YOANES 9:22 - Nanduk Ngget Tul Pidnak Wene

²² It Yawuri nap-nen wene mbarogolar-e: ” ’Yesus iri-ge Mesias-nen yusu-o’ luk para yuwa nab-e Mbal Pem Nagawan ama-nen mbo bul-o” luk mbaridnak me, it Yawuri nap enaye-nen at eid ija-nen yogolar-e:

YOANES 9:22 ပူးပေါင်းရင်းမြစ်များ

LUKAS 6:22

Ap Ambara an nebem ala, ap-nen insili rak konpogolat, ap-nen keya konpogolat, pesel konpogolat, ’Kir-e meya kwaroso nab-o’ luk kunnu mbilaro ngin tak pogolat, iri rak konpogola-ge, kenalen ker-o!

YOANES 1:19

Yerusalem-nen it Yawuri nap ennggendumu-nen ap kek tak ereba na-nen tepan omborak min Lewi nap min wirik onpogolar-e: ”Kar-e ta-nen yusu-o?” luk Yoanes kin wok ubuwakluk inpil mborogola, Yoanes-nen yak indidnak wene-ge yur-o.

YOANES 16:2

Nde, tepan yugwi ma-nen abu abu wirik kunpuwa-o. Nde, kit kunduwa nap-nen peragolar-e: ’An-e Mbal Pem Nagawan eyabu wanusu-o’ luk yurak tarem-e panggo yuwa-o.

YOANES 19:38

Iri rak purug-e, o Arimatea nap Yusup-nen Yesus orogwak waneyekluk, Pilatus nggi yak tij-o. (At Yusup iri-ge Yesus ene wanoso woragaij-et nde, Yawuri nap enaye-nen mbik mbok wanij-o.) Nde, Pilatus-nen-e: ”Ob-o” yosoloma-ge, Yusup na mberarik, at orogwak na waruk mbirij-o.

YOANES 20:19

Hari Minggu iri na bem-et kubu nggwe-ge Yawuri nap enaye-nen Yesus owosirak na-ge tumende pidsa imig worak puruk, ndok worak woraiga-o. Worakmu-ge, Yesus na lobok yarik, mimo it ennggendumu mendak worasolat-nen yak ondosolar-e: ”Nowosirag-o. Kinndi-ge yek tag-et wolmer-o” luk yij-o.

YOANES 7:13

Alat nde, Yawuri nap na enaye-nen ap misiger-o luk tet-nen at obog-e nam-et para yigit lag-o.

YOANES 9:18

Alat nde, at iri na-ge erengen ngguru woraso-t nde, erengen kuwarak pij-o luk, it Yawuri nap-nen inndi angin tubu yurak insili me, at eid ija wene mbo unpuruk,

YOANES 9:21

Alat nde, yawo at erengen konak yid min at erengen kuwarak pid nap min iri-ge ta-nen kuwarak pij-o luk nir-e nenaru bug-o. Ar-e indi worag-et me, ar-et kin wok eber-o. At owene-ge at ondomok-net yuwa-o!” luk yiga-o.

YOANES 9:34

Yak ondosoloma-ge, it-nen at yak togolar-e: ”No yusu-o? Kar-e ndesa mbosolat-net meya kobong tag-et ndesa mbigen yu-net nde, nit nggomo nundusu-a?” yak turuk, ”Kar-e Mbal Pem Nagawan ama kar-e nggumomtag-e lag-o” luk langgara wirik piga-o.

YOANES 9:35

Yesus-nen ap iri na Mbal Pem Nagawan ama-nen langgara wirik pidnak wene kulurug-e, ap iri na ogore luk, karuk-nen yak tosolar-e: ”Kar-e Ap Ambara ebem kindi angin tubu yusu, lak?” luk yij-o.

YIDNAK YIDNAK WENE 4:18

Yogolug-e, it mberen nap na wene mbo unpuruk-nen enne amawi min watsa yak ondogolar-e: ”Kir-e Yesus unu bem wene yogolat, ap mirik onpogolat yurak puk na-e” luk yak indiga-o.

YIDNAK YIDNAK WENE 5:13

Nde, ap pidsa-nen it entembel wanogolat woraiga-t nde, ap ereb-e it inmin lambuk yurag-e kwiye-nen larok yiga-o.

YIDNAK YIDNAK WENE 5:40

Wanurug-e, wirik inpidnak nap na yonggo unpuruk, linggamburok unduruk, enne amawi min watsa yak ondogolar-e: ”Yesus unu bem-e ap nggomo undurak pug-o” yak unduruk, wirik inpiga-o.

NAM PARA WENE 21:8

Alat nde, kwiye kagwi nap min inndi angin tubu yugwi buk nap min kwarugwi buk mende kwarugwi nap min ap undugwi nap min terak terak ye unpugwi nap min kwal ombo min kugiwak erembel wanugwi min enesiget yugwi nap oboksa min it ondoro-ge emben worak kule (belerang) laso kan mare arem-nen yusu-o. Nde, iri-ge mberen pem tak posolat wat momtak elem-nen yusu-o” luk yij-o.