YOANES 8:37 - Nanduk Ngget Tul Pidnak Wene

³⁷ Kir-e Abaram-nen wigarak-nen yili-o luk an-e naru-t nde, an-nen yidnak wene-ge kenarem nggusu buk me, an nuruwokluk tu mbenatli-o.

YOANES 8:37 ပူးပေါင်းရင်းမြစ်များ

MATIUS 13:15

It ap elem yu-ge inndi-ge ebebeyal wat yogolat, it eneyanggo lak lembeng yogolat, iri enlengen muruk tak pili-o. Iri yili iri-ge, it enlengen-nen kul naru, it eneyanggo-nen kulul naru, it inndi-nen yenggerak puruk, kondok yogola, an-nen ki rak unpuwa naru iri yili-o.’

MATIUS 3:9

Kit-nen peragolar-e: ’Abaram iri-ge nit nonmbo-nen yusu-o’ luk purudtak pug-o. An-nen yak kendeyeg-o. Mbal Pem Nagawan-nen-e kerep yeba bem-nen Abaram-nen wigarak nap nggal kwasa ndak worak unpurag-e ndak-net yusu-o.

YOANES 10:31

Yak ondosoloma-ge, it Yawuri nap-nen tuguruk at wururak pem kerep waniga-o.

YOANES 11:53

Iri ala-ge, iri tarem-nen Yawuri nap ennggendumu enne kulugwi nap na-nen Yesus wururak wene mbarogolat woraiga-o.

YOANES 5:44

Nde, kit-nen-e: ’Mbal Pem Nagawan misiget nak iri-nen an kek tak nubuwa-o’ perali bug-o. Are, ki nap-nen kek tak kunpurak pem, kit na kit-net kentembel wok kerak mbili me, kir-e nggerak puruk-nen kinndi angin tubu yugub-o?

YOANES 7:1

Iri rak purug-e, Yurea-nen Yawuri nap-nen at wururak peragola karuk, Yesus-e Yurea nggwe waring kudtag-e imbit-nen Nggalilea nggweyak pem waring kasolat woragaij-o.

YOANES 7:19

Imiri mbarak pidnak wene na-ge Musa-nen wok kindid na-ge lag-a? Alat nde, kir-e misiger-o luk tet imiri mbarak pidnak wene iri-nen yidnak yidnag-e kwatli bug-o. Kir-e noluk-nen an nuruwokluk yili-o? luk yak indij-o.

YOANES 7:25

Yak ondosoloma-ge, Yerusalem nap erep-nen yogolar-e: ”At yu-ge wuruwokluk tu kore yili na-ge yu-t lak?

YOANES 8:33

Yak ondosoloma, it-nen at yak togolar-e: ”Kir-e Abaram-nen wigarak me, nir-e ap misiger-o luk tet ndegel unpugwi bug-o. Irit nde, kat-nen-e: ’Wisirik kunpuwa-o’ yigen iri-ge ngge yosolat-nen yigen-o?” luk yiga-o.

YOANES 8:43

Kir-e noluk-nen an-nen yidnak wene yebet kali bug-o? Kwara yebet kali buk iri-ge an-nen yidnak wene kit-nen kwara lid puruk wanili buk iri bem-nen-o.

YOANES 8:56

Kit kineid Abaram na-nen-e an lobok yurak tarem kamin-o perasoluk, alen min-et woragaij-o. Nde, an na lobok yosola karuk, kijik kijak yij-o” luk yij-o.

YOANES 8:59

Yosoloma-ge, Yawuri nap-nen at wuruwokluk kerep wanogola-ge, Yesus na-ge kurik kurak Mbal Pem Nagawan ama-nen mbirij-o.

YOANES 8:6

Iri yak tiga iri-ge at imbiri wururak pem, at indi ngarogolat-nen yak tiga-o. Alat nde, Yesus na wandu luk, inggi ndum-nen nggweyak pem mbarosolat woragaij-o.

YIDNAK YIDNAK WENE 13:26

Nanggamirak, Abaram-nen wigarak nap min kit Mbal Pem Nagawan aye worak nap pidsa min wa-e. Ninmiri yurak wene yu-ge nit nendam-et pil lobok yij-o.

OROMA 9:7

Nde, Mbal Pem Nagawan-nen Abaram yak tosolar-e: ”Isak-nen ndaguwa lolo iri nak kat-nen wigarag-o” luk yak tidnak me, Abaram-nen wigarak na rit oboksa Mbal Pem Nagawan ilirak-nen yili-ge lag-o.

1 KORINTUS 2:14

Alat nde, Konak Indi wanigit lak nap-nen-e Mbal Pem Nagawan Indi-nen we wok ondoso mende wanurag-e meya-o. We wok ondoso mende-ge Konak Indi bem nak-nen enaru yugwi me, at-nen-e wid-nen yugwi nggal kwarak pidnak pem-e at ondomok indi bem-nen aru momtag-e meya-o.

1 YOANES 2:14

Nilirak wa-e. Kir-e Nineid Mbal Pem Nagawan kenaru yigep pem engga yu mbal kundusu-o. Neidtak wa-e. Tel kuridnak kuri-net woraso Wene na kenaru yigep pem engga yu mbal kundusu-o. Kit ap sugwe wa-e. Kir-e kenmawi worak, Mbal Pem Nagawan-nen yidnak wene na kit kenarem worasolat, Meya Kwaroso Nap na urugwe nggwe rak pogolat yigep pem engga yu mbal kundusu-o.