YOANES 9:31 - Nanduk Ngget Tul Pidnak Wene

³¹ Meya yugwi nap-nen yidnak wene Mbal Pem Nagawan-e koloso bug-o luk nenaru nar-o. Alat nde, at unu kek tak pugwi nap min at indi-n pidnag-et kwarugwi nap min-nen yidnak wene perak nde, ar-e koloso-o.

YOANES 9:31 ပူးပေါင်းရင်းမြစ်များ

NDAK WIRIDNAK WENE 19:29

Mbal Pem Nagawan-nen-e o siri ereba Lot woragid o lid iri na-ge iri nggal kwasa lak tak pij-et nde, Mbal pem Nagawan-nen-e Abarakam-nen yidnak iri na indi yebet karuk, Lot na-ge yongga worosola, mengga mberamu-o.

NDAK WIRIDNAK WENE 20:7

Alat nde, yawo-ge kwe iri-ge tuguruk un eram pil mbururag-o. Nde, kwe iri un-e an nene lomboksa yoso nap-nen yusu-o. At-nen-e kat wat yugun naru kamanggim tepan yuwa-o. Nde, kat-nen nde kwe iri nde un eram pil mbirigit lak yugun nggwe-ge kat min kat kuwokma woragwi min oboksa wat yugub-o” luk yak tij-o.

AYUP 42:8

Iri yigepndik me, nde, yawo-ge kusi nak sapi-ge tuju, lomba ge tuju waruk Ayup eram mburugupndik, wam ereba-ge kit meya yidnak pem kondomok kenmanggim wosa kan per-o. Kan pogola-ge, Ayup-nen-e kit kenmanggim tepan yuwa-o. Nde, Ayup-nen tepan yuwa iri-ge an-nen e kolosolar-e, kir-e onggo angin worak kenpem purag-et nde, an-nen-e kinnggiri rak pimin pug-o. Kir-e an nowene-ge ndemeret mot mor-e yigit lak yigepma-o. Nde, Ayup-nen perak ndemeret mot mor-et yamu-o” luk yak tij-o.

NDAWI ENGGA 145:19

At-nen-e at indi aye worak worali nap inndi alen tak onposolat, at-nen it enne mbo bil laidnak kuluruk, inmiri yosolat kwaroso-o.

NDAWI ENGGA 40:8

’Mbal Pem Nagawan wa-e. Kat kindi-n pidnak kwarurak iri-ge an-e nindingen-o. Kat-nen idnak imiri mbarak pidnak wene-ge an narem pukmu-o’ luk mbarak worasu-o” yigi-o.

NGGOMO WENE 15:29

Konak nap iri-nen nde tepan yosola-ge, Nagawan Indo-nen-e ene koloso-o. Alat nde, wene taroso nap ene-ge koloso bug-o.

YESAYA 1:15

Kit kininggi iri-nen ap wurugwi me, kit-nen nde tepan yuwokluk kininggi nuk karuk tepan pempa kundugu yugub-et nde, nombol wok kunduruk woramin-o.

YESAYA 58:9

Kit-nen nde an neram tepan yogola-ge, an-nen-e kenne erep nggarimin-er-o. Nde, kit-nen an neram wene mbo bil luwagola-ge, an-nen-e kenne kulimin-er-o. Kit-nen-e ab-e tuguruk lel mberel unpurak pug-o. Sirid mbarak woragwi min nobokpe kobokpe yugwi min-e mondok keya burag-o.

YEREMIA 14:12

It iri-ge an-nen yongga unduwakluk, nunggwi mende keya buruk, an nemengen nak mbal tenak wolma-t nde, it enne-ge mondok kulimin pug-o. It-nen an namanggim wam wosa kan pogolat, nggandum mbato pogolat kwaruwa-t nde, ereba puwa ereba-ge nindingen tak pimin pug-o. Alat nde, an-nen lak tak onposolar-e, wim abi bem-nen na, nogoro bem-nen na, kugwi lare bem-nen na lak tak onposolat irit kwarimin-o” luk yij-o.

YEREMIA 15:1

Nagawan Indo-nen an yak norosolar-e: ”Musa min Semuel min-nen an neram yu me mendak woragolat, it ap enlem yu an-nen enabuwa yuwakluk nemengen mbaruwa-t nde, an-e ap enlem yu-ge mondok enabuwa yimin pug-er-o. Ap enlem yu-ge an-nen yik iniyudtag-e mondok nimbir-o! ’Ndak mberer-o’ yak indi-o!

MIKA 3:4

Kit-nen kenne nggoksa ”Nagawan Indo wa-e. Yongga nindi-o” luk Nagawan Indo emengen mbarurak tarem wok yosola, emengen mbarugub-et nde, kenne ereb-e nggaruwa bug-o. Kir-e meya nak kwarogolat woragwi me, kit-nen tepan yugup na kuluwa bug-er-o.

YOANES 11:22

Alat nde, yawo-nen na kat-nen Mbal Pem Nagawan nggi yak tugun mende na wok kuruwa-o luk an-e naru-o” luk yak tij-o.

YOANES 15:16

Kit-nen an len nibigit lag-o. Alat nde, an-nen len kunpuruk, kit-nen-e engen kwarat pogolar-e, pem-et woralik nalik momtak engen pobokluk-nen an-nen wirik kinpigi-o. Nde, an nunu bem an Neid nggi yak tugup mende-ge, iri na-t wok kunduwa-o.

YOANES 4:34

Yogolikma-ge, Yesus-nen it yak ondosolar-e: ”An numburu-ge an wirik nibil lobok yidnak nap iri na indi-n pidnak nak kwarosolat, at-nen yabu nebem pidnak na woroksa wanosolat yurak irir-o.

YOANES 7:17

Nde, ta-nen nde Mbal Pem Nagawan indi-n pidnak kwareyeg-o luk peraidnak nap-nen-e an-nen mul ondoso wene yu-ge Mbal Pem Nagawan eram-nen lobok yidnak wene nde mul undusu, lak? Are, at indi-n pidnak wene nde mul undusu-a? luk aru yuwa-o.

YOANES 9:30

Yogolikma-ge, ap iri na-nen it yak ondosolar-e: ”At-nen an nerengen kuwarak pid iri-ge kagolat-net nde, ’Ap iri-ge ngge me-nen lobok yidnag-o? Nir-e nenaru bug-o’ yili yu-ge kir-e wi yurag-et kwatli-o.

YOANES 9:32

Nggweyak yu ndak wiridnak kuri-net ija arem-net erengen ngguru ndesa mbidnak nap misik erengen kuwarak pidnak wene mbi kulugwi bug-o.

IBERANI 10:7

Iri ala-ge, an-nen yosolar-e: ’Mbal Pem Nagawan wa-e. An-e yu-o. An lobok yigi yu-ge kat kindi-n pidnak iri nak kwarurak pem lobok yigi-o. Nde iri-ge, Musa-nen engga mbarak arem-nen an nowene mbaridnak irit ndak ndak tak posolat-nen lobok yigi-o’ luk yij-o.”