YOANES 6:41 - Nanduk Ngget Tul Pidnak Wene

⁴¹ Yesus-nen yosolar-e: ”An-e aid arem-nen mbuwaidnak mburu-nen yusu-o” yosola karug-e, it Yawuri nap-nen-e unlum ne yol ngol mbogolat-nen

YOANES 6:41 ပူးပေါင်းရင်းမြစ်များ

LUKAS 15:2

Iri ala-ge, Parisi nap min imiri mbarak pidnak wene enaru nap min-nen at obok pogolar-e: ”At yu-ge meya yugwi nap imin tak unpuruk, inmin mburu nasu yu nde ker-o” luk yiga-o.

LUKAS 19:7

Iri kwarosola kaiga nap pidsa-nen unlum ne yol ngol mbogolar-e: ”E! Ar-e meya yoso nap na ama worayekluk mburusu-o!” luk yiga-o.

LUKAS 5:30

Nonggolat woragola-ge, Parisi nap erep min imiri mbarak pidnak wene enaru nap erep min-nen-e insili karug-e, Yesus owosirak yak ondogolar-e: ”Kir-e noluk-nen pemerinta enmanggim tol ndok wurugwi nap min meya yugwi nap erep min inmin totno nunggwi mende nili-o?” luk yiga-o.

YOANES 1:19

Yerusalem-nen it Yawuri nap ennggendumu-nen ap kek tak ereba na-nen tepan omborak min Lewi nap min wirik onpogolar-e: ”Kar-e ta-nen yusu-o?” luk Yoanes kin wok ubuwakluk inpil mborogola, Yoanes-nen yak indidnak wene-ge yur-o.

YOANES 6:33

Nde, Mbal Pem Nagawan-nen wok ondoso mburu iri-ge aid arem-nen mbuwarik, ki nap pidsa unluk yaga wok undusu nap iri-ge Mbal Pem Nagawan umburu-nen yusu-o” luk yak indij-o.

YOANES 6:43

Yogolikma-ge, Yesus-nen yosolar-e: ”Kir-e kunlum ne yol ngol mbili meyog-o.

YOANES 6:48

An-e unluk yaga wok ondoso mburu-nen yusu-o.

YOANES 6:58

Iri bem-e, aid arem-nen mbuwaidnak mburu-ge yu-net yusu-o. Mburu yu-ge kit kenlawingga-nen ningga-t nde, wat yiga mburu iri na nggal-e lag-o. Alat nde, mburu yu nujwa nab-e urug-et pem-et woralik nalik ma-o” luk yak indij-o.

YOANES 6:60

Wene na yosoloma kulurug-e, Yesus imin nugwi nap kwarat-nen yogolar-e: ”Wene yu-ge angin worak me, ta-nen kuluwa-o?” luk yiga-o.

YOANES 6:66

Iri yidnak pem-e Yesus imin nugwi nap kwarar-e at imin nugwi na keya biga-o.

YOANES 7:12

Yogolikma-ge, ap kwarat ereba na-nen Yesus obok tapsa yak kerak mbogolar-e, it erep-nen yogolar-e: ”At iri-ge konak nab-o” yogolat, nde, it erep-nen yogolar-e: ”Lag-o. At iri-ge ap inndi kabak tak poso-nen yusu-o” luk yiga-o.

1 KORINTUS 10:10

It erep-nen ujwa mbarogola-ge, wat yugwi winde aid nap-nen lak tak inpidnak me, nit-nen na ujwa mbarurak pug-o.

YURAS 1:16

It iri na-ge pempa onpok pegerak mbogolar-e, nin nap enpem ujwa mbarogolat onpok pugwi-o. It ondomok inndi-n pidnak nak kwarogolar-e, it ondomok nggulok tak pogolat, ap enarengge lesa wanuwokluk, nin nap entembel wanugwi-o.