YOANES 8:53 - Nanduk Ngget Tul Pidnak Wene

⁵³ Kar-e nit nineid Abaram kek tak wat yid iri na anggul pem terak minik kek tak-nen yusu-a? Mbal Pem Nagawan ene lomboksa yugwi nap na war-et yiga-o. Nde, kar-e ta nggal-nen yusu-o?” luk yak tiga-o.

YOANES 8:53 ပူးပေါင်းရင်းမြစ်များ

YESAYA 9:6

Nit nenmanggim liap misik ndesa mbij-o. Ambara misik wok nindij-o. Ar-e nit tena nunpuruk woraso nap kwat ma-o. Nde, at unu yogolar-e: ”Nggomo Ondoso Nap Indi Nggat Nggat Worak”, ”Amawi Worak Mbal Pem Nagawan”, ”Nineid Pem Woraso”, ”Lambuk tak Onposo Nagawan” luk yuwa-o.

MATIUS 12:6

An-nen yak kendeyeg-o: Mbal Pem Nagawan uwi iri-ge nggulog-et nde, terak minik nggulok mende misig-e yu me worasu-o.

MATIUS 3:9

Kit-nen peragolar-e: ’Abaram iri-ge nit nonmbo-nen yusu-o’ luk purudtak pug-o. An-nen yak kendeyeg-o. Mbal Pem Nagawan-nen-e kerep yeba bem-nen Abaram-nen wigarak nap nggal kwasa ndak worak unpurag-e ndak-net yusu-o.

YOANES 10:33

Yak ondosoloma-ge, Yawuri nap-nen at yak togolar-e: ”Kat-nen konak mende kwaridnak pem-nen kat kuruwokluk yili-ge lag-o. Are, kar-e ki nab-et nde, Mbal Pem Nagawan imin ndak ndak yosolar-e, Mbal Pem Nagawan obok pusu iri bem-nen kuruwokluk yili-o” luk yak tiga-o.

YOANES 12:34

Yosoloma-ge, ap kwarat-nen at yak togolar-e: ”Nit-nen idnak imiri mbarak pidnak engga bem-e ’Mesias iri-ge pem-et woralik nalik wolma-o’ luk mbarak worasu-t nde, kat-nen yosolar-e: ’Ap Ambara-ge nggweyak ma-nen ibil lujwa-o’ yigen iri-ge noluk-nen yigen-o? Ap Ambara-ge ta nde yigen-o?” luk yak tiga-o.

YOANES 19:7

Yosoloma-ge, Yawuri nap-nen at yak togolar-e: ”At iri-nen-e: ’An-e Mbal Pem Nagawan Ambara-o’ luk yoso me, nit-nen idnak imiri mbarak pidnak wene-nen-e: ’Iri yoso nab-e wururag-er-o’ luk yidnak ala-nen nir-e wururak wene yili-o” luk yiga-o.

YOANES 4:12

Nit nenlawingga Yakup-nen-e yi emnde mbarak yu wok nindij-o. Nde, at min at ilirak min owam min pidsa-ge yu me-t yi nonggolat woraiga-o. Nde, kar-e Yakup na marik tak puruk, kat kambikpebe nggok yosolat-nen yigen-a?” luk yij-o.

YOANES 5:18

Wene iri yidnak pem it Yawuri nap ebem lud insilepma luk, ”Nggesa-nen wurul-o?” luk tu kore yogolat woraiga-o. Nde, iri yiga iri-ge we woragwi tarem-nen ”Kwarurak pug-o” yidnak na kwid toso iri bem-nen nag-e lag-o. Are, at-nen yosolar-e: ”Mbal Pem Nagawan an Neig-er-o” luk yosola-ge, ”E! Ar-e at ambikpebe Mbal Pem Nagawan nggal yusu-o” lug-e at wururak yiga-o.

YOANES 8:58

Yak togolikma-ge, Yesus-nen it yak ondosolar-e: ”An-e ndemeret yak kundusu-o. Abaram na ndet yigit lak ma-net an-e woraso-net yusu-o” luk yij-o.

OROMA 9:5

Isarael nap na-ge na nenlawingga-nen wigarak-net yili-o. Kerisut abage nggweyak ma nap en-page worak iri-ge it Isarael nap-nen wigarak-net yusu-o. Nde, yi mende ndi mende oboksa ombol pem kek tak woraso Mbal Pem Nagawan na-ge unu kek tak woralik nalik irit wolmag-o. Amen.