YOANES 5:45 - Nanduk Ngget Tul Pidnak Wene

⁴⁵ Alat nde, kit-nen-e an-nen Neid imbiri bem ninmbiri wuruwa-o luk yebet kudtak pug-o. Kit-nen kinndi ebem mbung mbung tak woragwi Musa iri-net kinmbiri wuruwa-o.

YOANES 5:45 ပူးပေါင်းရင်းမြစ်များ

LUKAS 16:29

Yosoloma-ge, Abaram-nen yosolar-e: ’Kat kowosirag-e Musa min Mbal Pem Nagawan ene lomboksa yugwi nap min-nen mbaridnak engga-ge it tena worali me, iri-nen yidnak yidnak kwarogolat wolmag-o’ luk yij-o.

YOANES 12:48

An isili rak nuburuk, an-nen yidnak wene kulusu buk nab-e at ebem wene mbarurak nab-e worasu-o. I woronosolat tarem an-nen yidnak wene-net ap iri ebem wene mbaruwa-o.

YOANES 7:19

Imiri mbarak pidnak wene na-ge Musa-nen wok kindid na-ge lag-a? Alat nde, kir-e misiger-o luk tet imiri mbarak pidnak wene iri-nen yidnak yidnag-e kwatli bug-o. Kir-e noluk-nen an nuruwokluk yili-o? luk yak indij-o.

YOANES 8:9

Wene na yak ondosoloma kulurug-e, it yu na mborogolar-e, inndi worak nanduk-nen nggigi nggigi, pidsa mbiriga-o. Alama-ge, Yesus min kwe mendak na min enaruk keya inpiga-o.

OROMA 2:12

Enlem nin nab-e Musa-nen imiri mbarak pidnak wene na-ge onlol-et woraiga-o. Iri bem-e it meya yidnak pem lak yogolar-e, imiri mbarak pidnak wene onlol-net lak ma-o. Nde, Yawuri nap na-ge Musa-nen imiri mbarak pidnak wene enaru-t nde, meya kwatli me, imiri mbarak pidnak wene iri bem-net it enpem wene mbaruwa-o.

NGGALATIA 3:10

”Imiri mbarak pidnak wene-nen yidnak yidnak nak kwarosolat woramin-o” luk perali nab-e imbiri lamut urugwe nggwe worali-o. Nde, Mbal Pem Nagawan engga bem-nen yosolar-e: ”Imiri mbarak pidnak wene-nen yidnak yidnak pik paksa kwarigit lak nab-e imbiri lamut worasu-o” luk yij-o.