YOANES 6:60 - Nanduk Ngget Tul Pidnak Wene

⁶⁰ Wene na yosoloma kulurug-e, Yesus imin nugwi nap kwarat-nen yogolar-e: ”Wene yu-ge angin worak me, ta-nen kuluwa-o?” luk yiga-o.

YOANES 6:60 ပူးပေါင်းရင်းမြစ်များ

MATIUS 11:6

Nde, an nebem ala indi mberen yugwi buk nab-e enalen kujwag-o” luk yak indij-o.

YOANES 2:2

Nde, kwe wanosolat nunggwi mende sakola tarem na-ge Yesus min at owosirak inmin yonggo inpiga-o.

YOANES 5:25

An-e ndemeret yak kundusu-o. Wat yidnak nap-nen Mbal Pem Nagawan Ambara ene kuluruk, kulidnak nab-e unlug-et wolmomtak tarem-e wok yuwa-t nde, mondok wok yij-o.

YOANES 6:52

Iri yosoloma-ge, Yawuri nap-nen ngguno pet kerak mbogolar-e: ”At yu-ge nggesa-nen at ebe nujwakluk at ebe wok nundurak yusu-o?” luk yiga-o.

YOANES 6:64

kit erep-nen-e an nebem kinndi angin tubu yili bug-o” luk yak indij-o. (Nde, Yesus-nen-e nanduk-net at ebem inndi angin tubu yigit lak yurak nap min at iminep wusururak nap min aru woragaij-o.)

YOANES 6:66

Iri yidnak pem-e Yesus imin nugwi nap kwarar-e at imin nugwi na keya biga-o.

YOANES 7:3

Yesus owottak-nen at yak togolar-e: ”Kat kowosirak-nen-e kat-nen kwaroso mende kujwakluk, yu me keya buruk Yurea mbiri-o.

YOANES 8:31

Iri ala-ge, Yesus-nen at ebem inndi angin tubu yidnak Yawuri nap na yak ondosolar-e: ”Kit-nen-e an-nen yidnak yidnag-et kwarogola-ge, ndemeret an nimin nugwi nap kwat yugub-o.

YOANES 8:43

Kir-e noluk-nen an-nen yidnak wene yebet kali bug-o? Kwara yebet kali buk iri-ge an-nen yidnak wene kit-nen kwara lid puruk wanili buk iri bem-nen-o.

IBERANI 5:11

Yesus tepan ombo nggulok worasu wene-ge wene erep kwarat yak kundurag-et nde, kir-e ndag-et yenggerak pili buk ala, mirik kunpurag-e meya-o.

2 PETERUS 3:16

Paulus-nen mbaridnak engga pidsa bem-e pempa iri wene na mbarosor-o. Nde, at-nen mbaridnak engga bem-e wene erep yebet kudtag-e angin worak me, inndi kol woragwi nap min kwara inndi angin tubu yugwi buk nap min-nen-e wene na-ge nden penden tak pili-o. Iri nag-e lag-o. Mbal Pem Nagawan engga bem mbaridnak wene erep na it iri-nen-e iri nggal-et nden penden tak pogolar-e, it ondomok-nen kwaridnak iri na-net ondomok lak tak unpusu-o.