YOANES 7:26 - Nanduk Ngget Tul Pidnak Wene

²⁶ At yu-ge nam-et yosola kulili-t nde, it-nen wene erep mbi yak tili buk iri ker-o! Nde, nit-nen enne kulugwi nap-nen-e at yu-ge ndemeret Mesias-nen yusu-o luk enaru-nen yili, lak?

YOANES 7:26 ပူးပေါင်းရင်းမြစ်များ

YESAYA 42:4

Ar-e indi kabak yigit lak, tugup lak iri-net at-nen mot mot kwaroso elem iri na-ge nggweyakma yu me nggok tak puwa-o. O erepma nin sa woragwi-nen-e at-nen mul ondoso wene kulurak indingen ma-o” luk yij-o.

MATIUS 22:16

Iri luk, it-nen wirik onpogolar-e, it inmin nugwi nap ereb-e Eroriani nap inmin luk, Yesus eram wok luk, at yak togolar-e: ”Nggomo Ondoso Nap wa-e. Kar-e lud tak nak yoso nap-nen yusu-o luk nir-e nenaru-o. Nde, Mbal Pem Nagawan urula mburugwi wene-ge nam-et nak ap mirik onposolat, ap entare mbenaroso buk me, kar-e kwiye lag-et mirik onposo-o.

LUKAS 23:13

Iri luk, Pilatus-nen tepan omborak nagawan min Yawuri nap ennggendumu enne kulugwi nap min yonggo unpuruk,

LUKAS 7:30

Alat nde, Parisi nap min imiri mbarak pidnak wene enaru nap min-nen-e: ”Yoanes-nen yi ma nunpurak ninmbir-o” luk yogolar-e, Mbal Pem Nagawan-nen it kwat unpurak peraidnak na-ge keya biga-o.

YOANES 12:42

Iri alat nde, Yawuri nap enne kulugwi nap kwarat-nen inndi-ge Yesus ebem angin tubu yiga-t nde, Parisi nap-nen-e Mbal Pem Nagawan ama-nen abu abu wirik unpuwa naru, Yesus ebem inndi angin tubu yidnag-e para yigit lak yiga-o.

YOANES 18:20

Kin wok obosoloma-ge, Yesus-nen at yak tosolar-e: ”Ap pidsa wene yak ondosolar-e, an-e pempa ap pidsa inmbiri bem nam-et nak yoso-o. An-e ap mirik onposolar-e, Yawuri nap pidsa ndok wurugwi sa tepan yugwi ma-nen na, Mbal Pem Nagawan ama-nen na mirik onposolat woragi-o. Nde, an-e kurasa wene mbi yoso bug-o.

YOANES 3:1

Yawuri nap ennggendumu Parisi nap kek tak misik unu-ge Nikoremus irit woragaij-o.

YOANES 4:29

”Ap misig-et an-nen kwaridnak mende pidsa para yak nirid nap iri kil lobok yer-o. Ap iri-ge Mesias-nen yusu, lak?” luk yij-o.

YOANES 7:25

Yak ondosoloma-ge, Yerusalem nap erep-nen yogolar-e: ”At yu-ge wuruwokluk tu kore yili na-ge yu-t lak?

YOANES 7:31

Alat nde, ap ereba na ennggendumu ap kwarat-nen at ebem inndi angin tubu yogolat-nen yogolar-e: ”At yu-nen kwiye worak mende kwarat kwarusu yu-ge, Mesias abok lobok yuwarig-e, kwiye worak mende terag-e no mende nde kwaruwa-o?” luk yiga-o.

YOANES 7:48

Nenne kulugwi nap nit nennggendumu-nen na irit, Parisi nap ennggendumu-nen na irit ap misik mbi-nen at ebem inndi angin tubu yogola, eneyali-a?

YOANES 9:22

It Yawuri nap-nen wene mbarogolar-e: ” ’Yesus iri-ge Mesias-nen yusu-o’ luk para yuwa nab-e Mbal Pem Nagawan ama-nen mbo bul-o” luk mbaridnak me, it Yawuri nap enaye-nen at eid ija-nen yogolar-e:

YIDNAK YIDNAK WENE 4:13

Yosoloma-ge, it-nen yik eneyagolar-e, Peterus min Yoanes min na enmbereg-e we nap, sekola yugwi buk nab-et nde, wene kwiye lag-et yogola karuk, ir-e wi langgu mbarogolar-e, it enmbereg-e Yesus imin nugwi nap irit yenggerak eneyaiga-o.

PILIPI 1:14

Nde, kere kamat nibidnak na bem-nen-e nennggamirak erep kwarat-nen-e Nagawan Indo ebem ala, ebem lud enmawi kunduruk, Mbal Pem Nagawan-nen yidnak wene-ge mondok kwiye lag-et ap yak indili-o.