YOANES 8:28 - Nanduk Ngget Tul Pidnak Wene

²⁸ Iri ala karuk, Yesus-nen it yak ondosolar-e: ”Kit-nen-e Ap Ambara an mendak nubugupmu-ge, ’Ar-e Ar-e woraso-net yusu-o’ luk kenaru yogolat, nde, at-nen kwaroso na-ge misiger-o luk tet at indi-n pidnak pem kwaroso buk, are, at-nen yoso-ge Eid-nen mul tidnak wene nak yamu-o luk kenaru yugub-o.

YOANES 8:28 ပူးပေါင်းရင်းမြစ်များ

MBIRIGA WENE 3:14

Yosoloma, Mbal Pem Nagawan-nen yosolar-e: ”An-e AN-E WORASO-O. Wene yu-ge kar-e Isarael nap yak indi-o: ’Unu misig-e AN-E WORASO iri na-nen an-e kit kendam wirik nibil lobok yamu-o’ yak indi-o.

MATIUS 24:5

Ap kwarar-e an nggal kwasa lobok yuwarig-e: ’Kerisut na-ge an-er-o’ luk yogolar-e, ap kwarat onmbol pem lujwa-o.

MARAKUS 13:6

Ap kwarat-nen an nggal kwasa lobok yogolar-e, ’Kerisut na an-er-o’ yogolar-e, ap kwarat onmbol pem lujwa-o.

LUKAS 21:8

Yogolikma-ge, Yesus-nen yosolar-e: ”Kit konmbol pem lujwa naru, kwil kwalsa wolmer-o. Nde, an nggal kwasa ap kwarat lobok yogolat-nen yogolar-e: ’Kerisut na an-er-o’ yogolar-e: ’Iri kwat ma tarem-e panggo yij-o’ luk yil lobok yuwa-t nde, kit-nen iri yuwa nap enne mondok kulurak pug-o.

YOANES 11:42

Kar-e an nene pempa koloso iri-ge an naru-t nde, ap ndok wiriga yeba-nen kuluruk, an-e kat-nen ibil lobok yamu-o luk inndi angin tubu yuwakluk-nen wene yu yusu-o” luk yij-o.

YOANES 13:19

Wene iri-ge awo kwat yigit lak ma-net yawo-ge yak kundusu-o. Nde, wene iri abok ebe kwat yosola-ge, kit-nen peragolar-e: ’Kerisut na-ge ndemeret ar-er-o’ luk nebarabokluk-nen yak kundusu-o.

YOANES 16:10

An-e Neid eram mburumu-ge, kir-e an neyagit lak yugup me, an-e lud tak nak kwarugwi elem-nen yusu-o luk mirik unpuwa-o.

YOANES 18:32

(Nde, iri kwariga iri-ge Yesus-nen yosolar-e: ”Iri nggal kwat nobogola, wat yimin-o” luk yidnak iri na ndak ndak yosolar-e, iri kwariga irir-o.)

YOANES 19:18

Iri me-nen e lang pang tak na bem at panggarak obogolar-e, at imin-e mberen nap, misig-e ponok nggwe, misig-e ponok nggwe, Yesus-e ennggendumu panggarak inpiga-o.

YOANES 3:11

An-e ndemeret yak kurusu-o. Nit-nen-e nit nenaru iri na-t yak kondogolat, nenlengen-nen kaidnak iri na-t mirik konpogolat yili-t nde, nit-nen yidnak wene-ge kit-nen wanurak kinsili yili-o.

YOANES 3:14

”Nde, Musa-nen posid waro e bem perena karu me mendak pid iri na nggal-et Ap Ambara an-e mendak nubuwa iri-ge

YOANES 4:26

Yosoloma-ge, Yesus-nen kwe na yak tosolar-e: ”Iri na-ge kat kimin wene ndurusu nap an yur-o” luk yak tij-o.

YOANES 5:19

Iri ala, Yesus-nen ap ereba na yak ondosolar-e: ”An-e ndemeret yak kundusu-o. At Ambara an-nen-e nambik nindi-n pidnak kwarusu bug-o. Are, an Neid-nen kwarosola kaidnak iri na-t an-nen na kwarusu-o. Nde, an Neid-nen kwaroso mende iri na-t Ambara an-nen na kwarusu-o.

YOANES 5:30

Yuruk, Yesus-nen yosolar-e: ”An nondomok nindi-n pidnak pem nak yi kwatlik ndi kwatlik kwarurag-e meya-o. Are, Mbal Pem Nagawan-nen yak niridnak iri na ndak ndag-et ap enpem wene mbarusu-o. An-e nondomok nindi-n pidnak kwarusu bug-o. Are, an wirik nibidnak nap indi-n pidnak nak kwarusu me, an-e ap enpem wene mbarusu-ge mot mor-et mbarusu-o.

YOANES 6:38

An-e aid arem-nen mbuwagi yu-ge, an nindi-n pidnak kwarurak pem lobok yigi-ge lag-o. Are, an nibil lobok yidnak nap indi-n pidnak kwareyekluk-nen lobok yigi-o.

YOANES 8:24

Iri bem-e, ’Kit meya yidnak min woragolat-nen wat yugub-o’ luk yak kindigi nar-o. Nde, kit-nen-e an nimin-e ’Ar-e Ar-e woraso-net yusu-o’ luk kinndi an nebem angin tubu yigit lak ala-ge, kit meya yidnak min woragolat-nen war-et yugub-o” luk yak indij-o.

YOANES 8:27

Iri yosola-t nde, at Eid imin yusu-o luk, ir-e yenggerak pigit lak yiga-o.

YOANES 8:58

Yak togolikma-ge, Yesus-nen it yak ondosolar-e: ”An-e ndemeret yak kundusu-o. Abaram na ndet yigit lak ma-net an-e woraso-net yusu-o” luk yij-o.

YIDNAK YIDNAK WENE 2:41

Yak ondosoloma-ge, at-nen yidnak wene waniga nab-e yi ma inpiga-o. Iri tarem-et it inmin lambinil nggogolar-e, ab-e tigaribu (3,000) nggal yiga-o.

YIDNAK YIDNAK WENE 4:4

Alat nde, it-nen yidnak wene kuluruk, inndi angin tubu yiga nab-e ap nag-e lima ribu (5,000) nggal-o.

OROMA 1:4

Nde, at indi-ge lenak Mbal Pem Nagawan irit woralat me, wat yidnak ennggendumu-nen uruk tak pidnak iri bem-nen-e: Iri-ge Mbal Pem Nagawan Ambara amawi ambik-nen yusu-o luk nam tak pij-o.

TUGURUK YIDNAK WENE 18:18

It enlem nap ennggendumu-net kat nggal an nene lomboksa yoso nap misik it endam lena wirik pil lobok yimin-o. Nde, an-nen-e at-nen yurak wene-ge yak timin-o. Yak tumu-ge, at-nen-e at-nen yurak wene ebem pimin iri na-ge it yak unduwa-o.