YOANES 6:70 - Nanduk Ngget Tul Pidnak Wene

⁷⁰ Yak tosoloma-ge, Yesus-nen it yak ondosolar-e: ”Kit ap duabelas yu an-net len kinpigi-t nde, kit kennggendumu ap misig-e sere nde worasu-o!” luk yak indij-o.

YOANES 6:70 ပူးပေါင်းရင်းမြစ်များ

YOANES 13:18

Wene yu-ge kit pidsa yak kundusu-ge lag-o. An-nen len inpidnak nab-e an naru worasu-o. Alat nde, Mbal Pem Nagawan engga bem-nen yosolar-e: ’An totno mburu naso nap-nen-e an isili rak nibij-o’ luk mbaridnak iri na ndak ndag-et kwat ma-o.

YOANES 13:2

Kubu nggwe-ge Yesus at owosirak inmin totno mburu nunggukmu-ge, Simon ambara Yuras Ikariot na-nen Yesus iminep wusururak indi iri Sere-nen at indi rak pij-o.

YOANES 13:21

Yesus-nen wene na yosoluk, at indi andi kwarat luk, nam-et kenggel ondosolar-e: ”An-e ndemeret yak kundusu-o. An niminep wusururak nab-e kit kennggendumu ap misik worasur-o” luk yij-o.

YOANES 13:27

Wok tosoloma, Yuras-nen oroti mburu na tenagosoloma, ereya na-net Sere at arem nggwij-o. Nde, Yesus-nen at yak tosolar-e: ”Kat-nen kwarurak peraigen-e ndag-et nak kwaril mbiri-o” luk yak tij-o.

YOANES 15:16

Kit-nen an len nibigit lag-o. Alat nde, an-nen len kunpuruk, kit-nen-e engen kwarat pogolar-e, pem-et woralik nalik momtak engen pobokluk-nen an-nen wirik kinpigi-o. Nde, an nunu bem an Neid nggi yak tugup mende-ge, iri na-t wok kunduwa-o.

YOANES 15:19

Nde, kit nde nggweyak ma nap min-et kundik woraigep nggal-e, nggweyak ma nap-nen-e yu-ge nit mende-o luk kit kenabuwa kaleb-o. Alat nde, nggweyak ma nap ennggenggerak-nen an-nen len kinpidnak me, kir-e nggweyak ma nap inmin kundig-e lag-o. Iri bem-e nggweyak ma nap-nen-e insili rak kinpili-o.

YOANES 17:12

An-e it inmin woralar-e, an wok nirigen kunu iri bem-et ndegel onposolat woragi-o. Nde, an-nen-e it yik eneyarok worala-ge, misiger-o luk tet pul yigit lag-o. Are, Mbal Pem Nagawan engga bem mbaridnak na ndak ndak makluk, ap misiget nak pul yij-o.

YOANES 2:2

Nde, kwe wanosolat nunggwi mende sakola tarem na-ge Yesus min at owosirak inmin yonggo inpiga-o.

YOANES 20:24

Nde, Yesus imin noso nap misik unu-ge Tomas na unu misig-e Kambara Nderak na abalma-ge Yesus-e it endam lobok yij-o.

YOANES 6:64

kit erep-nen-e an nebem kinndi angin tubu yili bug-o” luk yak indij-o. (Nde, Yesus-nen-e nanduk-net at ebem inndi angin tubu yigit lak yurak nap min at iminep wusururak nap min aru woragaij-o.)

YOANES 6:67

Iri ala karuk, Yesus-nen at owosirak duabelas na yak ondosolar-e: ”Kit-nen na an keya nubugup, lak?” luk yak ondosoloma-ge,

YOANES 6:71

Iri yid iri-ge Simon Ikariot ambara Yuras na imin yij-o. Yuras na-ge it ap duabelas na inmin len ibij-et nde, Yesus iminep wusururak nap ala-nen yij-o.

YOANES 8:44

Kir-e Sere ilirak-nen yili me, kineid indi-n pidnak nak kwaruwokluk yili-o. Nanduk-net ar-e ap woroso-nen yusu-o. Ndemeret wene-ge at arem mondok lak me, lud tak nak kwarugwi mende at arem-e woraso bug-o. At-nen enesiget wene yosolar-e, at-nen kwaroso mende irit kwarusu-o. Enesiget wene yoso, nde, enesiget wene pidsa elem-e at-net yusu-o.

YIDNAK YIDNAK WENE 1:17

Yuras na-ge nit ninmin lambuksa wonat ninpidnak nap na-ge nit ninmin yabu misiget yu erep wanosolat woragaid nar-o.

YIDNAK YIDNAK WENE 13:10

yak tosolar-e: ”Kar-e Sere ambara-nen yusu-o. Kar-e lud tak kwarugwi min wim poso-o. Kat karem-e ap onmbol pem laso yi meya ndi meya nin tak nan tak kobong tak worasu-o. Kar-e Nagawan Indo-nen ndung tak pidnak tula-ge mbisik tak pusu-ge mepme-nen kondok yugun-o?

1 TIMOTIUS 3:11

Iri nggal-et it onkwerak na konak nak kwarugwi kweyap, ap onpok na pugwi buk kweyap, ondomok inndi mamak puruk woragwi kweyap, yi mende ndi mende bem mot mot nak kwarugwi irit mag-o.

TITUS 2:3

Nde, iri nggal-et kweyap indi worak yak ondosolar-e: ”Mbal Pem Nagawan indi aye worak kweyap-nen woragwi irit woragolar-e, kenpage marak irit wolmer-o. Ap erep unnu meya rak purak pug-o. Anggut engen amburu na ndonggosa norak pem iri ndegel pugwi kweyap yurak pug-o.

1 YOANES 3:8

Nde, Sere na-ge nanduk nanduk-net meya nak kwat tenak woraso me, meya nak kwat tenak woragwi nab-e Sere ilirak-net yili-o. Nde, Sere-nen kwaroso iri na lak tak peyekluk Mbal Pem Nagawan Ambara na nggweyak ma yu me lobok yij-o.