Ap-nen tebel inpidnak nap wisirik unpuwakluk,

LUKAS 7:21

Nde, ereya tarem-e Yesus-nen kugi worak woraidnak nap kwarat ki rak onposolat, kugi enarem nggwidnak nap kugi wirik onposolat, enlengen ngguru nap enlengen kuwara wok ondosolat kwarij-o.

YOANES 12:31

Nggweyak ma yu ebem wene mbatlik, nggweyak yu tena woraso na mbo bilik momtak tarem-e yawo ndak yij-o.

YOANES 12:46

Nde, an nebem inndi angin tubu yuwa nap-nen-e ndamuk pem wolma naru, an-e nggweyak ma yu me yaya nggal-et lobok yigi-o.

YOANES 3:17

Nde, Mbal Pem Nagawan-nen-e at Ambara an nggweyak ma nibil mbuwagaij-e ki nap pidsa lak tak unpurak pem enpem wene mbaruwakluk nibil mbuwagit lag-o. Are, ki nap pidsa inmiri yaga wok unduwakluk nibil mbuwagaij-o.

YOANES 3:19

It lak tak unpurak wene enpem mbarid iri-ge elem yu bem-nen-o: Yaya na-ge nggweyak ma yu me lobok yij-et nde, ir-e meya nak kwarugwi me, yaya na insili rak puruk, ’Ndamuk irit ninndingen-o’ luk yugwi iri bem-nen enpem wene mbarid irir-o.

YOANES 8:12

Iri rak puruk, Yesus-nen tuguruk it yak ondosolar-e: ”An-e ki nap ennggendumu yaya-nen yusu-o. An nimin nuwa nab-e ndamuk arem nuwa bug-o. Are, unlug-et wolmomtak yaya irit tena wolma-o” luk yak indij-o.

YOANES 8:15

Kit-nen-e we ombol nggwe nak yik karuk, ap enpem wene mbatli-o. Nde, an-e ap misik ebem wene mbarusu bug-o.

YOANES 9:25

Yak togolikma-ge, ap iri-nen yosolar-e: ”At iri-ge meya yoso nap-nen yusu, lak, lag-a? Iri-ge an naru bug-o. Alat nde, an nanduk nerengen ngguru woraso-t nde, yawo nerengen kuwarak pid iri nak naru-o” luk yij-o.

YIDNAK YIDNAK WENE 26:18

It enlengen kuwarak pugunmu-ge, it-nen ndamuk arem-nen nden karuk, yaya ambigit nggwe lobok yogolat, Sere inggiyapma-nen Mbal Pem Nagawan ambigit nggwe lobok yogola-ge, it meya yidnak iri-ge an-nen namberam tak posola, an nebem inndi angin tubu yidnak pem korak inpidnak nap inmin lambuk makluk, endam wirik kibimin irir-o’ luk yak nirij-o.

2 KORINTUS 2:16

Nir-e lak momtak nap enabirumu-ge wat momtak emben meya kwat yusu-o. Nde, inmiri yurak nap enabirumu-ge unluk tak purak emben konak kwat yusu-o. Alat nde, yabu iri-ge ta nggal-nen nde ndak tak puwa-o?

EPESUS 5:14

Iri bem-nen Mbal Pem Nagawan engga-nen yosolar-e: ”Nene yusu nap wa-e. Men min-o. Wat yidnak nap ennggendumu-nen men min-o. Iri ala-ge, Kerisut-nen yaya rak kubuwa-o” luk yij-o.

2 TESALONIKA 2:10

meya nak kwarugwi mende bem lak tak unpurak nap onmbol pem lasolat ma-o. Nde, it lak tak unpuwa iri-ge, it-nen-e it inmiri yurak ndemeret wene iri na insili rak puruk, wanigit lak yidnak pem-nen kwat unpuwa-o.

1 PETERUS 2:9

Alat nde, kir-e len kinpidnak nap elem yogolat, nagawan-nen idnak tepan ombo yogolat, marale elem yogolat, Mbal Pem Nagawan ondomok ilirak yogolat yili-o. Ndamuk arem-nen at eyaya kwiye worak arem nggobokluk, Mbal Pem Nagawan-nen wene mbo kunpuruk, len kinpid iri-ge at-nen kwiye worak kwaroso wene iri na tomborobokluk, wene mbo kinpij-o.

1 YOANES 2:11

Alat nde, at anggam isili rak poso nab-e ndamuk arem-et worasolar-e, ndamuk arem waring kasolar-e, ndamuk iri-nen at erengen ngguru rak pidnak me, at mburusu sa na an-e iri me mburusu-o luk yenggerak pusu bug-o.