YOANES 8:15 - Nanduk Ngget Tul Pidnak Wene

¹⁵ Kit-nen-e we ombol nggwe nak yik karuk, ap enpem wene mbatli-o. Nde, an-e ap misik ebem wene mbarusu bug-o.

YOANES 8:15 ပူးပေါင်းရင်းမြစ်များ

AMOS 5:7

Mot mot kwarugwi ereba na lugud tak pogolat, ap enmberam laruk enarengge winde yogolat kwatli nab-e mondok kenabuwa-o!

AMOS 6:12

Kerep mborok nggwe-ge kura wam-e pong kaso-a? Ap-nen-e nggweyak yalugwi mende sapi wam pem parik puruk yi koma-ge yalugwi-a? Lak irir-o. Alat nde, kir-e mot mot nak kwarugwi elem iri na-ge nden yaga ap lak tak unpurak ninggis mende nde kwarak pogolat, ndemeret lud tak kwarugwi iri na-ge lugud tak kwarugwi rak pigeb-o.

ABAKUK 1:4

Iri nggal kwarogolar-e, imiri mbarak pidnak wene ereba na-ge te rak pogolat, mot mot kwarugwi ereba na-ge nggok tak pigit lak yogolat kwatli-o. Meya kwarugwi nap-nen-e mot mot kwarugwi nap ereba na-ge tebek tak unpuruk, ir-et kek yili-o. Iri kwarogolar-e, mot mot kwarugwi ereba na-ge nden yaga nin tak pili-o.

LUKAS 12:14

Yosoloma-ge, Yesus-nen at yak tosolar-e: ”Nab-o. Kit kenmberek kenpem wene mbarosolat, kit kinmining angge iri tembet kondosolat makluk, ta-nen mendak nibij-o?” luk yij-o.

YOANES 12:47

Nde, an-nen yidnak wene kulurug-et nde, kuruk tuwa nap ebem-e an-nen wene mbarimin pug-o. An-e ki nap enpem wene mbareyekluk lobok yigi-ge lag-o. Are, ki nap pidsa inmiri yekluk-nen lobok yigi-o.

YOANES 18:36

Yosoloma-ge, Yesus-nen yosolar-e: ”An-nen tenagaidnak wi-ge nggweyak ma yu me-ge lag-o. An-nen tenagaidnak wi-ge nggweyak ma yu me nggal-nen-e Yawuri nap ininggem keya nubuwa naru, an nowosirak-nen-e wim mbatleb-o. Lag-o. An-nen tenagaidnak wi-ge o yu me-ge lag-o!” luk yij-o.

YOANES 3:17

Nde, Mbal Pem Nagawan-nen-e at Ambara an nggweyak ma nibil mbuwagaij-e ki nap pidsa lak tak unpurak pem enpem wene mbaruwakluk nibil mbuwagit lag-o. Are, ki nap pidsa inmiri yaga wok unduwakluk nibil mbuwagaij-o.

YOANES 7:24

Kit-nen-e ap enpem wene mbarogolar-e, we ombol nggwe yik kaidnak pem nak mbarurak pug-o. Are, ndemeret wene bem-et mbarurag-o” luk yak indij-o.

YOANES 8:11

kwe na-nen yosolar-e: ”Eyo, nab-o. Mondok lag-o” luk yosoloma-ge, Yesus-nen at yak tosolar-e: ”Iri ala, an-nen na kebem wene mbarimin pug-o. Mbiri-o. Alat nde, kar-e abok meya mbi kwarurak pug-o” luk yak tij-o.]

OROMA 2:1

Nanggamirak wa-e. Kit na meya kwarugwi-t nde, kir-e ta nggal-nen nin nap enpem nde wene mbatli-o? Nde, kir-e nin nap enpem wene mbatli-t nde, it-nen kwarugwi mende iri-ge kit-nen na kwarugwi me, kit na kit-net kenambikpebe kenpem wene mbatli irir-o.

1 KORINTUS 2:15

Nde, Konak Indi wanidnak nap-nen-e yi mende ndi mende oboksa mbenaroso-t nde, ap erep-nen-e at ebem wene mbaruwa bug-o.

2 KORINTUS 5:16

Iri bem, nir-e ap enpage mbenarogolar-e, ki nap-nen irit wurugwi mende bem-nen mbenatli bug-o. Nanduk nir-e Kerisut abage mbenarogolar-e, ki nap-nen irit wurugwi mende bem mbenarige-t nde, yawo-nen-e iri nggal kwasa at abage mbenatli bug-o.

YAKOBUS 2:4

iri nggal kwarogolar-e, kit na kit nab-et nde, enpage lombonogolar-e, kinndi-nen meya yebet kagwi bem-nen ap enpem wene mbatli-a?

1 SEMUEL 16:7

Alat nde, Nagawan Indo-nen Semuel yak tosolar-e: ”Kar-e enpe konak min enpe mot min yik kaidnak pem nak kindi purungsa ebem pusu-ge meyog-o. An nindi-nen pigi-ge at iri-ge lag-o. An-nen-e ki nap-nen enabut yik kagwi nggal-e yik eneyaso bug-o. Ki nap-nen-e enpage ombol nggwe nak yik kali-t nde, an-nen-e inndi nak kaso-o” luk yij-o.