YOANES 6:30 - Nanduk Ngget Tul Pidnak Wene

³⁰ Yak ondosoloma-ge, it-nen at yak togolar-e: ”Nir-e iri karuk-nen kat kebem ninndi angin tubu yuwok-nen kagwi buk mende no nde kwarugun-o? Kar-e ngge mende nde kwarugun-o?

YOANES 6:30 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 13:3

Iri yak tosoluk erep min-et yosolar-e: ”Wam wosa kan pugwi ondoro yu-ge mijara langgu yosolat, mabe-ge kuluksa mbuwa-o. Iri kwaruwa iri-ge kat-nen yebet kasolar-e: ’At yu-ge Nagawan Indo-net ebem pamu yid kagi’ luk karu makluk-nen kwaruwa-o” luk yak tij-o.

1 NAGAWAN NAGAWAN-NEN KWARIDNAK WENE 13:5

Mbal Pem Nagawan-nen ebem pidnak pem Mbal Pem Nagawan ene lomboksa yoso nap iri-nen yid iri na ndak ndag-et kwarosolar-e, wam wosa pugwi ondoro iri na mimo mijara mbosolar-e, mabe na-ge nggilara nggweyakma mbij-o.

MBIRIGA WENE 4:8

Nagawan Indo-nen yak tosolar-e: ”It-nen nde kat-nen yak undugun iri na bem inndi angin tubu yigit lak yogolat, kwiye worak mende nandug-et kwarugun iri na ndemerer-o luk, yebet kagit lak yogola ge, kwiye worak mende abok yu bem-nen perak ndemerer-o luk yebet kujwa-o.

MBIRIGA WENE 7:9

”Mesira nagawan iri-nen nde: ’Kir-e ndemeret yili-o luk yenggerak peyek-nen kwiye worak mende mbi kwarer-o’ yosola-ge, Arun iri yak turag-o. Owangun iri-ge inggem-nen nagawan eram-et nggweyak ma mbud tak purag-o. Iri yosola-ge, wangun irit nde, waro kwat ma-o” yak indij-o.

MARAKUS 15:32

At yu-ge Kerisut, Isarael nap nagawan nde ala-ge, e lang pang tak pem-nen mbumag-o. Mbuwasola-ge, nit-nen iri karuk at ebem ninndi angin tubu yuwok-nen-o” luk yiga-o. Iri-nen at imin e lang pang tak pem panggarak inpiga nap mberen-nen na irit at pesel ibiga-o.

MARAKUS 8:11

Mberamu-ge, Parisi nap erep mbi Yesus eram lobok yogolar-e, at imin ngguno tel korogolat, at abut mbaruwokluk-nen yak togolar-e: ”Kat nde Mbal Pem Nagawan-nen kibil lobok yidnak ala-ge, kagwi buk mende mbi kwari-o” luk yak tiga-o.

YOANES 10:38

Alat nde, an-nen-e at-nen nebem pidnak mende kwarusu ala-ge, kinndi-ge an nebem angin tubu yili bug-et nde, an-nen kwaroso mende bem nak kinndi angin tubu yer-o. Iri bem, kinndi angin tubu yugup ala-ge, an Neij-e an narem woralat, nde, an-nen na Neid arem woralat yili-o luk kwara kenaru yugub-o” luk yak indij-o.

YOANES 12:37

Nde, at-nen-e it inmbiri bem kwiye worak mende kwarat kwarij-et nde, inndi-ge at ebem angin tubu yigit lak yiga-o.

YOANES 2:18

Iri kwarosola karuk, Yawuri nap-nen Yesus met nggal pogolar-e: ”Yu kwarigen yu-ge, iri kwarurak amawi-ge kat kebem pidnak nde ala-ge, nit yenggerak kujwok-nen kwiye worak mende mbi kwari-o” luk yiga-o.

YOANES 6:14

Nde, Yesus-nen kwiye worak mende nggulok iri kwarosola kaiga nap-nen yogolar-e: ” ’Mbal Pem Nagawan ene lomboksa yoso nap misik nggweyak ma yu me lobok yuwa-o’ yugwi na-ge ndemeret yu-t lobok yamu kaige-o!” luk yiga-o.

YOANES 6:2

Ndil lasola-ge, at-nen kwiye worak mende kwarosolar-e, ap kugi worak ereba na ki rak onposola karuk, ap kwarat-nen at imbirik mbiriga-o.

YOANES 6:36

Nde, ’kit-nen an neyaigeb-et nde, kinndi-ge an nebem angin tubu yili bug-o’ luk yak kindigi nar-o.

YIDNAK YIDNAK WENE 4:30

Kat kinggi mberak puruk, ap ki yaga wok indi-o. Kat Ndegel Koboso Nap Yesus, Len Ibidnak Nap unu bem kwiye worak mende min kagwi buk mende min irit kwari-o” luk tepan yiga-o.

1 KORINTUS 1:22

Yawuri nap-nen perak nde ”Kwiye worak mende mul nender-o” yogolat, nde, Yunani nap-nen-e inndi lid tak elem kore yili-t nde,

IBERANI 2:4

Iri kwarogola ereya na-net it-nen kinggiridnak wene lomboksa Mbal Pem Nagawan-nen na kenggera yak nondosolar-e, yenggerak purak mende kwatlik, kwiye worak mende kwatlik, kagwi buk mende kwarat kwatlik kwarosolar-e, at indi-n pidnak pem-net Konak Indi-nen we wok ondoso mende na tembesa wok ondoso-o.