YOANES 5:8 - Nanduk Ngget Tul Pidnak Wene

⁸ Yosoloma-ge, Yesus-nen at yak tosolar-e: ”Kar-e men luk, kat ndamak nene yoso kilis kud turuk, mbiri-o” luk yak tij-o.

YOANES 5:8 ပူးပေါင်းရင်းမြစ်များ

YESAYA 35:6

Ap onowak wat yidnak-nen na onowak mot luk, urusa wam-nen kwaroso nggal kud mbok kud mbok mborogolat, ap enne lak woragwi-nen na enne kuwakluk, enalen-nen enne nggoksa yogolat yuwa-o. Yi lak ma nembaga karu me-t nde, yi ulusu pilana wasolat, karu me-t nde, yi mborosolat ma-o.

MATIUS 9:6

Alat nde, nggweyak ma yu me-nen ap meya yidnak amberam tak purag-e Ap Ambara inggem pidnak worasu-o luk yenggerak kabog-o” luk yak indij-o. Yak unduruk-nen kambung puk tak woraso nap iri na yak tosolar-e: ”Kar-e men luk, nene yoso kondoro kud turuk, kama mbiri-o” luk yak tij-o.

MARAKUS 2:11

”Kar-e men luk, kat nene yoso kondoro kud turuk, kama mbiri-o yak kurusu-o” luk yak tij-o.

LUKAS 5:24

Alat nde, nggweyak ma yu me-nen ap meya yidnak amberam tak purak amawi-ge Ap Ambara wok tidnak-nen yusu-o luk yenggerak kabog-o” luk yak indij-o. Iri yak undurug-e, at-nen kambung puk tak woraso nap na yak tosolar-e: ”Kar-e men luk, nene yoso kondoro kud turuk, kama mbiri-o luk yak kirigi-o!” luk yak tij-o.

YIDNAK YIDNAK WENE 9:34

Karuk, Peterus-nen at yak tosolar-e: ”Eneas wa-e. Yesus Kerisut-nen kat ki rak kubusu-o. Menluk, kat nene yoso kondoro yu koni-o” luk yak tosola, ereya na-net ap iri na men yij-o.