YOANES 8:31 - Nanduk Ngget Tul Pidnak Wene

³¹ Iri ala-ge, Yesus-nen at ebem inndi angin tubu yidnak Yawuri nap na yak ondosolar-e: ”Kit-nen-e an-nen yidnak yidnag-et kwarogola-ge, ndemeret an nimin nugwi nap kwat yugub-o.

YOANES 8:31 ပူးပေါင်းရင်းမြစ်များ

MATIUS 24:13

Alat nde, ta-nen nde irit momak puruk worasoma, woroksiyem wok yuwa nab-e imiri yuwa-o.

YOANES 1:47

Nde, Natanael na Yesus eram lobok yosola karuk, Yesus-nen at imin yosolar-e: ”Ndemeret Isarael nap yu nde ker-o! At arem-e enesiget wene na yoso bug-o!” luk yij-o.

YOANES 2:2

Nde, kwe wanosolat nunggwi mende sakola tarem na-ge Yesus min at owosirak inmin yonggo inpiga-o.

YOANES 6:55

Nde, an nebe-ge ndemeret nunggwi mende-nen yusu-o. An neyabi-ge ndemeret yi-nen yusu-o.

YOANES 8:36

Iri bem-e Ambara-nen wisirik konposola-ge, ndemeret wisirik kinpidnak irit woragub-o.

YIDNAK YIDNAK WENE 13:43

Nde, tepan yuruk, ndi yogolar-e, Yawuri nap kwarat min Yawuri nap nggal tak inpidnak nap kwarat min-e Paulus min Mbaranabas min langgal unpuruk mborogola karug-e, mberen nap na-nen it mul ondogolat-nen nggomo ondogolar-e: ”Kir-e Mbal Pem Nagawan-nen we wok ondoso ebem-et tugup lak wolmer-o” luk yak indiga-o.

YIDNAK YIDNAK WENE 14:22

Iri me wok lug-e, Yesus ene wanugwi nap na inndi wi yakolat-nen it inndi angin tubu yidnak pem tugup lak wolmakluk nggomo indiga-o. It-nen yogolar-e: ”Nir-e Mbal Pem Nagawan-nen tenagaidnak wi nggurak pem mondok andi bandi kwarat karuk-net nggurag-o” luk yak indiga-o.

YIDNAK YIDNAK WENE 26:22

Alat nde, Mbal Pem Nagawan-nen yongga norosola me, yawo na an-e yu me mendak woralar-e, ap marik na irit, nggulok na irit oboksa kenggera yak undusu-o. Nde, an-nen kenggera yak ondoso wene iri-ge nin wene-ge lag-o. Are, Mbal Pem Nagawan ene lomboksa yugwi nap min Musa min-nen-e awo ma-net: ’Abog-e iri nggal-et kwaruwa-o’ luk yidnak wene-ge an-nen na iri na-t yusu-o.

OROMA 11:22

Iri bem-e, Mbal Pem Nagawan-nen ap unpud kaso min isilepma enpem poso min kwara yebet ker-o. Meya yidnak nap enpem-e isilepma unpusu-t nde, kit-nen nde kunpud kaidnak pem woragola-ge, kit kunpud kasolat wolma-o. Nde, iri kwarigit lak yugup pem-e, kit na irit mbara mbo kunpuwa-o.

OROMA 2:7

Ap erep-nen-e konak mende nak kwarogolar-e, Mbal Pem Nagawan unu nak kek tak purak nak kore yogolat, at erembel wanurak nak kore yogolat, pem-et wolmomtak nak kore yili nab-e Mbal Pem Nagawan-nen unlug-et pem-et woralik nalik wolmomtak elem wok unduwa-o.

KOLOSE 1:23

Nde, mbigija-ge kit-nen kinndi angin tubu yidnak pem mondok tugup lak woragolar-e, aid wene kuligep na bem kinndi mbung mbung tak woraidnak na amawisa-t wanogolat woragup na-e. Aid wene iri-ge nggweyak ma woragwi nap oboksa yak indidnak wene-nen yusu-o. Nde, Paulus an-e aid wene iri ndegel oboso nap-nen yusu-o.

1 TIMOTIUS 2:15

Alat nde, kwami-nen tebe luk woragolar-e, inndi angin tubu yidnak elem min ap enabuwa kagwi elem min marak woragwi elem min tena woragola-ge, inlirak ndakolat-net inmiri yaga wok unduwa-o.

1 TIMOTIUS 4:16

Kat-net kondomok kwil kwal korasolat, kat-nen mul ondoso wene kwara yik karok woralat min-o. Yu mende pidsa kwara kwarosolat wolmin-o. Nde, iri yugun pem-e, kat kondomok kimiri yosolat, kat-nen yidnak wene kuluwa nap na inmiri yosolat yugun-o.

2 TIMOTIUS 3:14

Alat nde, kar-e ndemeret wene mul korosola, kuluruk ndemerer-o luk wanigen wene iri-ge tena wolmin-o. Kat mul kiriga nap kar-e karu-o.

IBERANI 3:14

Nir-e nanduk-net ebem ninndi mbung mbung tak pige wene na puksa tena irit worakmu, woroksiyem-nen-e nit pidsa-ge Kerisut arengge na at totno winde mul-o.

IBERANI 8:9

Nde, urul pidnak wene yak indimin iri-ge it onmborak Mesira wi-nen lit unpuruk lobok yosolat-nen yak indidnak urul pidnak wene iri na nggal yak indimin pug-o. Nde, it iri-nen-e urul paga yak indigi wene na-nen yidnak yidnak kwarigit lak ala karuk, an-nen na it keya inpigi-o’ luk Nagawan Indo-nen yij-o.

YAKOBUS 1:25

Alat nde, Mbal Pem Nagawan-nen yidnak wene iri-ge ap weserak unpurak amawi worak iminep mbarak wene-nen yusu-o. Nde, wene iri na kwara mbenarogolat, kwara yebet kagolat, kuluruk nak meme rak purak pem-e lag-o, are, iri-nen yidnak yidnak nak kwara kwatli nab-e at-nen kwaroso oboksa iri na bem-e Mbal Pem Nagawan-e imbiringgat tak ubuwa-o.

1 YOANES 2:19

Kerisut imin sirid nap iri-ge nit ninmin woragwi na-t nde, ndemeret ninmin kundigit lak me, keya nunpuruk mbiridnak nap-net yili-o. It nde nit ninmin kundik nap nggal-nen-e ndemeret nit ninmin woraleb-o. It iri-ge ap misiger-o luk tet nit nab-e lag-o luk yenggerak puwakluk, nit keya nunpuruk mbiriga-o.

1 YOANES 2:24

Iri bem-e, nandug-et kuligep wene na-ge kwara parugu wolmer-o. Nde, nandug-et kuligep wene iri na kit kenarem puksa parugu woragola-ge, kir-e pempa Ambara min Eid min inmin kundik woragub-o.

2 YOANES 1:9

Kerisut-nen mul indidnak wene iri na puksa tena woragit lak, are, Kerisut-nen mul indidnak keya buruk mburuwa nab-e Mbal Pem Nagawan imin kundik worasu bug-o. Alat nde, Kerisut-nen mul indidnak wene iri na puksa tena worasu nab-e Eid min Ambara min inmin kundik worasu-o.

1 SEMUEL 12:14

Kit na irit nagawan kit tena kunpuruk wolma iri na irit kit nde Nagawan Indo kek tak pogolat, at nak ndegel obogola woragolat, at-nen yidnak wene kuluruk iri na ndak ndak kwarogolat na irit kwarogolar-e, Nagawan Indo Kenmbal Pem Nagawan-nen kenpem pidnak iri-ge mondok tugup lak kwat tenak woragola-ge, kenalen pem-et woragub-o.