YOANES 8:32 - Nanduk Ngget Tul Pidnak Wene

³² Kit-nen ndemeret wene kenaru yogola-ge, wene iri-nen-e wisirik kunpuwa-o” luk yak indij-o.

YOANES 8:32 ပူးပေါင်းရင်းမြစ်များ

NGGOMO WENE 1:23

An-nen nggomo korosolat met kobosola-ge, kwara kulurag-o. Kit-nen kologola-ge, an-nen-e an narem woraso wene nam tak posolat, an-nen naru yidnag-e mirik konposolat kwarimin-o.

NGGOMO WENE 1:29

Kir-e ap enaru yugwi mende mondok kinsili woragolat, Nagawan Indo-nen yidnak yidnak kwarurag-e kinmbit yogolat woragwi-o.

YESAYA 2:3

Nde, it-nen yogolar-e: ”Isarael Embal Pem Nagawan uwi Nagawan Indo ondobo bem worak iri na me lujwog-o. Mondok nit-nen kwarurak iri-ge at-nen mul nunduwa-o. Mul nondosola-ge, at-nen mul nundusu iri na imbirik nag-et mbururag-o. Nagawan Indo-nen mul ondoso wene iri-ge Yerusalem nak-nen lobok yoso-nen yusu-o. At wene-ge Sion iri me-nen yusu-o” luk yuwa-o.

YESAYA 35:8

Iri me-ge tula nggok na wolmar-o. Nde, tula iri unu-ge ”Inmiri Yurak Sa Mburugwi Tula-o”. Meya yugwi nab-e tula iri nggwe-ge mburuwa bug-o. Ap indi lak-nen na tula iri nggwe mburugwi nab-e kabak tak unpuwa bug-o.

YESAYA 54:13

Kat kilirak oboksa Nagawan Indo an-nen mul indimin-o. Ir-e ukwe mende bem-e mondok ndak enalen pem irit wolma-o.

YESAYA 61:1

Nagawan Indo Mondok Kek tak iri na amawi-ge an nebem worasu-o. Insilobulo lak nap ereba na konak wene yak unduwakluk, at-nen lenak nuburuk, nibil lobok yamu-o. Iri-nen inndi abi kalak woragwi ki yaga wok ondosolat, wim nap-nen tena unpuruk woragwi ereba na ”Ndag-et nak wirik enper-o” luk wene wirik posolat, o kubu me inpidnak nap ereba na-ge ”Kir-e wisirik kunpuwa-o” yak ondosolat kwaruwaklug-et nibil lobok yamu-o.

YEREMIA 6:16

Nagawan Indo-nen at ilirak yak ondosolar-e: ”Kir-e tu nandogol kandogolma ereba mendak woragolat, kwara lombot pogolat wolmer-o. Tula nanduk-nen mburugwi ereba na kwara kin wanogolar-e: ’Tula ereba na ennggenggerak-nen tula konag-e ngge-o?’ luk kin wanurag-o. Nde, kit-nen konak yamuksa woraboklug-e, tula irit mborogolat wolmer-o” luk yak indij-et nde, it-nen yogolar-e: ”Nir-e tula iri mbururag-e ninmbir-o!” luk yiga-o.

OSEA 6:3

Iri bem-e, nir-e mondok ndemeret ndemeret Nagawan Indo nenaru yurak pem nenmawi kunduwog-o. Ndemeret Nagawan Indo nendam lobok yosolar-e, o kil poso nggal, o sumbat woraruk, nggaruksa talme nggok mbosolat nggweyak piri rak poso talme nggal irit nendam lobok yuwa-o” luk yiga-o.

MALEAKI 4:2

Alat nde, kit an-nen yidnak yidnak kwarugwi nap kenmanggim-e kinmiri yurak namawi-ge molengen yeberak pil wasolat nggal yimbirik konposolat, eyaya-nen-e ki rak kunpuwa-o. Iri yosola, kir-e sapi amarik ngget nderak o ma-nen mbepme nak posola, alen kaso ereba na nggal wisirik kenalen pem woragub-o.

MATIUS 11:29

An-nen yidnak yidnak nak kwarogolat, an-nen kwaroso na mul kora yer-o. An-e ap yanggonak, nindi teberak nak woraso me, kit kinndi yamuk ma-o.

YOANES 1:14

Nde, Wene iri na-ge ki nap enaboro worak luk, nit nennggendumu yu me woragaij-o. Nit ninmin worala, at kek tak irit kaige-o. At kek tak woraso iri-ge Eid Mbal Pem Nagawan ambara misiget nderak irit wok tidnag-o. At ebem-net nir-e Mbal Pem Nagawan min nit nunpud kaso min iri-ge kaige-o.

YOANES 1:17

Nagawan Indo-nen ”Iri nggal kwarurag-o” luk yidnak wene-ge Musa-nen yak nindij-et nde, we wok ondoso elem min ndemeret wene elem min-e Yesus Kerisut ebem-nen nam tak pij-o.

YOANES 14:6

Yak tosoloma-ge, Yesus-nen at yak tosolar-e: ”An-e Mbal Pem Nagawan enaru yugwi tula min ndemeret wene min unlug-et wolmomtak elem min-nen yusu-o. An nebem nggwe mbirigit lak-nen-e ap misiger-o luk tet an Neid eram wok momtag-e meya-o.

YOANES 16:13

Alat nde, Konak Indi na lobok yuwarig-e, lud tag-et Mbal Pem Nagawan mirik konposolar-e, lud tak nak kwarugwi mende pidsa mirik kunpuwa-o. Nde, at indi-n pidnak wene-ge yak kunduwa bug-o. Are, at-nen kulidnak wene nak yak kondosolat, abok-nen kwat momtak wene nde yak kondosolat ma-o.

YOANES 17:17

Ndemeret wene bem-net ir-e lena kat karengge rak inpi-o. Kat-nen yidnak wene-ge ndemeret wene-nen yusu-o.

YOANES 6:45

Mbal Pem Nagawan ene lomboksa yugwi nap-nen engga bem mbarogolar-e: ’Ap pidsa-ge Mbal Pem Nagawan-nen mul unduwa-o’ luk mbaridnak me, an Neid-nen yidnak wene kuluruk, at-nen mirik ibidnak wene wanusu nab-e an neram lobok yusu-o.

YOANES 7:17

Nde, ta-nen nde Mbal Pem Nagawan indi-n pidnak kwareyeg-o luk peraidnak nap-nen-e an-nen mul ondoso wene yu-ge Mbal Pem Nagawan eram-nen lobok yidnak wene nde mul undusu, lak? Are, at indi-n pidnak wene nde mul undusu-a? luk aru yuwa-o.

YOANES 8:36

Iri bem-e Ambara-nen wisirik konposola-ge, ndemeret wisirik kinpidnak irit woragub-o.

OROMA 6:22

Alat nde, yawo-ge kir-e meya kwarugwi elem ndegel ubugwi inggem-nen weserak kinpidnak me, kir-e Mbal Pem Nagawan ndegel ubugwi nap-net yili-o. Iri bem-e, kit-nen onggo wanogolar-e, Mbal Pem Nagawan amanggim nak woragup pem-e kunlug-et woralik nalik woragub-o.

OROMA 8:15

Mbal Pem Nagawan-nen wok kindidnak Indi iri-nen-e ndegel ubugwi nap tak kunpuruk, kwiye yugwi nap tak kunpusu bug-o. Are, Konak Indi iri-nen-e Mbal Pem Nagawan ilirak tak konposolat, Konak Indi iri amawi bem nit-nen wene mbo bogolar-e: ”Neid wa-e! Kar-e an Neid-nen yusu-o!” luk yili-o.

OROMA 8:2

Kir-e Kerisut Yesus imin kundik woragolat kunlug-et wolmomtak elem wok kindid Mbal Pem Nagawan Indi-nen pidnak imiri mbarak pidnak wene-nen-e meya kwarugwi elem min wat yugwi elem min inggiyem-nen weserak kinpij-o.

1 KORINTUS 7:22

Ta-nen nde onggo lak we irit ap ndegel onposo nap worasoma, Nagawan Indo-nen wene mbo ibidnak ala-ge, at iri-ge Nagawan Indo-nen idnak wisirik nap-nen yusu-o. Iri nggal-et at weserak woraso nap worasoma, Kerisut-nen wene mbo ibidnak ala-ge, at iri-ge Kerisut ndegel oboso nap-nen yusu-o.

NGGALATIA 5:1

Ndemeret weserak ninpidnak wolmakluk, Kerisut-nen wisirik ninpij-o. Iri bem-e, wisirik kinpidnak pem-e tugup lak mendak wolmer-o. Nde, ndegel unpuwakluk kundugun pem pugwi mende-ge tuguruk purak pug-o.

NGGALATIA 5:13

Nowe nowosi wa-e. Kit perak nde, wisirik kinpidnak worabok-nen wene mbo kinpid nar-o. Alat nde, wisirik kinpidnak iri na bem kit kenpe-nen ukwe yugwi mende-nen yidnak yidnak yurak pug-o. Are, nabuwa kabuwa yogolat-nen-e kit na kit-net ndegel pegerak mber-o.

2 TIMOTIUS 3:7

Kwami iri-nen-e ”Mul nender-o” luk kundugu nggi renak worali-t nde, ir-e ndemeret wene iri-ge kwara enaru yili bug-o.

YAKOBUS 1:25

Alat nde, Mbal Pem Nagawan-nen yidnak wene iri-ge ap weserak unpurak amawi worak iminep mbarak wene-nen yusu-o. Nde, wene iri na kwara mbenarogolat, kwara yebet kagolat, kuluruk nak meme rak purak pem-e lag-o, are, iri-nen yidnak yidnak nak kwara kwatli nab-e at-nen kwaroso oboksa iri na bem-e Mbal Pem Nagawan-e imbiringgat tak ubuwa-o.

YAKOBUS 2:12

Nde, kit-nen wene yogolat na, yi kwatlik ndi kwatlik kwarogolat na, ”Ap wisirik onposo imiri mbarak pidnak wene iri bem-nen an nebem wene mbaruwa-o” luk kwara wolmer-o.

1 PETERUS 2:16

Kir-e weserak woragwi nap nggal wolmer-o. Alat nde, wisirik woragwi iri na bem-nen kit meya yidnak lumururak pug-o. Are, Mbal Pem Nagawan ndegel ubugwi nap kenpage irit wolmer-o.

2 YOANES 1:1

Mbal Pem Nagawan-nen len kibidnak kwe min kilirak min wa-e. Wiwa-o. Ogore yidnak nap an-nen engga yu mbal kundusu-o. An-e ndemeret kit kenabuwa kwarat kasu-o. Nde, an narig-et nak-nen kenabuwa kasu-ge lag-o. Are, ndemeret wene enaru yidnak nap pidsa-nen na kenabuwa-t kali-o.