YOANES 8:12 - Nanduk Ngget Tul Pidnak Wene

¹² Iri rak puruk, Yesus-nen tuguruk it yak ondosolar-e: ”An-e ki nap ennggendumu yaya-nen yusu-o. An nimin nuwa nab-e ndamuk arem nuwa bug-o. Are, unlug-et wolmomtak yaya irit tena wolma-o” luk yak indij-o.

YOANES 8:12 ပူးပေါင်းရင်းမြစ်များ

NDAWI ENGGA 49:19

at iri-ge omborak inmbirig-et mburuwarik, ndamuk arem iri na me pem irit woralik nalik irit wolma-o.

YESAYA 49:6

Nagawan Indo-nen an yak norosolar-e: ”Ndegel noboso nap wa-e. Yabu mondok nggok terak minik lombog-e kat-nen wanurak worasu-o. Kat-nen wanurak yabu-ge Yakup-nen wigarak erep minggirik ereba kek tak woraiga ereba na tuguruk kek tak onposolat, enma inpil mborosolat kwarurak iri nak worasu-ge lag-o. Alat nde, yi wi ndi wi oboksa-nen inmiri yuwakluk, an-nen kar-e ap enlem oboksa ennggendumu yaya rak kibimin-o” luk yij-o.

YESAYA 50:10

Kit Nagawan Indo kek tak pogolat, at ndegel oboso nap-nen yidnak wene kologolat kwatli nap wa-e. Tula kit-nen mbitli iri-ge mondok yaya lak, ndamuk nggwe nde mbitli nde ma-o. Alat nde, Nagawan Indo ebem kinndi angin tubu yogolat, Kenmbal Pem Nagawan ebem nak wat tak puruk wolmer-o.

YESAYA 9:2

Ndamuk arem waring kaiga nap iri-ge yaya abinal worak kaiga-o. Nde, abu kan ndamak pem woraiga nab-e yaya elem iri na-nen yaya rak unpusu-o.

OSEA 6:3

Iri bem-e, nir-e mondok ndemeret ndemeret Nagawan Indo nenaru yurak pem nenmawi kunduwog-o. Ndemeret Nagawan Indo nendam lobok yosolar-e, o kil poso nggal, o sumbat woraruk, nggaruksa talme nggok mbosolat nggweyak piri rak poso talme nggal irit nendam lobok yuwa-o” luk yiga-o.

MALEAKI 4:2

Alat nde, kit an-nen yidnak yidnak kwarugwi nap kenmanggim-e kinmiri yurak namawi-ge molengen yeberak pil wasolat nggal yimbirik konposolat, eyaya-nen-e ki rak kunpuwa-o. Iri yosola, kir-e sapi amarik ngget nderak o ma-nen mbepme nak posola, alen kaso ereba na nggal wisirik kenalen pem woragub-o.

MATIUS 5:14

Kir-e ki nap ennggendumu yaya nen yili-o. Ndobo bem wiridnak o siri iri-ge kurak momtag-e meya-o.

LUKAS 2:32

At iri-nen-e kat keram lobok yuwakluk, enlem nin nap untula yaya rak posolat kat kelem nap Isarael nap unnu kek tak puwa nap-nen yusu-o” luk yij-o.

YOANES 12:35

Yak togolikma-ge, Yesus-nen it yak ondosolar-e: ”Yaya iri-ge marig-et tarem nak kinmin wolma-o. Ndamug-e kendam mbuma naru, yaya kinmin worala ereya-t yaya na bem waring kagolat wolmer-o. Nde, ndamuk arem waring kaso nab-e ngge me nde mburusu-o luk kabag-et waring kaso-o.

YOANES 12:46

Nde, an nebem inndi angin tubu yuwa nap-nen-e ndamuk pem wolma naru, an-e nggweyak ma yu me yaya nggal-et lobok yigi-o.

YOANES 14:6

Yak tosoloma-ge, Yesus-nen at yak tosolar-e: ”An-e Mbal Pem Nagawan enaru yugwi tula min ndemeret wene min unlug-et wolmomtak elem min-nen yusu-o. An nebem nggwe mbirigit lak-nen-e ap misiger-o luk tet an Neid eram wok momtag-e meya-o.

YOANES 3:19

It lak tak unpurak wene enpem mbarid iri-ge elem yu bem-nen-o: Yaya na-ge nggweyak ma yu me lobok yij-et nde, ir-e meya nak kwarugwi me, yaya na insili rak puruk, ’Ndamuk irit ninndingen-o’ luk yugwi iri bem-nen enpem wene mbarid irir-o.

YOANES 7:17

Nde, ta-nen nde Mbal Pem Nagawan indi-n pidnak kwareyeg-o luk peraidnak nap-nen-e an-nen mul ondoso wene yu-ge Mbal Pem Nagawan eram-nen lobok yidnak wene nde mul undusu, lak? Are, at indi-n pidnak wene nde mul undusu-a? luk aru yuwa-o.

YOANES 9:5

An-e nggweyak ma yu me woralar-e, an-e nggweyak ma yaya-nen yusu-o” luk yij-o.

YIDNAK YIDNAK WENE 13:47

’Kar-e enlem nin nap eyaya rak onponokluk, imiri yurak wene waruk o kuri ap kuri mboronok-nen lenak kibigi-o’ luk Nagawan Indo-nen nenpem pamu-o” luk yiga-o.

YIDNAK YIDNAK WENE 26:23

It-nen yogolar-e: ’Mesias-e mondok yane-t wuruwa-o. Nde, at iri-ge wat yidnak nap ennggendumu-nen nandug-et uruk yuwa-o. Nde, uruk lug-e, at-nen-e nit nenlem nap na irit, enlem nin nap na irit yaya wene yak unduwa-o’ luk irit yiga-o” luk Paulus-nen yij-o.

2 PETERUS 2:17

Nde, it enesiget siget mul undugwi nab-e yi ulusu eberek yidnak nggal, wijakni-nen nggan nggan puk kaso nggal-nen yili-o. It enmanggim-e Mbal Pem Nagawan-nen mondok ndamuk nak woraso sa lid lud tak pidnak worasu-o.

2 PETERUS 2:4

Nde, meya yiga aid nap na Mbal Pem Nagawan-nen keya inpigit lak, are, kan mare arem mbo inpil nggwamu-o. Nde, ir-e ndamuk arem iri kamarak irit worakmu, it enpem wene mbarurak tarem wok ma-o.

1 YOANES 1:6

Nde, nir-e ndamuk arem woragolar-et nde, nir-e Mbal Pem Nagawan imin kundik worali-o luk yogolar-e, nenne bem yogolat na, nininggi-nen kwarogolat na nennesiget yili-o.

YURAS 1:13

It iri-ge yi koma nggulok-nen yi nggweyerep nggwayarep lobok yosolar-e, yi eragup nam tak poso nggal, it ondomok innggiri kagwi mende nam tak pili-o. It iri-ge kasa waring kaso wonaru nggal-nen yili-o. Nde, Mbal Pem Nagawan-nen it onndoro-ge pem-et mondok ndamuk nak woraso sa iri me it enmanggim lid lud tak pidnak worasu-o.

YURAS 1:6

Wene misik yu na yebet yebet tak wolmer-o. Nde, aid nap ereb-e it inpid-nak sa-t wolmomtag-et nde, it enambik ondoro keya buruk, o nin sa mbiriga me, Mbal Pem Nagawan-nen-e pem-et wolmomtak posid kere-nen kamasa ndamuk arem inpil nggwidnak worali-o. Nde, enpem wene mbarurak Tarem nggulok wok yosola, it enpem wene mbaruwa-o.

NAM PARA WENE 21:24

O siri iri me eyaya bem-e nggweyak ma worali nap ap enlem oboksa nogolat, it nagawan nagawan-nen na it enarengge mende-ge o siri iri me nak waruk mburuwa-o.