YOANES 7:39 - Nanduk Ngget Tul Pidnak Wene

³⁹ (Yesus-nen wene iri yid iri-ge at ebem inndi angin tubu yidnak nap-nen Konak Indi wanurak pem-nen yij-o. Nde, Yesus na awo kek tak ibigit lak worala me, Konak Indi na awo ap enpem mbuwagit lak ma-nen yij-o.)

YOANES 7:39 ပူးပေါင်းရင်းမြစ်များ

NGGOMO WENE 1:23

An-nen nggomo korosolat met kobosola-ge, kwara kulurag-o. Kit-nen kologola-ge, an-nen-e an narem woraso wene nam tak posolat, an-nen naru yidnag-e mirik konposolat kwarimin-o.

YESAYA 32:15

Alat nde, tuguruk Mbal Pem Nagawan lobok yosolar-e, at amawi bem-nen kwarosolar-e, nembaga karu-t nde, amburu worak tak puruk, yabu rak puwa-o. Nde, yabu ereba-ge ebe-ge kwarat puwa-o.

YESAYA 44:3

An-nen-e yi-ge nggweyak amburu lak pem kilik posolat, nggweyak mbeng larak pem-et nde, yi wirik posolat kwarimin-o. An namawi-ge kat-nen wigarak ininggem posolat, kat kilirak-nen ndaguwa imbiringgat tak onposolat kwarimin-o.

YOEL 2:28

”Iri kwatluk ombol nggwe-ge ap oboksa enpem nindi-ge nggilara mberak pil mbuwamin-o. Iri yosola, kin kinliap min kinligwami min-e an-nen enpem pidnak wene ap yak ondogolat, kit kennggendumu ap indi worak-nen-e nabi kagolat, sujwe-nen-e nabi nggal pem yik kagolat ma-o.

MATIUS 16:14

Yosoloma-ge, it-nen wene erep nggarogolar-e: ”Ap erep-nen yogolar-e: Kar-e ap yi mat onposo nap Yoanes-o luk yogolat, it erep-nen-e Elia-o yogolat, erep-nen-e Yeremia-o luk yogolat, erep-nen-e Mbal Pem Nagawan ene lomboksa yosonap misig-o luk yogolat yili-o” luk yiga-o.

MATIUS 21:11

ap mondok kwarat iri-nen wene erep nggarogolar-e: ”At yu-ge Mbal Pem Nagawan ene lomboksa yoso nap Yesus, Nggalilea wi o Nasaret woraso nap-nen yusu-o” luk yiga-o.

LUKAS 24:49

Nde, an Neid-nen urul pidnak na-ge an-nen kendam pil lobok yimin-o. Alat nde, Mbal Pem Nagawan-nen idnak amawi-ge kin kenpem mbumakluk, o siri yu me-t towarak wolmer-o” luk yak indij-o.

LUKAS 3:16

Yogolikma-ge, Yoanes-nen it pidsa yak ondosolar-e: ”An-e we yi bem mat kunpusu-t nde, an-e teberak-nen yusu-o. An nimbirig-e ap nggulok mbi lobok yuwa-o. An nggal-nen-e at ijok sum kere wusururag-e meya-o. At iri-nen-e Konak Indi bem, kanduk pem yi mat kunpuwa-o.

LUKAS 7:16

Iri kwarosola-ge, it pidsa-ge kwiye-nen pabok puruk, Mbal Pem Nagawan erembel wanogolar-e: ”Mbal Pem Nagawan ene lomboksa yoso nap nggulok mbi-ge nit nennggendumu nam agaij-o!” yurug-e, ”Mbal Pem Nagawan-nen-e at elem nap inmiri yurak pem lobok yij-o!” luk yiga-o.

YOANES 1:21

Yak ondosoloma-ge, it-nen kin wok obogolar-e: ”Iri ala-ge, kar-e ta-o? Kar-e Elia-nen yusu, lak?” luk yogola-ge, at-nen yosolar-e: ”Iri-ge lag-o” luk yij-o. ”Nde, kar-e Mbal Pem Nagawan ene lomboksa yoso nap na-nen yusu, lak?” luk yogola-ge, at-nen-e: ”Lag-o” luk yij-o.

YOANES 1:25

Yoanes na kin wok obogolar-e: ”Kar-e Kerisut min Elia min Mbal Pem Nagawan ene lomboksa yoso nap na min-e lag-o yigen yu-t nde, kar-e noluk-nen ap yi ma unpusu-o?” luk yiga-o.

YOANES 1:33

Iri tarem-e an-e at kabag-et woragi-t nde, we yi bem yi ma unpuwakluk wirik nibidnak nap Mbal Pem Nagawan-nen yak norosolar-e: ’Konak Indi-ge mbumarik, ebem pak yosola kagun nap iri-nen Konak Indi bem ap yi ma unpuwa nab-e irir-o’ luk yak nirij-o.

YOANES 12:16

Nde, iri kwat ibidnak tarem-e Yesus owosirak na-nen inndi yebet kagit lak woraiga-t nde, Yesus na uruk luk unu kek tak posoloma-ge, at imin yidnak engga wene na yebet karuk, ap-nen iri nggal kwat ibidnak nde yebet kaiga-o.

YOANES 12:23

Yak togolikma-ge, Yesus-nen it yak ondosolar-e: ”Ap Ambara an nunu kek tak purak tarem-e ndak agaij-o.

YOANES 14:13

Nde, an nebem-nen Neid kek tak puwakluk, an nunu bem kit-nen nggi yugub mende-ge pidsa kwat kinpimin-o.

YOANES 14:26

Alat nde, Yongga Kundurak Nap iri-ge an nunu bem an Neid-nen wirik ibil lobok yuwa Konak Indi na-nen-e yi mende ndi mende pidsa mirik konposolat, an-nen yak kindidnak wene pidsa yeberak konposolat ma-o.

YOANES 16:14

At iri na-nen an nunu kek tak posolar-e, an-nen yidnak wene nak kamboksa kit yak kondosolat wolma-o.

YOANES 16:7

Alat nde, an-e ndemeret yak kundusu-o. An mbirimin iri-ge, kit konak tak kunpurak pem mbirimin-o. An mbirigit lak yimin nggal-e, Yongga Kundurak Nap na-ge kit kendam lobok yuwa bug-o. Alat nde, an mbirimin iri-nen at na-ge kit kendam wirik ibil mbuwamin-o.

YOANES 17:1

Yesus-nen wene na yurug-e, at erengen mbal arogo lik karuk-nen yosolar-e: ”Neid wa-e. An nururak tarem-e yawo-n panggo yij-o. Kat Kambara an-nen kat kek tak kubuwaklug-e, kat-nen-e Kambara an kek tak nibi-o.

YOANES 17:5

Neid wa-e! Nggweyak yu ndak wirigit lak ma-nen kat kimin woralat an nunu kek tak woraso iri na bem yawo-nen kat kinmbiri bem an nunu kek tak pi-o.

YOANES 20:22

Iri yurug-e, emende pu it enpem posolat-nen yosolar-e: ”Konak Indi waner-o.

YOANES 6:14

Nde, Yesus-nen kwiye worak mende nggulok iri kwarosola kaiga nap-nen yogolar-e: ” ’Mbal Pem Nagawan ene lomboksa yoso nap misik nggweyak ma yu me lobok yuwa-o’ yugwi na-ge ndemeret yu-t lobok yamu kaige-o!” luk yiga-o.

YOANES 7:12

Yogolikma-ge, ap kwarat ereba na-nen Yesus obok tapsa yak kerak mbogolar-e, it erep-nen yogolar-e: ”At iri-ge konak nab-o” yogolat, nde, it erep-nen yogolar-e: ”Lag-o. At iri-ge ap inndi kabak tak poso-nen yusu-o” luk yiga-o.

YOANES 8:54

Yak togolikma-ge, Yesus-nen yosolar-e: ”An-e an nambik kek tak posolat nggal-e, kek tak nibidnak iri-ge ebe lak mende yeleb-o. Alat nde, an kek tak nubusu nab-e kit-nen ’Nineij-o’ yili Mbal Pem Nagawan iri-net kek tak nubusu-o.

YIDNAK YIDNAK WENE 19:2

at-nen it kin wok onposolar-e: ”Kit kinndi angin tubu yigep tarem-e, Konak Indi wanigep, lak?” luk kin wok onposoloma-ge, it-nen yogolar-e: ”Konak Indi worasu-o luk obok na kulugwi buk me, wanigit lag-o” luk yiga-o.

YIDNAK YIDNAK WENE 2:17

’Mbal Pem Nagawan-nen yosolar-e: ”I woronosolat tarem-e an Nindi-ge ab-e ap enpem nggilara mberak pil mbuwamin-o. Iri ala-ge, kit kenmbararak min kenararak min-e urul pogolat, kunsugwerak-nen-e yik kagwi mende na yik kagolat, kineidtak inndi worak-nen-e yi nabi ndi nabi kagolat irit yuwa-o.

YIDNAK YIDNAK WENE 2:33

Iri bem-e, Yesus na Mbal Pem Nagawan inggi kigit nggwe-nen kek tak puruk, Eid-nen obok yak tidnak Konak Indi-ge at wok turuk, tak purug-e, at-nen nit nenpem nggilara pil mbuwasola-ge, kit-nen kagolat, kologolat kwatli yur-o.

YIDNAK YIDNAK WENE 2:38

Yogolikma-ge, Peterus-nen it yak ondosolar-e: ”Kondok yer-o. Kit meya yogolat woraidnak lak tak puwakluk, kenarik tak Yesus Kerisut unu bem yi ma konpogola-ge, Konak Indi-ge onggo lag-et we irit wanugub-o.

YIDNAK YIDNAK WENE 2:4

Pak yosola-ge, Konak Indi-nen it pidsa kobong tak onposola, Konak Indi-nen wene yaga wok ondosola-ge, ir-e nin wene nan wene bem yogolat woraiga-o.

YIDNAK YIDNAK WENE 3:13

Abaram min Isak min Yakub min Enmbal Pem Nagawan iri-ge nit nenlawingga Enmbal Pem Nagawan-nen-e at Ndegel Oboso Nap Yesus na unu kek tak pij-o. Yesus na-ge kit-nen wesera wok ondogolat, Pilatus-nen-e ’Mondok keyap tak purak’ peragaij-et nde, kit-nen Pilatus imbiri bem-et wesera keya bigeb-o.

YIDNAK YIDNAK WENE 4:31

Tepan yogolikma-ge, it ndok worak woraiga o na-ge yuk lenak mbosolar-e, Konak Indi-ge it enarem yebet yosolar-e, Mbal Pem Nagawan-nen yidnak wene-ge kwiye lag-et yogolat woraiga-o.

OROMA 8:9

Alat nde, kir-e ki nap-nen kwarugwi mende bem worali-ge lag-o. Konak Indi ndemeret kit kenarem worala-ge, kri-e Konak Indi arem-e worali-o. Nde, Kerisut Indi wanigit lak nab-e Kerisut arengge-ge lag-o.

2 KORINTUS 3:8

Alat nde, Konak Indi-nen wanoso eyabu-ge abinal kwarat lombog-o!

EPESUS 4:30

Nde, Mbal Pem Nagawan-nen idnak Konak Indi iri-ge indi puru rak purak pug-o. Mbal Pem Nagawan-nen-e ”At ilirak-nen yili-o” luk, yenggerak kunpuwakluk, Konak Indi kenpem posolat, ”Kit kinmiri yurak tarem-e ndemeret wok ma-o” luk Konak Indi ebem-nen urul yak kondosolat yij-o.