YOANES 8:41 - Nanduk Ngget Tul Pidnak Wene

⁴¹ Kit-nen-e kineid-nen kwaroso mende irit kwatli-o” luk yak indij-o. Iri yosoloma-ge, it-nen at yak togolar-e: ”Nir-e mbabi-n nderag-e lag-o. Nit Nineij-e misiget nak, Mbal Pem Nagawan-net yusu-o” luk yiga-o.

YOANES 8:41 ပူးပေါင်းရင်းမြစ်များ

MBIRIGA WENE 4:22

Iri yosola-ge, nagawan iri-ge yu nggal yak turag-o: ’Nagawan Indo at-nen yosolar-e: ”Isarael iri-ge an nambara manggiya nen yusu-o.

YESAYA 63:16

Kar-e nit nineid-net yusu-o. Abarakam min Yakup min-e nir-e enaru bug-et nde, Nagawan Indo wa-e. Kar-e nit nineid, o nanduk ereba-net nit ninmiri yoso-nen yusu-o.

YESAYA 64:8

Alat nde, Nagawan Indo wa-e. Kar-e nit nineid-net yusu-o. Nir-e mimi nggweyag-et nde, kat-nen kwarak ninpidnak-nen yusu-o. Nit oboksa-ge kat kinggi-nen kwarak ninpidnak-nen yusu-o.

YEREMIA 31:20

Isarael wa-e. Kar-e nera kabuwa worak-nen yusu-o. Nera nindi kundik, nindi kumburak-nen yusu-o. Pempa an-e kat kebem kore yusu-t nde, nindi andi-nen pempa nindi-ge kebem-et worasu-o. Kar-e an-nen kwat kobosolar-e, mondok kabuwa min-et kwat kibimin-o.

OSEA 1:2

Mondok mondog-et Nagawan Indo-nen Isarael nap wene yak ondosolar-e, an nemndam tak pij-o. Nagawan Indo-nen yosolar-e: ”Osea wa-e. Kar-e mburugundik, ap inmin terak noso kwe misik wani-o. Kilirak na iniya nggal nag-et kwat ma-o. Nde, an nilirak Isarael nab-e kat kogwe iri nggal nag-et kwarogolar-e, an nimin tugup lak woragit lak, keya nibili-o” luk yij-o.

MALEAKI 1:6

Nde, Nagawan Indo Mondok Amawi worak iri na-nen tepan ombo yak ondosolar-e: ”Li marik-nen na ineidtag-e kek tag-et unpugwi-o. Ndegel unpugwi nap-nen na it onmborag-e kek tag-et unpugwi-t nde, an-e kit kineij-et nde, noluk-nen kir-e kek tak nibili bug-o? An-e kit konmbo-t nde, noluk-nen kir-e an naye kagit lak yili-o? Nde, kit-nen-e kenlengenma nggal tak nobogolar-et nde, kit-nen yogolar-e: ’Nir-e ngge kwarogolat-nen nenlengenma nggal tak kibili-o?” luk kin wok nibili-o.

MALEAKI 2:11

Nde, Yewura nab-e Mbal Pem Nagawan-nen it inmin urul pid wene iri na kwid togolar-e, Yerusalem min iri me oboksa min ereba na me-ge meya unmunggum pil kagwi mende kwatli-o. It-nen Nagawan Indo uwi at indi kundik iri na emben to rak pogolar-e, erem nin nap unkugwiwak erembel wanugwi kweyap ereba na inmin wok kerak mbogolat kwatli-o.

YOANES 8:38

An-nen-e Neid-nen mirik nibidnak nak mul kundusu-t nde, kit-nen-e kit kineid-nen yak kindidnak mende-t kwatli-o” luk yak indij-o.

YOANES 8:44

Kir-e Sere ilirak-nen yili me, kineid indi-n pidnak nak kwaruwokluk yili-o. Nanduk-net ar-e ap woroso-nen yusu-o. Ndemeret wene-ge at arem mondok lak me, lud tak nak kwarugwi mende at arem-e woraso bug-o. At-nen enesiget wene yosolar-e, at-nen kwaroso mende irit kwarusu-o. Enesiget wene yoso, nde, enesiget wene pidsa elem-e at-net yusu-o.

TUGURUK YIDNAK WENE 32:6

Kit wid, kinndi lak yu-ge wa-e. Kit-nen Nagawan Indo-nen konak kwat kinpidnak iri na onggo at konak kwat obogolar-e, iri kwatli irir-a? Nagawan Indo iri-ge kit Kineid ndak wat kunpuruk, ap enlem misik kwarak kinpid nab-e lag-a?

1 YOANES 3:12

Kain-nen kwarid nggal nit-nen kwarurag-e meya-o. At iri-ge Meya Kwaroso ambara me, at ambik owot wirij-o. Noluk-nen at owot wirij-o? At Kain-nen kwaroso mende-ge meya nak kwaroso-t nde, at owot-nen kwaroso-ge konak nak kwaroso ala karuk-nen wirij-o.