YOANES 6:35 - Nanduk Ngget Tul Pidnak Wene

³⁵ Yogolikma-ge, Yesus-nen it yak ondosolar-e: ”Unlug-et wolmomtak mburu-ge an-er-o. An neram lobok yuwa nab-e mburu nere mondok kujwa bug-o. An nebem indi angin tubu yuwa nab-e yi nere na mondok kujwa bug-er-o.

YOANES 6:35 ပူးပေါင်းရင်းမြစ်များ

YESAYA 49:10

It iri-ge yi nere min nunggwi mende nere min-e mondok kujwa bug-o. An-e it unpud kaso iri na-nen lit unpuruk yi ulusu ereba na me wok unpuruk nosola, nembaga usu lak nggwe-t nde, mondok mo eyak kujwa bug-o.

MATIUS 11:28

Kenpabok lak yugwi nap min angin worak mende pijanuruk nugwi nap min-e kit pidsa an neram lobok yer-o. An-nen-e kenpabok kwasa wok kindimin-o.

LUKAS 6:25

Kit yawo kinmbit worali nab-e abok nere kwarat woragup me, kenabuwa-o! Kit yawo nda togolat worali nab-e abok kinndi puru luk, yip tugup me, kenabuwa-o!

YOANES 4:15

Yosoloma-ge, kwe na-nen yosolar-e: ”Nab-o. An-e tuguruk nere kagit lak yosolat, yi kenanggil yu me lobok yigit lak yosolat eyek-nen kat-nen yigen yi iri-ge mak niri-o!” luk yij-o.

YOANES 5:40

unlug-et wolmomtak elem wanuwokluk an neram lobok yurag-e kinsili yili-o.

YOANES 6:37

An Neid-nen wok nuruwa nap pidsa-ge an neram lobok yuwa-o. Nde, an neram lobok yuwa nab-e an-nen-e langgal eneyamin pug-o.

YOANES 6:41

Yesus-nen yosolar-e: ”An-e aid arem-nen mbuwaidnak mburu-nen yusu-o” yosola karug-e, it Yawuri nap-nen-e unlum ne yol ngol mbogolat-nen

YOANES 6:65

Iri yuruk, Yesus-nen yosolar-e: ”Iri bem-nen an Neid-nen indi waruk lobok yigit lak nab-e an neram lobok yurag-e meya-o luk yak kindigi nar-o” luk yij-o.

NAM PARA WENE 22:17

Konak Indi min Un Wanurak Kwe na min-nen yogolar-e: ”Lobok yer-o!” luk yili-o. Wene yeba kulili nap oboksa-nen na mondok yogolar-e: ”Lobok yer-o!” luk yuwag-o. Ta-nen yi nere kasu nab-e lobok yuwag-o. Ta-nen yi norak ukwe perasu nab-e unlug-et wolmomtak yi iri-ge onggo pigit lak, we irit wanuwag-o.

NAM PARA WENE 7:16

It iri na-ge mburu nere min yi nere min tuguruk kujwa bug-o. Mo eyak kwarat-nen tuguruk nok unpuwa bug-o.