YOANES 6:7 - Nanduk Ngget Tul Pidnak Wene

⁷ Yak tosoloma-ge, Pilipus-nen yosolar-e: ”Ap kwarat me, uwang-e seratus dua pulu lima ribu rupia (Rp. 125,000) nggal pem-nen mburu onggo pidnag-et nde, marig-et marig-et nonggolat-nen ndak ma-ge lag-o” luk yij-o.

YOANES 6:7 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 4:43

ndegel oboso nap iri na-nen yosolar-e: ”Ap seratus yu nggal-e ndak norag-e meya-o” luk yosoloma, Elisa-nen yosolar-e: ”Nagawan Indo-nen yosolar-e: ’Ir-e nujwa-t nde, minggirig-et keya buwa-o’ luk yidnak me, nujwakluk tembet nak indi-o” yak tij-o.

MATIUS 18:28

Iri luk, ndegel poso nap yu na mbiridnggal-e, at anggam yabu misiget erep wanoso nap misik iri na imin lid pid lug-e, at anggam na-ge at arengge namat wanidnag-e mariget nggal (seribu rupiah) wanidnak me, ap yu na-nen anggam iri na lombok tarik, urusu magosolat-nen yak tosolar-e: ’An narengge namat wanigen iri na-ge ndag-et nak uwi yagi-o’ luk yak tij-o.

MARAKUS 6:37

Iri yak tiga-t nde, Yesus-nen it yak ondosolar-e: ”Kit-net nunggwi mende mak ender-o” luk yak ondosoloma-ge, it-nen yak togolar-e: ”Po! Nit nontol 200 ya bem nak-nen wanidnak mburu-ge it yeba ndak mak undul-a?” luk yak tiga-o.

YOANES 1:43

Nene luk kub-e Yesus na-ge Nggalilea mbururak peragaij-o. Iri perasoluk, Pilipus na karuk-nen at yak tosolar-e: ”An nimin mburuwog-o” luk yak tij-o.

YOANES 1:44

Nde, Pilipus na-ge Andereas min Peterus min enma Mbetsaira nab-er-o.

YOANES 1:45

Nde, Pilipus na-nen Natanael ogore yil mberarik, kasoluk-nen yak tosolar-e: ”At lobok yurak urul-e Musa-nen imiri mbarak pidnak wene engga bem mbarosolat, Mbal Pem Nagawan ene lomboksa yugwi nap-nen na mbarogolat yiga nap iri na-ge kaige-o. At iri-ge Yusup ambara Nasaret nap Yesus-nen yusu-o” luk yak tij-o.

YOANES 1:46

Yak tosoloma-ge, Natanael-nen yosolar-e: ”Konak mende mbi Nasaret nggal-nen lobok yurag-e ob-a?” luk yosoloma-ge, Pilipus-nen yosolar-e: ”Irit nde kil-et mburuwog-o” luk yij-o.

YOANES 1:48

Yosoloma-ge, Natanael-nen Yesus kin wok obosolar-e: ”Kar-e nggesa-nen an karu yigen-o?” luk yosoloma-ge, Yesus-nen at yak tosolar-e: ”Pilipus-nen awo wene mbo kibigit lak ma-net kar-e e elem pem koreyak worala, keyagi nar-o” luk yak tij-o.

YOANES 12:5

”Abuga! Amburu yu-ge onggo uang kwarat wanuruk, insilobulo lak nap tembesa wok undurag-et nde-o” luk yij-o.