YOANES 7:12 - Nanduk Ngget Tul Pidnak Wene

¹² Yogolikma-ge, ap kwarat ereba na-nen Yesus obok tapsa yak kerak mbogolar-e, it erep-nen yogolar-e: ”At iri-ge konak nab-o” yogolat, nde, it erep-nen yogolar-e: ”Lag-o. At iri-ge ap inndi kabak tak poso-nen yusu-o” luk yiga-o.

YOANES 7:12 ပူးပေါင်းရင်းမြစ်များ

MATIUS 10:25

Iri ala-ge, mul tidnak nap iri na-ge at mul toso nap nggal ndak ndak kwat yidnak ala-ge, ndag-er-o. Nde, ndegel poso nap na irit, at ndugurusu nap nggal ndak ndak kwat yidnak ala-ge, ndag-er-o. Nde, o winde na unu nde ’Mbelsebul-o’ luk yugwi ala-ge, at ama woragwi oboksa na iri nggal-et unnu-ge meya lombok yuwa-o.”

MATIUS 21:46

at tenagurak peraiga-t nde, ap kwarat iri-nen Yesus-e Mbal Pem Nagawan ene lomboksa yoso nap eberagwi me, it inndi aye-nen larok yiga-o.

MATIUS 27:63

at yak togolar-e: ”Nap wa-e. Nit-nen yebet kagolar-e, ap kabak tak onposo nap iri na uruk woralat-nen yosolar-e: ’Mberen nene luk, kenan tak purak pem nuruk yimin-o’ luk yoso na yebet kaige-o.

LUKAS 18:19

Kin wanosoloma-ge, Yesus-nen at yak tosolar-e: ”Kar-e noluk an konak nab-o yak nirigen-o? Konak nap mbi worali bug-o. Mbal Pem Nagawan arig-et nak worasu-o.

LUKAS 23:47

Wat yosola-ge, san ombo nagawan na-nen iri kwarosola karuk, Mbal Pem Nagawan erembel wanosolat-nen yosolar-e: ”Ndemerer-o. At yu-ge konak nab-o” luk yij-o.

LUKAS 23:50

Ap mbi unu-ge Yusup irit woragaij-o. At iri-ge Yawuri nap enma Arimatea-nen lobok yidnak nab-o. Ar-e konak nap, lud tak nak kwaroso nap, Mbal Pem Nagawan-nen tenagaidnak wi lobok yuwa-o luk yik karok woraso nap irit woragaij-o. Ar-e wene mbaroso nab-et nde, it-nen wene mbarogolat, it-nen Yesus kwat obogolat kwarogola-ge, ar-e ennggendumu nggwigit lag-o.

LUKAS 6:45

Ap enarem worasu iri na wirik pusu me, konak nap-nen-e at arem-e konak nak kobong tak worasola me, konak wene nag-et wirik poso-o. Nde, meya yoso nap-nen-e at arem-e meya mende nak kobong tak me, meya wene nak wirik poso-o” luk yij-o.

LUKAS 7:16

Iri kwarosola-ge, it pidsa-ge kwiye-nen pabok puruk, Mbal Pem Nagawan erembel wanogolar-e: ”Mbal Pem Nagawan ene lomboksa yoso nap nggulok mbi-ge nit nennggendumu nam agaij-o!” yurug-e, ”Mbal Pem Nagawan-nen-e at elem nap inmiri yurak pem lobok yij-o!” luk yiga-o.

YOANES 6:14

Nde, Yesus-nen kwiye worak mende nggulok iri kwarosola kaiga nap-nen yogolar-e: ” ’Mbal Pem Nagawan ene lomboksa yoso nap misik nggweyak ma yu me lobok yuwa-o’ yugwi na-ge ndemeret yu-t lobok yamu kaige-o!” luk yiga-o.

YOANES 7:32

Ap kwarat ereba na-nen Yesus obok yagap yagap wene yil mborogola, Parisi nap-nen kuluruk, it min tepan omborak nagawan nagawan min-nen-e Yesus tenagurak pem Mbal Pem Nagawan wi yik karok woragwi san winde wirik inpiga-o.

YOANES 7:47

Yogolikma-ge, Parisi nap-nen it yak ondogolar-e: ”Kit na nden keneyasu-a?

YOANES 7:52

Yak ondosoloma-ge, it-nen at yak togolar-e: ”Nde, kar-e Nggalilea nap-nen yusu-a? Kar-e Mbal Pem Nagawan engga kwara mbenari-o. Mbenarosoma-ge, Mbal Pem Nagawan ene lomboksa yoso nap mbi Nggalilea-nen lobok yuwa-o yidnak mbi kagun pug-o” luk yak tiga-o.

YOANES 9:16

Yosoloma-ge, it Parisi nap erep-nen yogolar-e: ”Iri kwarid nap iri-ge we woragwi tarem-nen kwarugwi buk na kwaril noso me, at iri-ge Mbal Pem Nagawan eram-nen lobok yidnak nab-e lag-o” luk yiga-o. Nde, it erep-nen yogolar-e: ”Lag-o. Meya yoso nap-nen-e kwiye worak mende nggulok yu nggal-e nggesa-nen kwatleb-o?” luk yiga-o. Iri nggal yak kerak mbogolar-e, iri wene lit lit ngguno piga-o.

YIDNAK YIDNAK WENE 11:24

At Mbaranabas iri-ge konak nap, nde, Konak Indi-ge arem kobong tak pidnak nap, nde, Yesus ebem indi angin tuburak woraso me, ap kwarat Nagawan Indo eram lesa inpil mborosolat woragaij-o.

OROMA 5:7

Lud tak nak kwaroso nap amanggim ap misik wat momtag-e meyar-o. Alat nde, konak nak kwaroso nap amanggim ap misig-e wat momtak indi te worasu nde ma-o.

PILIPI 2:14

Yi kwatlik ndi kwatlik kwarogolar-e, ujwagujwa yogolat, ngguno pebe yogolat momtak pug-o.