YOANES 9:34 - Nanduk Ngget Tul Pidnak Wene

³⁴ Yak ondosoloma-ge, it-nen at yak togolar-e: ”No yusu-o? Kar-e ndesa mbosolat-net meya kobong tag-et ndesa mbigen yu-net nde, nit nggomo nundusu-a?” yak turuk, ”Kar-e Mbal Pem Nagawan ama kar-e nggumomtag-e lag-o” luk langgara wirik piga-o.

YOANES 9:34 ပူးပေါင်းရင်းမြစ်များ

NDAK WIRIDNAK WENE 19:9

Alat nde, it Sorom nap ereba na-nen Lot yak togolar-e: ”Kebe-o! Kat na ap sal nin nap-net yusu-o. Kat-nen nit nenpem wene mbarugun-a? Mondok kebe-o! Lak nde ala-ge, it mberen inmin kwat unpuwokluk yili yu-ge te-t nde, mondok terak minik ija nggal kwat kubul-o” luk panggo yogolat, Lot na pela keya buruk, tu na yutlukmu,

AYUP 14:4

Meya kwarugwi nap-nen-e konak iminep mbarak mende mbi-ge mondok kwarugwi bug-o.

NDAWI ENGGA 51:5

An-e ndemeret nanduk ndesa mbosolat-net meya elem iri na parugu ndesa mbidnak-nen yusu-o. Niya arem-net meya mbitlik-nen yusu-o.

MBIRIGA WENE 2:14

Yosoloma, ap iri na-nen Musa yak tosolar-e: ”Kar-e ta-nen nit-nen kene kologolat, nenpem wene mbarosolat wolmakluk mendak kebamu-o? Mesira nap wirigen iri na nggal an min-et nururak yusu-a?” yak tosoloma, Musa na-nen perasolar-e: An-nen kwarigi yu nde abu naru karu yidnak worasu kagi” perarug-e, kwiye kwarat ebem wok yij-o.

NGGOMO WENE 22:10

Yuk puk mbugwi min sirid mbarak woragwi min neyak puk keyak puk woragwi mende min oboksa lak maklug-e, ap nggweyel unpugwi nab-e mondok langgara wirik unpurag-o.

YESAYA 65:5

it-nen ap yak ondogolar-e: ’Nir-e mondok marak nenarik lenag-et me, kit kinmin nit nenpem purak pug-o. Ndak mboksa mberer-o’ luk yili-o. It-nen iri kwatli iri kasolar-e, mondok mamak purag-e meya yusu-o. An nisilepma-ge nigi yoso buk kanduk nggal mondok enpem puruk worasu-o.

YESAYA 66:5

Kit Nagawan Indo aye worak woragolat, at-nen yidnak yidnak kwatli nap wa-e. Nagawan Indo-nen yak kundusu wene kwara koler-o. At-nen yosolar-e: ”Kit-nen an-nen yidnak yidnak tugup lak kwarogolat worali bem-e, kit kenlem nap ennggendumu ap erep-nen-e insili rak konpogolat, kit kinmin kundurak insili yili-o. It-nen pesel konpogolat-nen yogolar-e: ’Kit-nen kenalen kagola, nit kujwok-nen Nagawan Indo-nen at-nen kek tak woraso iri na mirik nunpuwag-o’ luk yili-o. Alat nde, it ondomok nde innggiri ma-o.

LUKAS 11:45

Yosoloma-ge, imiri mbarak pidnak wene mul ondoso nap misik-nen Yesus yak tosolar-e: ”Mul Ondoso Nap wa-e. Kat-nen wene iri nggal yosolar-e, nit na irit pesel nunpusu-o!” luk yij-o.

LUKAS 14:11

Nde, ap-nen at ondomok kek yuwa nab-e teberak ubuwa-o. Nde, at ondomok indi tebe yuwa nab-e kek tak ubuwa-o” luk yij-o.

LUKAS 18:17

An ndemeret yak kendeyeg-o. Ta-nen nde li marik nggal luk Mbal Pem Nagawan-nen tenagaidnak wi wanigit lak ala-ge, Mbal Pem Nagawan-nen tenagaidnak wi iri-ge ngguwa bug-o” luk yij-o.

LUKAS 6:22

Ap Ambara an nebem ala, ap-nen insili rak konpogolat, ap-nen keya konpogolat, pesel konpogolat, ’Kir-e meya kwaroso nab-o’ luk kunnu mbilaro ngin tak pogolat, iri rak konpogola-ge, kenalen ker-o!

YOANES 6:37

An Neid-nen wok nuruwa nap pidsa-ge an neram lobok yuwa-o. Nde, an neram lobok yuwa nab-e an-nen-e langgal eneyamin pug-o.

YOANES 8:41

Kit-nen-e kineid-nen kwaroso mende irit kwatli-o” luk yak indij-o. Iri yosoloma-ge, it-nen at yak togolar-e: ”Nir-e mbabi-n nderag-e lag-o. Nit Nineij-e misiget nak, Mbal Pem Nagawan-net yusu-o” luk yiga-o.

YOANES 9:2

Nde, at owosirak-nen at kin wok obogolar-e: ”Mul Nondoso Nap wa-e. Ap yu erengen ngguru ndet yid yu-ge ta-nen meya yidnak pem-nen kwarij-o? At ambik meya yidnak pem, lak? Are, at eid ija-nen meya yidnak pem-a?” luk kin wok ibiga-o.

YOANES 9:22

It Yawuri nap-nen wene mbarogolar-e: ” ’Yesus iri-ge Mesias-nen yusu-o’ luk para yuwa nab-e Mbal Pem Nagawan ama-nen mbo bul-o” luk mbaridnak me, it Yawuri nap enaye-nen at eid ija-nen yogolar-e:

YOANES 9:35

Yesus-nen ap iri na Mbal Pem Nagawan ama-nen langgara wirik pidnak wene kulurug-e, ap iri na ogore luk, karuk-nen yak tosolar-e: ”Kar-e Ap Ambara ebem kindi angin tubu yusu, lak?” luk yij-o.

YOANES 9:40

Iri yosoloma-ge, at imin woraidnak Parisi nap erep-nen at kin wok obogolar-e: ”Iri yigen iri-ge kat na nenlengen ngguru ala-nen yigen-a?” luk yogola-ge,

NGGALATIA 2:15

Nir-e nenlem-e Yawuri nab-er-o. Nir-e meya yugwi nap, enlem nin nab-e lag-o.

EPESUS 2:3

Nde, ndemeret nit oboksa-nen na nandug-e it worali nggal-et woraige-o. Iri nggal woragolar-e, nit nenpe-nen ukwe ukwe yugwi mende nak kwarogolar-e, nit nenpe min nit ninndi meya iri-nen ukwe yidnak mende na kwarogolat woraige-o. Iri kwarogola-ge, Mbal Pem Nagawan isilepma-ge it erep enpem pusu iri nggal, nit nenpem na purag-et woraige-o.

1 PETERUS 5:5

Nde, iri nggal-et kit ap sugwe-nen-e inndi worak-nen yidnak yidnak nak kwarurag-o. Nde, kit pidsa kinndi tebe luk yongga yongga yogolat wolmer-o. Nde, Mbal Pem Nagawan engga bem-nen yosolar-e: ”Mbal Pem Nagawan-nen-e inndi kek yugwi nap inmin-e sirid mbarak worasu-t nde, at-nen-e inndi teberak woragwi nab-e enabuwa kasu-o” luk yij-o.

3 YOANES 1:10

Iri bem-e, an lobok yimindig-e, at-nen kwaroso iri wene at-nen meya wene yak nondosolat, enesiget wene nenpem posolat yoso pidsa-ge yimin-o. Nde, iri kwaroso ereya bem na-ge ebem teyok yusu bug-o. Are, nennggamirak Kerisut nap lobok yogola-ge, ar-e wok inpigit lak yoso iri nag-e lag-o. Are, it wok unpurak yidnak nap na mbawi worak posolat, ap enpe-ge lambuk tak inpidnak nap ennggendumu-nen nggegera wirik onposo-o.

3 YOANES 1:9

An-nen-e lambuk tak inpidnak nap na enmanggim engga poro-t mbarigi-t nde, it ennggendumu an-net nagawan teyeg-o luk peraso nap Ndioterepes na-nen-e an nene kuligit lak yij-o.

NAM PARA WENE 13:17

Nde, ndakngge isilepma worak iri unu ala na, at unu nggal at wonat ibidnak nomor yenggerak purak mende iri enpem worak nap iri nak-nen onggo pogolat, onggo wanogolat ma-o.