YOANES 7:10 - Nanduk Ngget Tul Pidnak Wene

¹⁰ Nde, at owottak na nunggwi mende nggulok saguwa sa mborogola karuk, Yesus-nen na iri me mborosolar-e, mbik mbok kuraga mbirij-o.

YOANES 7:10 ပူးပေါင်းရင်းမြစ်များ

NDAWI ENGGA 40:8

’Mbal Pem Nagawan wa-e. Kat kindi-n pidnak kwarurak iri-ge an-e nindingen-o. Kat-nen idnak imiri mbarak pidnak wene-ge an narem pukmu-o’ luk mbarak worasu-o” yigi-o.

AMOS 5:13

Kit-nen iri kwatli iri bem-e meya iri nggal kwarugwi tarem me, indi nggat nggat worak nab-e indiyabu nak wolmomtak iri-ge ndag-o.

MATIUS 10:16

”Yu nde ker-o. An-nen wirik konposolar-e, lomba wam-e ndakngge enggendumu wirik pugwi nggal wirik kunpusu-o. Iri bem-e, kir-e kinndi tenggerak waro nggal woragolat, kinndi yanggonak towe merpati nggal woragolat mer-o.

MATIUS 12:46

Yesus na-ge ap kwarat wene yak ondosolat worasoma-ge, at ija min owottak min-e wok yigarig-e, at imin wene nduruwog-o luk mbepme mendak woraiga-o.

MATIUS 3:15

Yosoloma-ge, Yesus-nen yak tosolar-e: ”Irit nde, yawo-ge ereba mag-o. Iri nggal kwarogolar-e, Mbal Pem Nagawan indi-n pidnak obok ndak ndak pogolat-nen kwarul-o” luk yak tosoloma-ge, Yoanes na-ge at-nen yidnag-et kwarij-o.

MARAKUS 3:21

Iri alama-ge, ap erep-nen yogolar-e: ”At iri-ge indi wawa yusu-o” luk yogola kulurug-e, at owe owot-nen at inggi wil mbiriga-o.

YOANES 11:54

Iri bem-e Yesus na Yawuri nap ennggendumu-ge nam-et waring kagit lak yij-o. Nde, Yurea na keya buruk, karu me koroga o siri misik unu-ge Eparaim iri me mberarik, at owosirak inmin woragaij-o.

YOANES 7:3

Yesus owottak-nen at yak togolar-e: ”Kat kowosirak-nen-e kat-nen kwaroso mende kujwakluk, yu me keya buruk Yurea mbiri-o.

YOANES 7:5

(Nde, iri yogolar-e, at ambik owottak-nen na at ebem inndi angin tubu yigit lak yiga-o.)

YOANES 7:9

Yak undurug-e, ar-e Nggalilea puk agaij-o.

NGGALATIA 4:4

Alat nde, iri kwarurak tarem-e ndak yosola-ge, Mbal Pem Nagawan-nen-e at ambik ambara ibil lobok yosola, at ambara na-ge ki kwami-nen ndet ebamu-ge, imiri mbarak pidnak wene urugwe nggwe worala-ge,