YOANES 9:24 - Nanduk Ngget Tul Pidnak Wene

²⁴ Iri yogola-ge, ap nanduk erengen ngguru woragaid na tuguruk wene mbo uburuk-nen at yak togolar-e: ”Kar-e Mbal Pem Nagawan imbiri bem-e ndemeret lud tag-et yi-o. Ap iri-ge nir-e nenaru-o. Meya yoso nap-net yusu-o” luk yak tiga-o.

YOANES 9:24 ပူးပေါင်းရင်းမြစ်များ

ESERA 10:11

Iri ala, nonmborak-nen erembel wanugwi Mbal Pem Nagawan, Nagawan Indo iri na eram kit meya yidnak para keya ber-o. Keya burug-e, at indi alen tak purak mende nak kwarer-o, Enlem nin nap nit woragwi sa worali nap inmin-e mondok kundik wolmomtak pug-o. Iri-nen konkwerak enlem nin kweyap wanigep ereba-ge sera mondok wirik enper-o” luk yak indij-o.

YESAYA 66:5

Kit Nagawan Indo aye worak woragolat, at-nen yidnak yidnak kwatli nap wa-e. Nagawan Indo-nen yak kundusu wene kwara koler-o. At-nen yosolar-e: ”Kit-nen an-nen yidnak yidnak tugup lak kwarogolat worali bem-e, kit kenlem nap ennggendumu ap erep-nen-e insili rak konpogolat, kit kinmin kundurak insili yili-o. It-nen pesel konpogolat-nen yogolar-e: ’Kit-nen kenalen kagola, nit kujwok-nen Nagawan Indo-nen at-nen kek tak woraso iri na mirik nunpuwag-o’ luk yili-o. Alat nde, it ondomok nde innggiri ma-o.

MARAKUS 15:27

Purug-e, Yesus imin e lang pang tak pem panggarak onpogolar-e, ap nden unpugwi nap mberen, misik inggi kigit ambigit nggwe, misik inggi kware ambigit nggwe panggarak inpiga-o.

LUKAS 15:2

Iri ala-ge, Parisi nap min imiri mbarak pidnak wene enaru nap min-nen at obok pogolar-e: ”At yu-ge meya yugwi nap imin tak unpuruk, inmin mburu nasu yu nde ker-o” luk yiga-o.

LUKAS 19:7

Iri kwarosola kaiga nap pidsa-nen unlum ne yol ngol mbogolar-e: ”E! Ar-e meya yoso nap na ama worayekluk mburusu-o!” luk yiga-o.

LUKAS 7:39

Yesus imin ”Totno nog-o” yak tid Parisi nap na-ge kwe iri-nen kwaridnak karuk, at arem-nen perasolar-e: ”Ap yu nde ndemeret Mbal Pem Nagawan ene lomboksa yoso nap nggal-e, at tenabusu kwe na aru yosolat, uwingga mbaroso kwe-nen yusu-o luk yenggerak peleb-o!” luk peragaij-o.

YOANES 14:30

Nggweyak yu tena woraso na panggo yusu me, wene mor-et yak kindimin pug-o. At iri-ge an nimin ndak ndag-e lag-o, teberak-net yusu-o.

YOANES 16:2

Nde, tepan yugwi ma-nen abu abu wirik kunpuwa-o. Nde, kit kunduwa nap-nen peragolar-e: ’An-e Mbal Pem Nagawan eyabu wanusu-o’ luk yurak tarem-e panggo yuwa-o.

YOANES 18:30

it-nen at yak togolar-e: ”At yu nde meya yigit lak nggal-e, nir-e kat keram ibil lobok yelep pug-o” luk yiga-o.

YOANES 19:6

Yak ondosoloma-ge, tepan ombo nagawan min Mbal Pem Nagawan ama towarak woragwi min-nen at karug-e, enne nggoksa yogolar-e: ”E lang pang tak pem panggarak per-o! E lang pang tak pem panggarak per-o!” luk yiga-o. Yogolikma-ge, Pilatus-nen it yak ondosolar-e: ”An-e at-nen meya mbi kwarigit lak kagirik me, kit kondomok-net waga e lang pang tak pem panggarak per-o” luk yij-o.

YOANES 5:23

Nde, an Neid-nen amawi an ninggem pid iri-ge ap pidsa-nen Neid kek tak pili nggal, Ambara an na kek tak nubuwakluk-nen ninggem pij-o. Ambara an kek tak nibili buk nab-et wirik nibil lobok yidnak nap an Neid na kek tak pili bug-o.

YOANES 8:46

Kit kennggendumu-nen an meya yidnak nimbiri para yak nururak nab-e ta-o? Nde, an-e ndemeret wene nak yak kondosola-ge, kir-e noluk-nen an nebem kinndi angin tubu yili bug-o?

YOANES 8:49

Yogolikma-ge, Yesus-nen yosolar-e: ”An-e kugi narem nggwidnag-e lag-o. An-e Neid kek tak pusu-t nde, kit-nen-e an kek tak nibili bug-o.

YOANES 9:16

Yosoloma-ge, it Parisi nap erep-nen yogolar-e: ”Iri kwarid nap iri-ge we woragwi tarem-nen kwarugwi buk na kwaril noso me, at iri-ge Mbal Pem Nagawan eram-nen lobok yidnak nab-e lag-o” luk yiga-o. Nde, it erep-nen yogolar-e: ”Lag-o. Meya yoso nap-nen-e kwiye worak mende nggulok yu nggal-e nggesa-nen kwatleb-o?” luk yiga-o. Iri nggal yak kerak mbogolar-e, iri wene lit lit ngguno piga-o.

YOANES 9:25

Yak togolikma-ge, ap iri-nen yosolar-e: ”At iri-ge meya yoso nap-nen yusu, lak, lag-a? Iri-ge an naru bug-o. Alat nde, an nanduk nerengen ngguru woraso-t nde, yawo nerengen kuwarak pid iri nak naru-o” luk yij-o.

OROMA 8:3

Nde, ki nap enpage ndeyak me, imiri mbarak pidnak wene-nen kwarurag-e meya agaid iri-ge Mbal Pem Nagawan-net kwarij-o. Kwarosolar-e, meya kwarugwi elem lak tak puwakluk, at ambik Ambara ibil lobok yosolar-e, meya kwarugwi nap enaboro worak irit ibil lobok yid iri-nen-e meya kwarugwi elem ki nap enarem worasu iri na urugwe nggwe rak pij-o.

2 KORINTUS 5:21

Kerisut ebem-nen Mbal Pem Nagawan-nen lud tak nak kwaroso nggal tak nenpeyeklug-e, Kerisut na meya yoso bug-et nde, nit nondolmasa Mbal Pem Nagawan-nen-e meya yoso nap tak ibij-o.

YOSUA 7:19

Iri ala karuk, Yosua-nen Akan yak tosolar-e: ”Nambara-o. Nagawan Indo Isarael nap Enmbal Pem Nagawan imbiri bem-et kat-nen kwarigen para yi-o. Mondok kuragurak pug-o. Mondok nam-et para yak niri-o” yak tij-o.

NAM PARA WENE 11:13

Ereya na-net o mid kwiye worak yosolar-e, o siri iri me erep minggirik (sepersepulu) tud yil lobok yosolar-e, ab-e tuju ribu (7,000) o mid iri-nen worak inpij-o. Nde, ap erep ereba na-ge kwiye kwarat luk, aid arem woraso Mbal Pem Nagawan erembel waniga-o.