YOANES 9:16 - Nanduk Ngget Tul Pidnak Wene

¹⁶ Yosoloma-ge, it Parisi nap erep-nen yogolar-e: ”Iri kwarid nap iri-ge we woragwi tarem-nen kwarugwi buk na kwaril noso me, at iri-ge Mbal Pem Nagawan eram-nen lobok yidnak nab-e lag-o” luk yiga-o. Nde, it erep-nen yogolar-e: ”Lag-o. Meya yoso nap-nen-e kwiye worak mende nggulok yu nggal-e nggesa-nen kwatleb-o?” luk yiga-o. Iri nggal yak kerak mbogolar-e, iri wene lit lit ngguno piga-o.

YOANES 9:16 ပူးပေါင်းရင်းမြစ်များ

MATIUS 12:10

Nggosoma-ge, iri na me-ge inggi ponok nggwe wat yidnak nap misik woragaij-o. Worasola-ge, ap erep-nen Yesus abut mbarogolat-nen kin wok obogolar-e: ”We woragwi tarem ap ki rak unpurag-e op, lak?” luk yak tiga-o.

MATIUS 12:2

Iri kwarogola, Parisi nap-nen yik eneyaruk, it-nen Yesus na yak togolar-e: ”We woragwi tarem-nen iri nggal kwarurak pug-o yidnak wene iri na-ge kat kowosirak-nen kuruk tili yu ki-o” luk yak tiga-o.

LUKAS 13:14

Yesus na we woragwi tarem-nen kwe na ki rak posola karuk, tepan yugwi ma wari mendak pidnak nap iri-ge indi puru kwarat luk, ap kwarat iri na yak ondosolar-e: ”Nit-nen yabu wanurak tarem-e enam worasu-o. Ki rak kunpuwakluk ereya tarem-nen lobok yer-o. Nde, we woragwi tarem-nen lobok yurak pug-o” luk yij-o.

YOANES 10:19

Yesus-nen wene iri yosola kulurug-e, Yawuri nap-nen inndi kuri worak woraiga-o.

YOANES 14:11

An-e Neid arem woralat, nde, Neid na an narem woralat yusu-o luk kinndi angin tubu yer-o. Nde, iri momtag-e meya ala-ge, an-nen kwarusu mende karuk iri bem-et kinndi angin tubu yer-o.

YOANES 15:24

Ap-nen kwarugwi buk mende-ge it inmbiri bem kwarigit lak yiginggal-e, it meya yidnag-e enpem pigit lak yeleb-o. Alat nde, yawo-nen perak nde an-nen kwarigi mende karug-e, an Neid nenmberek insili rak ninpili-o.

YOANES 2:11

Yesus na-ge at-nen kwiye worak mende tel korosolar-e, Nggalilea wi o siri Kana iri me-nen tel kwirij-o. Nde, kwiye worak mende iri kwarid iri bem-nen at-nen kek tak woraso nam tak posola, at owosirag-e at ebem inndi angin tubu yiga-o.

YOANES 3:2

Misik tarem kubu nggwe-ge at na-ge Yesus eram mberarik, at yak tosolar-e: ”Mul Ondoso Nap wa-e. Kar-e Mbal Pem Nagawan-nen kibil lobok yidnak-nen yusu-o luk nir-e nenaru-o. Mbal Pem Nagawan nde inmin woragit lak-nen-e kat-nen kwiye worak mende kwarusu yu nggal-e ap misiger-o luk tet-nen kwarurag-e meya-o” luk yij-o.

YOANES 5:10

Iri ala-ge, Yawuri nap-nen ki rak ibidnak nap na yak togolar-e: ”Yawo-ge we woragwi tarem me, kat kilis kud tusu meyog-o” luk yak tiga-o.

YOANES 5:36

Alat nde, Yoanes na an nebem kinggirid wene-ge marik nggal-nen yusu-o. Nde, an nebem kunggurusu wene nggulog-e yur-o: An Neid-nen an-nen kwaruwakluk nebem pidnak iri-ge an-nen kwaril waring kasu yu-nen-e an nebem konggorosolar-e: ’At Eid-nen wirik ibil lobok yij-o’ luk an nebem kunggurusu iri bem-nen yenggerak neyali-o.

YOANES 6:52

Iri yosoloma-ge, Yawuri nap-nen ngguno pet kerak mbogolar-e: ”At yu-ge nggesa-nen at ebe nujwakluk at ebe wok nundurak yusu-o?” luk yiga-o.

YOANES 7:12

Yogolikma-ge, ap kwarat ereba na-nen Yesus obok tapsa yak kerak mbogolar-e, it erep-nen yogolar-e: ”At iri-ge konak nab-o” yogolat, nde, it erep-nen yogolar-e: ”Lag-o. At iri-ge ap inndi kabak tak poso-nen yusu-o” luk yiga-o.

YOANES 7:23

Musa-nen imiri mbarak pidnak wene na kuruk tul naru, li iniye ambasap iri-ge we woragwi tarem-nen wabugwi na-t nde, an-nen we woragwi tarem-nen ap misik mondok ki rak pigi na bem-nen kir-e noluk-nen kinsilepma an nebem pili-o?

YOANES 7:43

Wene iri yogolar-e, ap kwarat ereba na-nen Yesus owene lit lit ngguno nggwiga-o.

YOANES 9:24

Iri yogola-ge, ap nanduk erengen ngguru woragaid na tuguruk wene mbo uburuk-nen at yak togolar-e: ”Kar-e Mbal Pem Nagawan imbiri bem-e ndemeret lud tag-et yi-o. Ap iri-ge nir-e nenaru-o. Meya yoso nap-net yusu-o” luk yak tiga-o.

YIDNAK YIDNAK WENE 14:4

Alat nde, o iri nab-e nggaksa mberen yogolar-e, ereb-e Yawuri nap enambigit yogola, ereb-e wirik inpidnak nap mberen iri na enambigit yogola yiga-o.