Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




YOANES 9:35 - Nanduk Ngget Tul Pidnak Wene

35 Yesus-nen ap iri na Mbal Pem Nagawan ama-nen langgara wirik pidnak wene kulurug-e, ap iri na ogore luk, karuk-nen yak tosolar-e: ”Kar-e Ap Ambara ebem kindi angin tubu yusu, lak?” luk yij-o.

အခန်းကိုကြည့်ပါ။ ကော်ပီ




YOANES 9:35
32 ပူးပေါင်းရင်းမြစ်များ  

Nagawan Indo isilepma-ge mimo yoso me, Nagawan Indo isilepma yosolat ereya na-net lak tak kunpuwa naru, kwiye min-et Nagawan Indo eram tebe yer-o. Nde, Nagawan Indo indipma worali nab-e mondok enalen kagolat wolmag-o.


Nagawan-nen yosolar-e: ”Nagawan Indo-nen ’Irit kwaruwa-o’ luk yidnak wene-ge an-nen yimin-o. At-nen an yak norosolar-e: ’Kar-e an Nambara-o. Yawo-net kat keid kwat yusu-o.


An neid min niya min-nen-e keya nubuwa-t nde, Nagawan Indo-nen-e kwara ndegel-et nubuwa-o.


Kondok yosoloma-ge, it e koma arem woraiga nap-nen Yesus erembel wanogolar-e: ”Kar-e ndemeret Mbal Pem Nagawan Ambara-nen yusu-o” luk yiga-o.


Yosoloma-ge, at Simon Peterus-nen wene erep nggarosolar-e: ”kar-e Kerisut, uruk nak woraso Mbal Pem Nagawan Ambara-nen yusu-o” luk yij-o.


Wok yarik worasoma-ge, Sere na at eram wok yarik-nen yak tosolar-e: ”Kar-e Mbal Pem Nagawan Ambara nde ala-ge, kerep yeba-ge mburu kwat min-o luk yak ti-o” luk yij-o.


Mbal Pem Nagawan Ambara Yesus Kerisut owene konak wene-ge yu-o.


Ap misiget ter-o luk Mbal Pem Nagawan iri-ge kagwi bug-o. Nde, at Ambara misiget nderak Eid imin ndak ndak woraso, pempa Eid imin woraso iri nak-nen Eid Mbal Pem Nagawan na-ge nit nennggarem nam tak pij-o.


Nde, an nerengen karuk-nen yak kundusu-o. At yu-ge Mbal Pem Nagawan Ambara-net yusu-o” luk yij-o.


Neid-nen len nuburuk wirik nibil lobok yidnak nab-et nde, an-nen-e: ’An-e Mbal Pem Nagawan Ambara-o’ luk yusu iri bem kit noluk-nen: ’Mbal Pem Nagawan obok poso nab-o’ luk yak nitli-o?


Yak tosoloma-ge, kwe na-nen at yak tosolar-e: ”Eyo, Nagawan Indo wa-e. Kar-e ’Abok-nen lobok yuwa-o’ yugwi nap Mesias, Mbal Pem Nagawan Ambara-nen yusu-o luk nindi angin tubu yusu-o” luk yij-o.


Yak tosoloma-ge, Tomas-nen at yak tosolar-e: ”Kar-e an-nen idnak Nagawan Indo min an Nembal Pem Nagawan min-nen yusu-o!” luk yak tij-o.


Alat nde, engga yu arem worasu yeba mbarak yu-ge, kit-nen-e Yesus-e Mbal Pem Nagawan ambara Mesias-nen yusu-o luk kinndi-ge at ebem angin tubu yogolat, kinndi angin tubu luk, at unu bem kunlug-et worabokluk-nen mbaridnag-o.


Ambara ebem indi angin tubu yusu nab-e urug-et pem-et woralik nalik wolmomtak elem wanusu-o. Nde, Ambara-nen yidnak wene kuruk tusu nab-e urug-et wolma bug-o. Are, Mbal Pem Nagawan isilepma-ge at ebem mondok puruk wolma-o.


Misik tarem-e Yesus na-ge Mbal Pem Nagawan ama-nen ap iri na karuk, at yak tosolar-e: ”Yawo kar-e ki yigenma-o. Nanduk kebem mbid iri-ge te nggal-et nde, terak mena kebem mbuma naru, meya mbi kwarurak puk na-e” luk yak tij-o.


Mbal Pem Nagawan eram-nen lobok yidnak konak nab-e kat-net yusu-o nenaru luk, kat kebem ninndi angin tubu yili-o” luk yak tij-o.


It Yawuri nap-nen wene mbarogolar-e: ” ’Yesus iri-ge Mesias-nen yusu-o’ luk para yuwa nab-e Mbal Pem Nagawan ama-nen mbo bul-o” luk mbaridnak me, it Yawuri nap enaye-nen at eid ija-nen yogolar-e:


Yak ondosoloma-ge, it-nen at yak togolar-e: ”No yusu-o? Kar-e ndesa mbosolat-net meya kobong tag-et ndesa mbigen yu-net nde, nit nggomo nundusu-a?” yak turuk, ”Kar-e Mbal Pem Nagawan ama kar-e nggumomtag-e lag-o” luk langgara wirik piga-o.


It iri-ge tula mbiriga mbiriga-ge, yi ma wok yogolar-e, iyiri wabidnak nap-nen yosolar-e: ”Yi yu worasu yu ki-o. An yi ma nuburag-e nunggwirig-o?” luk yij-o.


Yosoloma-ge, Pilipus-nen yosolar-e: ”Kat kindi-ge ebis-et angin tubu yidnak ala-ge, ob-o” luk yij-o. Yosoloma-ge, at-nen yosolar-e: ”Yesus Kerisut iri-ge Mbal Pem Nagawan Ambara-nen yusu-o luk nindi angin tubu yigi-o” luk yij-o.


Woralar-e, Yawuri nap-nen tepan yugwi ma ereya na me-nen Yesus owene wesera yak ondosolar-e: ”At iri-ge Mbal Pem Nagawan Ambara-nen yusu-o” luk yak indij-o.


Nde, at indi-ge lenak Mbal Pem Nagawan irit woralat me, wat yidnak ennggendumu-nen uruk tak pidnak iri bem-nen-e: Iri-ge Mbal Pem Nagawan Ambara amawi ambik-nen yusu-o luk nam tak pij-o.


Alat nde, Yesaya na-nen kwiye lag-et yosolar-e: ”An nogore yugwi buk nap-nen-e an neyaiga-o. An kin wok nibigit lak nap inmbiri bem-e an nondomok nam yaga mirik inpigi-o” luk Mbal Pem Nagawan-nen yij-o.


”Yesus-e Mbal Pem Nagawan Ambara-nen yusu-o” luk para yuwa nab-e, Mbal Pem Nagawan-e iri yidnak nap na arem woralat, nde, at na Mbal Pem Nagawan arem worasu-o.


Iri bem-e, ta-nen nde Mbal Pem Nagawan Ambara ebem indi angin tubu yuwa nab-e kinggiridnak wene na-ge at arem worasu-o. Nde,ta-nen nde Mbal Pem Nagawan-nen kinggiridnak na wanigit lak me, Mbal Pem Nagawan-e enesiget yoso nap tak pusu-o.


Mbal Pem Nagawan Ambara unu bem kinndi angin tubu yigep napnen-e nir-e nunlug-et woralik nalik momtak elem irit winde yige-o luk kenaru yobokluk-nen engga yu mbal kundusu-o.


Nir-e ndemeret Mbal Pem Nagawan na nenaru maklug-e, Mbal Pem Nagawan Ambara na lobok yarik, nit ninndi pindong tak pij-o luk nenaru yili-o. At Ambara Yesus Kerisut ebem-nen nir-e ndemeret Mbal Pem Nagawan na imin kundik worali-o. Nde, at yu-ge ndemeret Mbal Pem Nagawan urug-et woralik nalik yoso-nen yusu-o.


Tarak-nen nggweyak ma yu pinik tak puwa-o? Yesus-e Mbal Pem Nagawan Ambara-o luk inndi at ebem angin tubu yuwa nap-net nggweyak ma yu pinik tak puwa-o.


Iri bem-e, an lobok yimindig-e, at-nen kwaroso iri wene at-nen meya wene yak nondosolat, enesiget wene nenpem posolat yoso pidsa-ge yimin-o. Nde, iri kwaroso ereya bem na-ge ebem teyok yusu bug-o. Are, nennggamirak Kerisut nap lobok yogola-ge, ar-e wok inpigit lak yoso iri nag-e lag-o. Are, it wok unpurak yidnak nap na mbawi worak posolat, ap enpe-ge lambuk tak inpidnak nap ennggendumu-nen nggegera wirik onposo-o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ