YOANES 7:28 - Nanduk Ngget Tul Pidnak Wene

²⁸ Nde, Yesus na Mbal Pem Nagawan ama-nen ap mul ondosolar-e, at ene ngguloksa-t yosolar-e: ”Kit-nen-e ndemeret an yenggerak neyagolat, an lobok yidnak sa na kenaru yogolat yili-a? An nindi-n pidnak pem lobok yigi-ge lag-o. An nibil lobok yidnak nap iri-ge mondok lud tak kwaroso-nen yusu-o. Kit-nen-e at iri kenaru buk worali-t nde,

YOANES 7:28 ပူးပေါင်းရင်းမြစ်များ

YEREMIA 31:34

It iri-ge nggok-nen marik-nen oboksa an-e enaru yuwa me, it ennggamirak ennggendumu misik-nen Nagawan Indo an it-nen enaru makluk mul undurag-e lag-o. Nde, it-nen lugud tak kwarugwi-ge an-nen meme rak onposolat, nde, it meya yidnag-e an-nen namberam tak pimin-o. Nagawan Indo an-net yigi-o” luk yij-o.

OSEA 4:1

Nde, Nagawan Indo-ge o yu me woragwi nap enpem wene pusu-o. Isarael wa-e. At-nen yusu wene-ge kwara kuli-o. At-nen yosolar-e: ”O yu me-ge tugup lak yidnak yidnak kwarugwi elem min enabuwa kagwi elem min-e mondok lag-o. Iri-nen yu me woragwi nab-e an nimin-e ’Ar-e nit Nenmbal Pem Nagawan-net yusu-o’ luk para yili bug-o.

OSEA 5:4

Isarael nap-nen meya kwat tenak worali iri-nen ndowaga, it iri-ge tuguruk nden karuk Enmbal Pem Nagawan eram lobok yurak meya yusu-o. It iri-ge kugwiwak erembel wanugwi iri-nen inggiyapma rak inpidnak worali-o. Iri kwarak woragolat me, Nagawan Indo iri-ge no mende nggal tak ibili-o.

MATIUS 11:27

An Neid-nen-e yi mende ndi mende oboksa-ge an ninggem-et pij-o. Eid arig-et nak-nen Ambara aru yusu-o. Nde, Ambara an-nen na irit, Ambara an-nen: ’Neid iri enaru mag-o’ luk eberamin nap-nen na irit, Eid na enaru yili-o.

MATIUS 2:23

o unu Nasaret iri me woragaij-o. Iri me woragaid iri-ge Mbal Pem Nagawan ene lomboksa yugwi nap-nen yogolat, ”At iri-ge Nasaret nab-o luk yuwa-o” luk yiga na ndak tak posolat-nen woragaij-o.

MATIUS 26:55

Iri yuruk, Yesus-nen ap kwarat na yak ondosolar-e: ”An-e yariya wanoso nap ala-nen posid tege min nggwambu min parugu an tena nubuwokluk yili-a? An-e pempa Mbal Pem Nagawan ama koreyak worasolat-nen ap mul ondosolat woraigi-t nde, tena nibigit lak yigeb-o.

LUKAS 10:22

An Neid-nen-e yi mende ndi mende pidsa an ninggem pid irir-o. Neid arig-et nak-nen Ambara an aru yusu-o. Nde, Ambara an-nen na irit, Ambara an-nen ’Neid iri enaru mag-o’ eberamin nap-nen na irit, Neid iri enaru yili-o” luk yij-o.

LUKAS 2:11

Yawo kubu-ge kit kinmiri yurak nap, Nagawan Indo Kerisut iri-ge Ndaud ama-nen ndet yij-o.

LUKAS 2:39

Nde, Nagawan Indo-nen ”Irit kwarurag-o” luk yidnak wene pidsa kwat lug-e, Yusup min Maria min-e enma Nggalilea nggweyak pem Nasaret mbiriga-o.

LUKAS 2:4

Nde, Yusup na-ge Ndaud-nen wigarak me, Nggalilea nggweyak pem o Nasaret iri me-nen Yurea nggweyak pem o unu-ge Mbetleyem, nagawan Ndaud ndesa mbidnak sa iri me-t mbirij-o.

LUKAS 2:51

Alama-ge, Yesus na it inmin luk Nasaret mberarig-e, eid ija-nen yidnak yidnak irit kwarosolat woragaij-o. Nde, at ija-nen-e iri kwaridnak wene pidsa-ge arem tak puruk woragaij-o.

YOANES 1:46

Yak tosoloma-ge, Natanael-nen yosolar-e: ”Konak mende mbi Nasaret nggal-nen lobok yurag-e ob-a?” luk yosoloma-ge, Pilipus-nen yosolar-e: ”Irit nde kil-et mburuwog-o” luk yij-o.

YOANES 10:36

Neid-nen len nuburuk wirik nibil lobok yidnak nab-et nde, an-nen-e: ’An-e Mbal Pem Nagawan Ambara-o’ luk yusu iri bem kit noluk-nen: ’Mbal Pem Nagawan obok poso nab-o’ luk yak nitli-o?

YOANES 12:49

Nde, wene an-nen yusu yu-ge an nindi-n pidnak pem nak yusu-ge lag-o. Nde, an-nen yurak min an-nen yak kundurak min iri-ge an Neid wirik nibil lobok yidnak nap iri na-net nebem pamu-nen yak kundusu-o.

YOANES 14:10

An-e Neid arem woralat, nde, Neid na an narem woralat yusu iri-ge kar-e kindi angin tubu yusu bug-a? An-nen yak kundusu wene-ge an nindi-n pidnag-et yak kundusu bug-o. Are, an Neij-e an narem worasu iri-net ereba pidsa-ge kwarusu-o.

YOANES 14:31

Alat nde, nggweyak ma nap pidsa-nen-e an-nen Neid abuwa kasu-o luk enaru makluk, an Neid-nen yak niridnak wene pidsa irit kwaroso-o. Yu me-nen mburuwog-o. Men mer-o” luk yak indij-o.

YOANES 16:3

It-nen iri kwat kunpuwa iri-ge an Neid nenmberek enaru buk-nen kwat kunpuwa-o.

YOANES 17:25

Lud tak nak Kwaroso Neid wa-e. Nggweyak ma nap-nen-e kat enaru buk worali-t nde, an perak nde kat naru-o. Nde, kat-nen an wirik nibil lobok yij-o luk it yu-nen perak nde enaru-o.

YOANES 17:3

Unlug-et pem-et woralik nalik momtak elem-e ap-nen Mbal Pem Nagawan Lud tak Nak Kwaroso kat misiget nak enaru yogolat, kat wirik ibil lobok yigen nap Yesus Kerisut na enaru yogolat yugwi irir-o.

YOANES 3:2

Misik tarem kubu nggwe-ge at na-ge Yesus eram mberarik, at yak tosolar-e: ”Mul Ondoso Nap wa-e. Kar-e Mbal Pem Nagawan-nen kibil lobok yidnak-nen yusu-o luk nir-e nenaru-o. Mbal Pem Nagawan nde inmin woragit lak-nen-e kat-nen kwiye worak mende kwarusu yu nggal-e ap misiger-o luk tet-nen kwarurag-e meya-o” luk yij-o.

YOANES 3:33

Nde, at-nen yidnak wene ndemerer-o luk perali nap-nen-e: ”Mbal Pem Nagawan iri-ge lud tak nak kwaroso-nen yusu-o” luk yili-o.

YOANES 5:32

Alat nde, an nebem wene kunggurusu nap misig-e worasu-o. Nde, an nebem wene kenggel undusu iri-ge lud tag-et yusu-o luk an-e naru-o.

YOANES 5:43

An-e Neid unu bem-et lobok yigi-t nde, kit-nen-e wok nibigit lak yili-t nde, ap misik at ambik unu bem lobok yosola-ge, wok ubugub-o.

YOANES 6:42

yogolar-e: ”Abuga! At yu-ge eid min ija min na nir-e nenaru Yusup ambara Yesus na-t nde, nggerak puruk-nen ’An-e aid arem-nen mbuwagi-o’ luk yusu kali?” luk yiga-o.

YOANES 7:14

Nunggwi mende nggulok na sakwi tarem enggendumu-ge Yesus na Mbal Pem Nagawan ama nggwarik ap mul indij-o.

YOANES 8:14

Yogolikma-ge, Yesus-nen it yak ondosolar-e: ”Lag-o. An-e an lobok yidnak sa min an mbirimin sa min naru me, an nondomok nebem wene kenggel kundusu-t nde, ndemerer-et yak kundusu-o. Nde, an lobok yidnak sa min an mbirimin sa min kir-e kenaru bug-o.

YOANES 8:16

Alat nde, an-e narig-et worasu-ge lak me, an-nen ap enpem wene mbarosolat nggal-e, an Neid nibil lobok yid na an nimin worala me, mot mor-et mbatleb-o.

YOANES 8:19

Yosoloma-ge, it-nen at kin wok obogolar-e: ”Kat keij-e ngge me-o?” luk yogolikma-ge, Yesus-nen yosolar-e: ”Kit-nen-e an min an Neid min kenaru bug-o. Nde, kit-nen nde an kenaru nggal-nen-e an Neid na kenaru yeleb-o” luk yij-o.

YOANES 8:26

Nde, kit kenpem yurak wene nde kit kenpem wene mbarurak nde an-e kwarat worasu-t nde, an nibil lobok yidnak nap iri-ge ndemeret lud tak nak yoso-nen yusu-o. Nde, at-nen yak niridnak wene iri na-t an-nen nggweyak ma nap pidsa yak undusu-o” luk yij-o.

YOANES 8:42

Yogolikma-ge, Yesus-nen it yak ondosolar-e: ”Kir-e ndemeret Mbal Pem Nagawan ilirak-nen yili nggal-e, kir-e an nabuwa kaleb-o. Nde, an-e Mbal Pem Nagawan eram-nen lobok yigirik, yawo yu me worasu-o. An-e an nindi-n pidnak pem lobok yigit lag-o. Are, Mbal Pem Nagawan-net wirik nibil lobok yij-o.

YOANES 9:29

Mbal Pem Nagawan-nen Musa wene yak toso iri perak nir-e nenaru-o. Iri alat nde, ap iri-ge nggeba-nen lobok yij-o? Nit nenaru bug-o!” luk yiga-o.

YIDNAK YIDNAK WENE 17:23

An-e kit kenma yu me waring kasolat-nen kit-nen erembel wanugwi kunkugiwak na kil kil mborosolar-e, kugi amanggim wam wosa pugwi sa misik pem-e yik kaginggal-e, ’Nenaru buk kugi amanggim-o’ luk yaga mbaridnak irit kagi-o. Nde, kenaru bug-et nde erembel wanugwi iri-ge an-nen nam para yak kundusu-o.

OROMA 1:28

Ab-e Mbal Pem Nagawan enaru yurag-e insili rak puruk keya bogola-ge, it inndi-ge meya nak peragolat, kwarugwi buk mende kwat tenak woragolat makluk-nen Mbal Pem Nagawan-nen-e keya inpij-o.

OROMA 3:4

Mondok lag-o! Ap oboksa ennesiget yugwi-t nde, Mbal Pem Nagawan-e mondok ndemeret wene nak yoso-o. Mbal Pem Nagawan engga mbarak pem-nen yosolar-e: ”Kat-nen wene yosola-ge, lud tak wene nak yij-o luk yuwag-o. Nde, kat kebem wene mbarogola-ge, kar-et ombol pem yugun-o” luk mbarij-o.

2 KORINTUS 1:18

Mbal Pem Nagawan-e ndemeret wene nak yoso me, wene urul an-nen yak kondosolar-e: ”Ob-o, Lag-o” yurak pem yak kundusu-ge lag-o.

2 KORINTUS 4:6

Mbal Pem Nagawan-nen yosolar-e: ”Ndamuk arem-nen yaya yuwag-o” luk yid Mbal Pem Nagawan at-net at eyaya-ge nit nenarem yaya rak pij-o. Iri yosolar-e, Mbal Pem Nagawan abinal-e Kerisut erare bem worasu abinal iri nenaru rak purak pem-nen iri yij-o.

TITUS 1:2

Enesiget yoso buk Mbal Pem Nagawan-nen o ndak wirigit lak ma-net: ”Unlug-et woralik nalik wolmomtak elem irit wok kindimin-o” luk urul pid iri na bem ninndi mbung mbung tak worali-o.

IBERANI 6:18

Mbal Pem Nagawan-nen urul pid min owak mbarid min wene mberen iri-ge tuguruk nden kujwa-ge lak me, Mbal Pem Nagawan-e enesiget yurag-e meya-o. Iri bem-e nit ninmiri yuwakluk Mbal Pem Nagawan indipma worali nap nit-nen-e abok-nen wok nundurak lid lud tak pidnak iri na bem nit ninndi mbung mbung tak pidnak iri-ge puksa tena wolmomtag-o.

1 YOANES 5:10

Iri bem-e, ta-nen nde Mbal Pem Nagawan Ambara ebem indi angin tubu yuwa nab-e kinggiridnak wene na-ge at arem worasu-o. Nde,ta-nen nde Mbal Pem Nagawan-nen kinggiridnak na wanigit lak me, Mbal Pem Nagawan-e enesiget yoso nap tak pusu-o.

1 SEMUEL 2:12

Eli ambararag-e Nagawan Indo indi aye lak tak puruk, mondok meya lombok kwarogolat woraiga-o.