YOANES 6:39 - Nanduk Ngget Tul Pidnak Wene

³⁹ Nde, an nibil lobok yidnak nap-nen-e an-e yu kwaruwakluk wirik nibij-o. At-nen wok niridnak nap iri-ge an-nen-e misik mbi pul tak pigit lak, are, i woronosolat tarem-nen-e it pidsa an-nen unluk tak unpuwakluk-nen nibil lobok yij-o.

YOANES 6:39 ပူးပေါင်းရင်းမြစ်များ

YEREMIA 23:4

An-nen-e it ndegel onpogolat wolmomtak nap lenak inpimin-o. Iri yumu, an nilirak-nen-e kwiye na lak, kwiye-nen lele yugwi na lak irit wolma-o. It ennggendumu-nen ap misiger-o luk tet mondok lak ma bug-o. Nagawan Indo an-net yusu-o” luk yij-o.

MATIUS 10:15

An-nen yak kendeyeg-o: Ap enpem wene mbarurak tarem-nen-e Mbal Pem Nagawan-nen-e Sorom woragwi min Nggomora woragwi min unpud kujwa-t nde, o siri iri me woragwi nap na unpuj-e kujwa bug-o.”

MATIUS 18:14

Iri nggal-et kit Kineid aid arem woraso na li marik yu ennggendumu-nen la misiger-o luk tet pul momtak iri-ge ar-e perasu bug-o.”

LUKAS 12:32

Yuruk, Yesus-nen yosolar-e: ”Nolomba wam wonarak kit yu-ge wa-e. Kit Kineid-nen at-nen tenagaidnak wi wok kundurag-e indi parik me, kwiye kali meyog-o.

YOANES 12:48

An isili rak nuburuk, an-nen yidnak wene kulusu buk nab-e at ebem wene mbarurak nab-e worasu-o. I woronosolat tarem an-nen yidnak wene-net ap iri ebem wene mbaruwa-o.

YOANES 17:12

An-e it inmin woralar-e, an wok nirigen kunu iri bem-et ndegel onposolat woragi-o. Nde, an-nen-e it yik eneyarok worala-ge, misiger-o luk tet pul yigit lag-o. Are, Mbal Pem Nagawan engga bem mbaridnak na ndak ndak makluk, ap misiget nak pul yij-o.

YOANES 17:2

Kat-nen lena wok niridnak nap iri-ge unlug-et woralik nalik elem an-nen wok unduwakluk, ki nap oboksa tena unpuruk wolmomtak amawi-ge an ninggem pigen-o.

YOANES 17:24

Neid wa-e. An lena wok nirigen nab-e an kek tak woraso na kujwakluk, an woramin sa it na iri me totno wolmomtak perasu-o. Nde, an-nen kek tak woraso iri-ge nggweyak yu awo ndak wirigit lak ma, kar-e an nabuwa kasolar-e, wok nirigen nar-o.

YOANES 17:6

Nggweyak ma nap ennggenggerak-nen lena wok nirigen nap pidsa inmbiri bem-e kat mirik inpigi-o. It iri-ge kat karengge woraigen-et nde, wok nirigen-o. It-nen-e kat-nen yidnak yidnak nak yugwi-o.

YOANES 17:9

It enmanggim-et an-e tepan yusu-o. Nggweyak ma nap pidsa enmanggim an-e tepan yusu bug-et nde, kat-nen wok nirigen nap iri-ge kat karengge me, it enmanggim-et tepan yusu-o.

YOANES 18:9

Iri yid iri-ge, awo kwat yigit lak ma-nen: ”Neid wa-e. Kat-nen wok nirigen nab-e misiget mbi pul yigit lag-o” luk yid iri na ndak ndak makluk-nen yij-o.

YOANES 5:28

Wene yak kindimin yu kulurug-e wi yurak pug-o. Wat yidnak nap pidsa-ge an nene kuluruk,

YOANES 6:37

An Neid-nen wok nuruwa nap pidsa-ge an neram lobok yuwa-o. Nde, an neram lobok yuwa nab-e an-nen-e langgal eneyamin pug-o.

YOANES 6:40

Nde, an Neid indi-nen perasu-ge yur-o. At Ambara an neyaruk, an nebem inndi angin tubu yuwa nap pidsa-nen unlug-et woralik nalik elem wanuwa-o. Nde, inndi angin tubu yili nab-e i woronosolat tarem-nen an-nen unluk tak inpimin-o” luk yak indij-o.

YOANES 6:44

An Neid wirik nibil lobok yidnak nap-nen ap inndi lesa neram pil lobok yigit lak nap-nen-e an neram wok yurag-e meya-o. Nde, Neid-nen inndi lesa an neram inpil lobok yuwa nab-e i woronosolat tarem-nen-e unluk tak inpimin-o.

YOANES 6:54

Nde, an nebe min neyabi min nasu nab-e, urug-et woralik nalik momtak elem tena worasu-o. Nde, i woronosolat tarem-nen-e an-e uruk tak ibimin-o.

OROMA 8:11

Wat yidnak nap ennggendumu-nen Yesus uruk tak pid Indi iri na nde kit kenarem worala-ge, Kerisut Yesus wat yidnak nap ennggendumu-nen uruk tak pid nap at-nen-e kit kenpe wat momtak iri na irit uruk tak puwa-o. Iri kwat kunpuwa iri-ge at Indi kit kenarem worasu iri bem-net kwat kunpuwa-o.

1 KORINTUS 6:14

Mbal Pem Nagawan-nen Nagawan Indo na mendak pid iri na-net at amawi bem nit na irit mendak nunpuwa-o.

2 TIMOTIUS 2:19

Alat nde, Mbal Pem Nagawan-nen pidnak o paro iri-ge mondok tugup lak, sil kudtak puk-nen yusu-o. Nde, paro iri bem-e wene yu mbarak worasu-o: ”Nagawan Indo-nen-e at arengge rak inpidnak nap iri-ge ar-e aru-o” luk ” ’An-e Nagawan Indo arengge-nen yusu-o’ luk yoso nab-e at-nen meya kwaroso iri-ge keya buwag-o.”

YAKOBUS 5:15

Nde, inndi angin tubu yogolat-nen tepan yogola-ge, kugi worak nap iri kugi lak tak puruk, Nagawan Indo-nen ki rak puwa-o. Nde, at-nen meya kwaridnak mbi worala-ge, amberam tak puwa-o.

1 PETERUS 1:5

Kir-e Mbal Pem Nagawan ebem kinndi angin tubu yidnak me, iri yidnak silobulo iri-ge pidsa kenmanggim worasu-o. Worok tak puwa tarem-nen kinmiri yidnak mondog-et nam tak puwa tarem kinmiri yidnak iri na wanobokluk, Mbal Pem Nagawan amawi bem-nen kontowarak worasu-o.

YURAS 1:1

Yesus Kerisut ndegel oboso nap, Yakobus owot Yuras an-nen-e Nineid Mbal Pem Nagawan ebem-nen kenabuwa worak nap, Yesus Kerisut amanggim ndegel konposolar-e, Mbal Pem Nagawan-nen wene mbo kinpid nap kit kenmanggim engga yu mbarusu-o.

1 SEMUEL 25:29

Nde, ap misik-nen kat kebem kore yoso nap misik-nen kereyekluk kebem mbud yosola-ge, ap arengge ombo-nen arengge imiri mbarak woraso iri nggal-et Nagawan Indo Kembal Pem Nagawan-nen ndemeret kimiri yosolat wolma-o. Alat nde, san wari-nen san waruk kore yogolat wim nap inggi mbara ndi rak pugwi nggal kat kuwim nab-e Nagawan Indo-nen inggi mbara ndi rak unpuwa-o.