YOANES 6:2 - Nanduk Ngget Tul Pidnak Wene

² Ndil lasola-ge, at-nen kwiye worak mende kwarosolar-e, ap kugi worak ereba na ki rak onposola karuk, ap kwarat-nen at imbirik mbiriga-o.

YOANES 6:2 ပူးပေါင်းရင်းမြစ်များ

MATIUS 12:15

At wururak wene iri na aru luk, Yesus na-ge iri me-nen mborosola-ge, ap kwarat-nen at langgaluk mborogola karuk, at-nen-e kugi worak nap pidsa ki rak unpuruk-nen yak ondosolar-e:

MATIUS 13:2

Koreyak worasoma-ge, at eram-e ap mondok kwarat-nen at panggon obogola, at na-ge e koma arem ngguruk, kore yosola-ge, ap ereba na oboksa-ge yi koma eyak pem mendak woraiga-o.

MATIUS 14:14

Yesus na e koma arem-nen kenangga mbidnggal-e, ap kwarat eneyaruk, at-nen it enabuwa yuruk, indi andi luk, kugi worak nap ereba na-ge ki rak inpij-o.

MATIUS 8:1

Yesus-e ndobo bem mbuwasola-ge, ap kwarat at imbirik mbuwaiga-o.

MARAKUS 1:45

Iri yak tij-et nde, at na mborosolar-e, at kwat ibidnak wene wigaril mberamu alama-ge, Yesus na-ge nam-et o silmu nggwigit lag-o. Are, ap lak ma irit woragaij-o. Alat nde, ab-e nin me nin me-nen at eram lobok yogolat nak woraiga-o.

MARAKUS 6:33

Mborogolikma-ge, ap kwarat na-nen it mborogola eneyaruk, yenggerak eneyagoluk, it mbururak sa enaru me, o siri iri me woragwi pidsa-nen nggweyak tu puburak mbirigarig-e, iri na me nandug-et wok yiga-o.

YOANES 11:47

Yak ondogolikma-ge, tepan omborak nagawan min Parisi nap min-nen wene mbarugwi nap inmin ndok wutluk-nen yogolar-e: ”At-nen-e kwiye worak mende kwarat kwarusu me, nir-e ngge nde kwat ubul-o?

YOANES 12:18

Yak indil mbiridnak me, ap kwarat ereba na-ge Yesus kil mbiriga iri-ge at-nen kwiye worak mende iri kwaridnak wene kuligarik-nen kil mbiriga-o.

YOANES 12:37

Nde, at-nen-e it inmbiri bem kwiye worak mende kwarat kwarij-et nde, inndi-ge at ebem angin tubu yigit lak yiga-o.

YOANES 2:11

Yesus na-ge at-nen kwiye worak mende tel korosolar-e, Nggalilea wi o siri Kana iri me-nen tel kwirij-o. Nde, kwiye worak mende iri kwarid iri bem-nen at-nen kek tak woraso nam tak posola, at owosirag-e at ebem inndi angin tubu yiga-o.

YOANES 2:23

Nde, O Anggul Pandok Mbiridnak tarem iri na yebet kagolat Yesus na Yerusalem worasola-ge, Yesus-nen kwiye worak mende kwarosola karug-e, ap kwarat-nen at ebem inndi angin tubu yiga-o.

YOANES 20:30

Nde, Yesus-nen at owosirak inmbiri bem-e kwiye worak mende erep kwarat kwarij-et nde, ereb-e engga yu arem-e mbarigir-e lag-o.

YOANES 3:2

Misik tarem kubu nggwe-ge at na-ge Yesus eram mberarik, at yak tosolar-e: ”Mul Ondoso Nap wa-e. Kar-e Mbal Pem Nagawan-nen kibil lobok yidnak-nen yusu-o luk nir-e nenaru-o. Mbal Pem Nagawan nde inmin woragit lak-nen-e kat-nen kwiye worak mende kwarusu yu nggal-e ap misiger-o luk tet-nen kwarurag-e meya-o” luk yij-o.

YOANES 6:14

Nde, Yesus-nen kwiye worak mende nggulok iri kwarosola kaiga nap-nen yogolar-e: ” ’Mbal Pem Nagawan ene lomboksa yoso nap misik nggweyak ma yu me lobok yuwa-o’ yugwi na-ge ndemeret yu-t lobok yamu kaige-o!” luk yiga-o.

YOANES 6:22

Nene luk kub-e yi koma eyak ponok nggwe keya unpuruk mbiriga nap ereba na-nen peragolar-e: ”E! E koma misiget nak worasu iri ker-o. Nde, Yesus na at owosirak inmin e koma arem ngguruk mbirigit lak, are, it enarig-et mbiriga-o” luk peraiga-o.

YOANES 6:26

Yak togolikma-ge, Yesus-nen it yak ondosolar-e: ”An-e ndemeret yak kundusu-o. Kir-e an-nen kwiye worak mende kwaroso ereba na ebe yenggerak puruk-nen nogore yili-ge lag-o. Are, mburu kinmbitsa ninggep iri na bem nak nogore yili-o.

YOANES 6:30

Yak ondosoloma-ge, it-nen at yak togolar-e: ”Nir-e iri karuk-nen kat kebem ninndi angin tubu yuwok-nen kagwi buk mende no nde kwarugun-o? Kar-e ngge mende nde kwarugun-o?