YOANES 7:37 - Nanduk Ngget Tul Pidnak Wene

³⁷ Iri lug-e, nunggwi mende nggulok sakolat, yobok tak purak tarem mondok nggulok iri na bem-e Yesus na men luk ene ngguloksa-t yosolar-e: ”Ta-nen yi nere ala-ge, an neram lobok luk, yi nujwag-o.

YOANES 7:37 ပူးပေါင်းရင်းမြစ်များ

NEMIA 8:18

Nde, iri na sak tenak woragolar-e, tuju bem woraiga-o. Iri kwarogolar-e, sakolat woraiga irit wosa Mbal Pem Nagawan-nen idnak imiri mbarak pidnak wene-ge Esera-nen it kuluwakluk enmanggim wonarosolat woragij-o. Iri kwat tenak woraruk, delapan pem tak posolar-e, imiri mbarak pidnak engga arem worasu ndak ndag-et woroksa tu lerak pogolar-e, nggok irit saiga-o.

NDAWI ENGGA 42:2

An-e Mbal Pem Nagawan uruk nak woraso iri na nere-nen nindi eberek yusu yu-ge mepme-nen at ama mbirimindik, erembel wanimin-o?

NDAWI ENGGA 63:1

Mbal Pem Nagawan wa-e. Kar-e an Nembal Pem Nagawan-nen yusu-o. An nindi-ge kar-et keberagirik, kogore yusu-o. Nggweyak amburu lak sa-nen yi kilik purak ukwe worasu iri nggal an-e kat nere-nen nindi eberek yusu-o.

NGGOMO WENE 1:20

Koler-o! Tula tula min ap ndok worak sa min-e inndi nggat nggat elem-nen wene mbo inpil nusu-o.

NGGOMO WENE 8:1

Inndi nggat nggat elem-nen ene mbo yosolat, inndi tenggerak elem-nen ene nggoksa yusu ereba koler-o.

NGGOMO WENE 8:17

An-nen-e an nabuwa kali nab-et enabuwa kasu-o. An nogore yili nab-e niyujwar-o.

NGGOMO WENE 8:3

O silmu nggugwi sa pak tumende bem min o silmu nggugwi tulabiyem min ereba me-nen ene mbo yosolat-nen yosolar-e:

YESAYA 40:2

Kit-nen Yerusalem nap inndi wi yabogolat-nen yak ondogolar-e: ’Ininggiyapma rak kunpuruk woragwi mende-ge lak yij-o. Kit-nen meya kwarugwi mende-ge an-nen nemberam tak pigi-o. Kit-nen meya kwarugwi oboksa ereba na bem-et Nagawan Indo an-nen angin worag-e mberen pem nambena kenpem pigi-o’ luk yij-o” yak ender-o.

YESAYA 40:6

Nde, ene mbi-nen yosolar-e: ”Wene yu-ge wigarer-o!” yosoloma, an-nen kin wanosolar-e: ”No wene nde wigarimin-o?” luk yigi-o. Iri yosola, ene iri na-nen yosolar-e: ”Nggweyakma nap iri-ge tusuangge nggal-nen yusu-o. Engen isi puruk, yanem-et lak yoso-o.

YESAYA 44:3

An-nen-e yi-ge nggweyak amburu lak pem kilik posolat, nggweyak mbeng larak pem-et nde, yi wirik posolat kwarimin-o. An namawi-ge kat-nen wigarak ininggem posolat, kat kilirak-nen ndaguwa imbiringgat tak onposolat kwarimin-o.

YESAYA 55:1

Nagawan Indo-nen yosolar-e: Kit yi nere-nen kinndi eberek yusu nab-e lobok yugupndik, yi kenangga lud tak pidnak yu mer-o! Kit kontol lag-e lobok yugupndik, onggo pigit lag-et nggandum mbato yeba wanugupndik mer-o! Anggut amburu min sapi wam agamo amburu min-e kenmanggim lid lud tak worasu-o. Mondok onggo pigit lag-et waner-o!

YESAYA 55:3

Nilirak wa-e. Kwara kuluruk, an neram lobok yer-o. Kir-e an-nen ndemeret unluk woragwi elem wok kindimin-o. An-nen mondok tugup lak Ndaut imin ’Imbiringgat tak kibimin-o’ luk urul pigi iri na-ge kit kinmin kondosolat mondok mborok tak purak puk urul pimin-o.

YESAYA 58:1

Nagawan Indo-nen yosolar-e: ”Mondok kenne nggoksa wirik purag-o! An nilirak-nen meya yidnag-e ’Meya iri nggal kwarigepma-o’ luk yak undurag-o!

TEPAN OMBO-NEN KWARURAK WENE 23:39

Kit-nen yagidnak mende anggul mbatlug-e, tanggal lima belas waneya tuju na bem-e O Lije Engga Kerengga Wi Wutluk Sakwi Tarem yebet kagolar-e, tuju bem wolmomtag-o. Tel kurugup tarem min worok tak pogolat delapan pem min-e we mondok kenpabok nak kwarogolat wolmomtag-o.

MIKA 6:9

Nde, Nagawan Indo indi aye worak woragwi iri perak inndi nggat nggat tak poso-nen yusu-o. Nagawan Indo-nen o siri iri me woragwi nap yak ondosolar-e: ”Kit o silmu ndok witli nap wa-e. Kwara koler-o!

SAKARIA 9:15

Nde, Nagawan Indo Mondok Kek tak iri na-nen at ilirag-e inmiri yosola, it unuwim nab-e urugwe nggwe rak unpuwa-o. Inndi nden kaso yi nuruk, urugwe nggwe yugwi nggal wim nggogolat enne sa nggwa mbuwa-o. Wam wosa kan pogolat eyabi wam kan pugwi sa nggilara mbusu iri nggal wim nap eneyabi-ge nggilara mbuwa-o.

MATIUS 11:28

Kenpabok lak yugwi nap min angin worak mende pijanuruk nugwi nap min-e kit pidsa an neram lobok yer-o. An-nen-e kenpabok kwasa wok kindimin-o.

MATIUS 3:3

Mbal Pem Nagawan ene lomboksa yoso nap Yesaya-nen yosolar-e: ”Ap misik karu me-nen ene nggoksa yosolar-e: ’Nagawan Indo urula lid lud tak per-o. At mbururak urula ndung tak per-o’ ” luk yid iri-ge at Yoanes min-et yij-o.

MATIUS 5:6

Nde, lud tak nak kwarurak ukwe kwarat kali nab-e Mbal Pem Nagawan-nen inndi teyok tak unpuwa me, enalen kali-o.

YOANES 1:23

Yogolikma-ge, Yoanes-nen yosolar-e: ”An-e, Mbal Pem Nagawan ene lomboksa yoso nap Yesaya-nen yosolat: ’Ap lak ma-nen ene ngguloksa yosolar-e: Nagawan Indo urula mot tak per-o’ yid iri na-ge an-net yusu-o” luk yak indij-o.

YOANES 14:6

Yak tosoloma-ge, Yesus-nen at yak tosolar-e: ”An-e Mbal Pem Nagawan enaru yugwi tula min ndemeret wene min unlug-et wolmomtak elem min-nen yusu-o. An nebem nggwe mbirigit lak-nen-e ap misiger-o luk tet an Neid eram wok momtag-e meya-o.

YOANES 4:10

Yosoloma-ge, Yesus-nen kwe na yak tosolar-e: ”Mbal Pem Nagawan-nen onggo lag-et we wok ondoso mende min kat kebem yi nggi yidnak nap an min karu nggal-nen-e kat-nen ’Yi kenang niri-o’ luk yak norosola-ge, an-nen-e unlug-et wolmomtak yi wok ketleb-o” luk yak tij-o.

YOANES 4:11

Yak tosoloma-ge, kwe na-nen at yak tosolar-e: ”Nab-o. Kat kinggem-e yimbe na lak, yi emnde mbarak yi-ge yoboksa mbidnak yu-t nde, unlug-et wolmomtak yi iri-ge ngge me-nen wanugun-o?

YOANES 4:14

an-nen kenangga mak timin yi nujwa nab-e pempa pempa yi nere kujwa bug-o. Nde, an-nen kenangga mak timin yi iri-ge at arem-nen unlug-et wolmomtak yi urusu kundik mborosolar-e, urug-et woralik nalik wolmomtak elem wok tuwa-o” luk yij-o.

YOANES 5:40

unlug-et wolmomtak elem wanuwokluk an neram lobok yurag-e kinsili yili-o.

YOANES 6:35

Yogolikma-ge, Yesus-nen it yak ondosolar-e: ”Unlug-et wolmomtak mburu-ge an-er-o. An neram lobok yuwa nab-e mburu nere mondok kujwa bug-o. An nebem indi angin tubu yuwa nab-e yi nere na mondok kujwa bug-er-o.

YOANES 6:37

An Neid-nen wok nuruwa nap pidsa-ge an neram lobok yuwa-o. Nde, an neram lobok yuwa nab-e an-nen-e langgal eneyamin pug-o.

YOANES 6:55

Nde, an nebe-ge ndemeret nunggwi mende-nen yusu-o. An neyabi-ge ndemeret yi-nen yusu-o.

YOANES 7:28

Nde, Yesus na Mbal Pem Nagawan ama-nen ap mul ondosolar-e, at ene ngguloksa-t yosolar-e: ”Kit-nen-e ndemeret an yenggerak neyagolat, an lobok yidnak sa na kenaru yogolat yili-a? An nindi-n pidnak pem lobok yigi-ge lag-o. An nibil lobok yidnak nap iri-ge mondok lud tak kwaroso-nen yusu-o. Kit-nen-e at iri kenaru buk worali-t nde,

1 KORINTUS 10:21

Kit-nen-e Nagawan Indo-nen idnak yimbe arem kenanggo nonggolat, kugi-nen idnak yimbe arem kenanggo nonggolat momtag-e lag-o. Kit-nen-e Nagawan Indo-nen idnak mburu nonggolat, kugi-nen idnak mburu na nonggolat momtag-e lag-o.

1 KORINTUS 10:4

it pidsa-ge inndi amanggim yi na misiget erep nak nonggolat yiga-o. Ir-e yi nonggolar-e, inndi amanggim it inmin mbiridnak kerep iri arem-nen waidnak yi ningga-o. Nde, kerep iri-ge Kerisut arer-o.

1 KORINTUS 11:25

Mburu nuruk, iri nggal-et yimbe wanosolat-nen yosolar-e: ”Yimbe arem kenanggo yu-ge an neyabi bem Mbal Pem Nagawan-nen ngget urul pidnak wene-nen yusu-o. Kir-e an yebet yebet tak worabok-nen nonggolat wolmer-o” luk yij-o.

1 KORINTUS 12:13

Iri nggal-et, nit pidsa-ge Yawuri nap na irit, Yunani nap na irit, ndegel unpuwakluk onnggo pidnak nap na irit, weserak woragwi nap na irit, Konak Indi misiget iri-nen nit pidsa ebe misiget tak nenpeyekluk yi ma nonposola, nit pidsa-nen yi ninggidnak nggal Konak Indi misiget nak mak nondosola, nili-o.

EPESUS 5:18

Anggut engen amburu ndonggosa nuruk, kinndi wawa yurak pug-o. Iri nunggupndig-e, ukwe ukwe rak onposo-nen yusu-o. Alat nde, kir-e Konak Indi nde kenarem kobong tak irit wolmer-o.

NAM PARA WENE 21:6

Iri yuruk, at-nen tuguruk yosolar-e: ”Abu ndak yij-o. Nde, an-e Tel Koroso min Woroksiyem min-nen yusu-o. An-e Nanduk-net Woraso, Abok-nen na irit Woramin Nagawan Indo-nen yusu-o. Yi nere kagwi nab-e an-nen we onggo lag-et mak ondosolar-e, unlug-et woragwi yi ulusu na kenangga mak indimin-o.

NAM PARA WENE 22:1

Iri luk, aid nap iri na-net mirik nobosolar-e, unlug-et wolmomtak yi erengen miri papalo erare nggal igip kip worak irit mirik nibij-o. Nde, yi iri na urusu-ge Mbal Pem Nagawan min Lomba Wam Marik min-nen koreyak woragwi ondoro na arem-nen kenangga mborosolar-e,

NAM PARA WENE 22:17

Konak Indi min Un Wanurak Kwe na min-nen yogolar-e: ”Lobok yer-o!” luk yili-o. Wene yeba kulili nap oboksa-nen na mondok yogolar-e: ”Lobok yer-o!” luk yuwag-o. Ta-nen yi nere kasu nab-e lobok yuwag-o. Ta-nen yi norak ukwe perasu nab-e unlug-et wolmomtak yi iri-ge onggo pigit lak, we irit wanuwag-o.