YOANES 8:39 - Nanduk Ngget Tul Pidnak Wene

³⁹ Yak ondosoloma, it-nen at yak togolar-e: ”Nit nineij-e Abaram-net yusu-o” luk yogoloma-ge, Yesus-nen it yak ondosolar-e: ”Kir-e ndemeret Abaram ilirak-nen yili nggal-e Abaram-nen kwaroso nggal-et kwatleb-o.

YOANES 8:39 ပူးပေါင်းရင်းမြစ်များ

MATIUS 3:9

Kit-nen peragolar-e: ’Abaram iri-ge nit nonmbo-nen yusu-o’ luk purudtak pug-o. An-nen yak kendeyeg-o. Mbal Pem Nagawan-nen-e kerep yeba bem-nen Abaram-nen wigarak nap nggal kwasa ndak worak unpurag-e ndak-net yusu-o.

MATIUS 5:45

Iri kwarugup pem-e kit kineid aid arem woraso ilirak tugub-o. Kineid iri-nen at omolengen yemberak pil lobok yosolar-e, meya nap enpem na irit, konak nap enpem na irit, poso-o. Nde, talme engen pil mbuwasolar-e, lud tak nak kwarugwi nap enpem na irit, meya nak kwarugwi nap enpem na irit, pil mbuwaso-o.

YOANES 8:33

Yak ondosoloma, it-nen at yak togolar-e: ”Kir-e Abaram-nen wigarak me, nir-e ap misiger-o luk tet ndegel unpugwi bug-o. Irit nde, kat-nen-e: ’Wisirik kunpuwa-o’ yigen iri-ge ngge yosolat-nen yigen-o?” luk yiga-o.

YOANES 8:37

Kir-e Abaram-nen wigarak-nen yili-o luk an-e naru-t nde, an-nen yidnak wene-ge kenarem nggusu buk me, an nuruwokluk tu mbenatli-o.

YOANES 8:43

Kir-e noluk-nen an-nen yidnak wene yebet kali bug-o? Kwara yebet kali buk iri-ge an-nen yidnak wene kit-nen kwara lid puruk wanili buk iri bem-nen-o.

YOANES 8:56

Kit kineid Abaram na-nen-e an lobok yurak tarem kamin-o perasoluk, alen min-et woragaij-o. Nde, an na lobok yosola karuk, kijik kijak yij-o” luk yij-o.

OROMA 4:12

Nde, Abaram na-ge it iniye ambasap wabugwi nap na onmbo-nen yusu-o. Alat nde, it iniye ambasap wabidnak pem-nen nak onmbo-nen yusu-ge lag-o. Are, Abaram na iye ambasap wabigit lak ma-net indi angin tubu yid iri nggal ninndi angin tubu yili nap nonmbo-nen yusu-o.

OROMA 4:16

Nde, urul pidnak wene iri-ge Mbal Pem Nagawan ebem indi angin tubu yidnak pem-net yak tij-o. Iri yak tid iri-ge, urul pidnak wene iri-ge we wok ondoso elem pem Abaram-nen ndagaidnak lolo pidsa-nen winde yuwakluk-nen yak tij-o. Imiri mbarak pidnak wene-nen yidnak yidnak nak kwarugwi nap enmanggim nag-e lag-o. Are, Abaram indi angin tubu yid nggal, iri nggal ninndi angin tubu yul nap na nenmanggim-nen yusu-o. Nde, Abaram iri-ge nit pidsa nineid-nen yusu-o.

OROMA 9:7

Nde, Mbal Pem Nagawan-nen Abaram yak tosolar-e: ”Isak-nen ndaguwa lolo iri nak kat-nen wigarag-o” luk yak tidnak me, Abaram-nen wigarak na rit oboksa Mbal Pem Nagawan ilirak-nen yili-ge lag-o.

NGGALATIA 3:29

Alat nde, kit nde Kerisut arengge ala-ge, kit na Abaram-nen wigarak-net yili me, Mbal Pem Nagawan urul pidnak iri na wanurak nap-nen yili-o.

NGGALATIA 3:7

Iri ala-ge, inndi angin tubu yidnak nab-e ndemeret Abaram ilirak-nen yili-o luk kenaru mer-o.