YOANES 6:32 - Nanduk Ngget Tul Pidnak Wene

³² Yogolikma-ge, Yesus-nen it yak ondosolar-e: ”An-e ndemeret yak kundusu-o. Aid arem-nen mbuwaidnak ndemeret mburu iri-ge Musa-nen-e mak kindigit lag-o. Iri-ge an Neid-net mak kundusu-o.

YOANES 6:32 ပူးပေါင်းရင်းမြစ်များ

MBIRIGA WENE 16:4

Yogola, Nagawan Indo-nen Musa yak tosolar-e: ”Yawo-ge an-nen kit pidsa kenmanggim nunggwi mende kwarat talme nggal nggilara pil mbuwamin-o. Iri yumu, kir-e pempa o misik tarem norak ndak wosa nak ndok worogolat wolmomtag-o. An nelem nab-e iri yak indigi iri bem an-nen yidnak yidnak kwaruwa, lak? luk enabut mbarimin-o.

MBIRIGA WENE 16:8

Nagawan Indo-ge kit-nen kinsilepma ibili ereba-ge karik me, keyama-ge Nagawan Indo-nen uno wok kondosolat, nde, kuplila-ge oroti wok kondosolat yuwama-ge, nonggolar-e, kinmbit ma-o. Kit-nen kinsilepma-ge nit nenpem pili-t nde, ndemerer-e Nagawan Indo nde kinsilepma ebem pili-o” yiga-o.

YOANES 1:9

Nde, ndemeret yaya na-ge nggweyak ma yu me mbuwasolar-e, ap pidsa yaya rak unpusu-o.

YOANES 15:1

Yuruk, Yesus-nen yosolar-e: ”Ndemeret e elem-e an-net yusu-o. Nde, yabu ombo-ge an Neid-net yusu-o.

YOANES 6:31

Nit nenlawingga na-ge karu me woragolar-e, no mende mburu (mana) iri na nonggolat woraiga-o. Nde, engga mbarak pem-nen yosolar-e: ’It-nen nujwaklug-e, aid arem-nen mburu pil mbuwa-o’ luk mbarak nar-o” luk yiga-o.

YOANES 6:33

Nde, Mbal Pem Nagawan-nen wok ondoso mburu iri-ge aid arem-nen mbuwarik, ki nap pidsa unluk yaga wok undusu nap iri-ge Mbal Pem Nagawan umburu-nen yusu-o” luk yak indij-o.

YOANES 6:35

Yogolikma-ge, Yesus-nen it yak ondosolar-e: ”Unlug-et wolmomtak mburu-ge an-er-o. An neram lobok yuwa nab-e mburu nere mondok kujwa bug-o. An nebem indi angin tubu yuwa nab-e yi nere na mondok kujwa bug-er-o.

YOANES 6:41

Yesus-nen yosolar-e: ”An-e aid arem-nen mbuwaidnak mburu-nen yusu-o” yosola karug-e, it Yawuri nap-nen-e unlum ne yol ngol mbogolat-nen

YOANES 6:50

Alat nde, aid arem-nen mbuwaidnak mburu yu perak nde, ap-nen nujwarig-e, wat ma bug-o.

YOANES 6:55

Nde, an nebe-ge ndemeret nunggwi mende-nen yusu-o. An neyabi-ge ndemeret yi-nen yusu-o.

YOANES 6:58

Iri bem-e, aid arem-nen mbuwaidnak mburu-ge yu-net yusu-o. Mburu yu-ge kit kenlawingga-nen ningga-t nde, wat yiga mburu iri na nggal-e lag-o. Alat nde, mburu yu nujwa nab-e urug-et pem-et woralik nalik ma-o” luk yak indij-o.

NGGALATIA 4:4

Alat nde, iri kwarurak tarem-e ndak yosola-ge, Mbal Pem Nagawan-nen-e at ambik ambara ibil lobok yosola, at ambara na-ge ki kwami-nen ndet ebamu-ge, imiri mbarak pidnak wene urugwe nggwe worala-ge,

1 YOANES 5:20

Nir-e ndemeret Mbal Pem Nagawan na nenaru maklug-e, Mbal Pem Nagawan Ambara na lobok yarik, nit ninndi pindong tak pij-o luk nenaru yili-o. At Ambara Yesus Kerisut ebem-nen nir-e ndemeret Mbal Pem Nagawan na imin kundik worali-o. Nde, at yu-ge ndemeret Mbal Pem Nagawan urug-et woralik nalik yoso-nen yusu-o.