YOANES 5:44 - Nanduk Ngget Tul Pidnak Wene

⁴⁴ Nde, kit-nen-e: ’Mbal Pem Nagawan misiget nak iri-nen an kek tak nubuwa-o’ perali bug-o. Are, ki nap-nen kek tak kunpurak pem, kit na kit-net kentembel wok kerak mbili me, kir-e nggerak puruk-nen kinndi angin tubu yugub-o?

YOANES 5:44 ပူးပေါင်းရင်းမြစ်များ

MATIUS 23:5

It-nen kwarugwi mende-ge ap-nen iniyujwakluk nak kwarogolar-e, inmbiriwak pem-e tepan kere abak pogolat, unsum na mot pare yorogolat yili iri ker-o.

LUKAS 19:17

Yosoloma-ge, eid na-nen at yak tosolar-e: ’Konag-o! Kar-e yabu konag-et wanoso nab-o. Nde, kar-e marik kwarurak pem mot mot kwarigen ala-ge, o siri sepulu-ge kat-nen tena woranok-nen kinggem pimin-o’ luk yak tij-o.

YOANES 12:43

Nde, ki nap-nen it unnu kek tak purak nak nggok tak pogolar-e, Mbal Pem Nagawan-nen it unnu kek tak purag-e marik tak piga-o.

YOANES 17:3

Unlug-et pem-et woralik nalik momtak elem-e ap-nen Mbal Pem Nagawan Lud tak Nak Kwaroso kat misiget nak enaru yogolat, kat wirik ibil lobok yigen nap Yesus Kerisut na enaru yogolat yugwi irir-o.

YOANES 3:20

Nde, meya nak kwarugwi nap-nen-e yaya iri insili rak puruk, it meya yugwi nam tak puwa naru, yaya na eram lobok yili bug-o.

YOANES 5:41

An-e ki nap-nen kek tak nubuwag-o luk-nen yusu-ge lag-o.

YOANES 8:43

Kir-e noluk-nen an-nen yidnak wene yebet kali bug-o? Kwara yebet kali buk iri-ge an-nen yidnak wene kit-nen kwara lid puruk wanili buk iri bem-nen-o.

OROMA 2:10

Alat nde, it konak nak kwarugwi nap oboksa wok ondosolar-e, Mbal Pem Nagawan-nen-e it unnu kek tak posolat, entembel wanosolat, yamuksa woragwi rak onposolat ma-o. Nanduk tak posolar-e, Yawuri nap kwat unpuruk, abog-e enlem nin nap na kwat unpuwa-o.

OROMA 2:29

Are, it inndi-ret Yawuri yidnak nab-e ndemeret Yawuri nap-nen yusu-o. Nde, ndemeret iniye ambasap wabidnak iri-ge Mbal Pem Nagawan Indi-nen it enarem yabu wanosola, inndi ambasap wabidnak iri-net yusu-o. Nde, iri-ge imiri mbarak pidnak wene-nen kwaridnag-e lag-o. Mbal Pem Nagawan Indi-nen kwaridnak-nen yusu-o. Iri kwat ibidnak nap erembel wanogolar-e, ki nap-nen wanuwa-ge lag-o. Mbal Pem Nagawan-net at erembel wanuwa-o.

OROMA 2:7

Ap erep-nen-e konak mende nak kwarogolar-e, Mbal Pem Nagawan unu nak kek tak purak nak kore yogolat, at erembel wanurak nak kore yogolat, pem-et wolmomtak nak kore yili nab-e Mbal Pem Nagawan-nen unlug-et pem-et woralik nalik wolmomtak elem wok unduwa-o.

1 KORINTUS 4:5

Iri nggal kwarak me, Nagawan Indo lobok yurak awo worasola kagit, kir-e awo ma-nen ap enpem wene mbarurak pug-o. Nagawan Indo lobok yosolar-e, ndamuk arem kura woraso na nam tak posolat, ap inndi arem-nen yimndidnak mende na nam tak puruk, nuk kujwa-o. Iri tarem-e, Mbal Pem Nagawan-nen ap oboksa enarik tak entembel wanuwa-o.

2 KORINTUS 10:18

At ondomok erembel wanusu nap iri-ge ndag-e lag-o. Are, Nagawan Indo-nen erembel wanusu nap iri perak nde mondok ndak-nen yusu-o.

PILIPI 2:3

Kit kondomok kunnu kek tak purak pem, kit kondomok kentembel wanurak pem-e yi kwatlik ndi kwatlik kwarurak pug-o. Are, kinndi tebe yogolar-e, kit kondomok tebe luk, nin nab-e kek tak irit yik iniyudtag-o.

1 TESALONIKA 2:6

Nggweyak ma nap, kit-nen na irit, ap erep-nen na irit nentembel wanurak pem nenmawi kundili-ge lag-o. Nir-e Kerisut-nen wirik ninpidnak nap-nen yili me, ”Iri nggal kwaru-o” luk yak kundurag-e ndag-et nde, larok yige-o.

1 TIMOTIUS 1:17

Woralik nalik yoso Nagawan, lak yoso buk Nagawan, ap-nen kagwi buk, misig-et nak woraso Mbal Pem Nagawan iri nak erembel wanogolat, unu kek tak pogolat pem-et woralik nalik mag-o. Amen.

IBERANI 3:12

Nanggamirak wa-e. Kit kennggendumu ap misik-nen indi meya yosolat, indi angin tubu yigit lak yuwarik me, urug-et woraso Mbal Pem Nagawan urula keya buwa naru, kir-e kwara wolmer-o.

YAKOBUS 2:1

Nanggamirak wa-e. Nit-nen idnak Nagawan Indo Yesus Kerisut, Unu kek tak Pidnak Nagawan iri ebem kit kinndi angin tubu yidnak iri na bem-nen ap enpage-ge lumbunurak pug-o.

1 PETERUS 1:7

Nde, kinndi ngaruwa iri-ge kit-nen ndemeret Nagawan Indo ebem kinndi angin tubu yigep, lak? luk kinndi kasolat-nen kinndi-t ngaruwa-o. Lak momtak mende emas posid iri perak nde abut mbaruwokluk kan ma pugwi-o. Nde, emas posid iri-ge onggo nggulok pugwi mende-t nde, marik-nen yusu-o. Nde, kit kinndi angin tubu yidnak iri perak nggulok-nen yusu me, tugup lak wolmakluk mondok kinndi ngaruwa-o. Iri lug-e, Yesus Kerisut lobok yuwa tarem-nen-e kentembel wanogolat, kunnu kek tak pogolat, nggok tak konpogolat ma-o.

YURAS 1:25

arig-et woraso Mbal Pem Nagawan, nit Ninmiri Yoso Nap iri amanggim-e nit Nenagawan Indo Yesus Kerisut na ebem-nen-e abinal min kek tak woraso elem min amawi elem min at-nen tenagoso elem min-e obi ereba kuri-net, yawo-nen na, woragolat nagolat na at amanggim-et wolmag-o. Amen.

1 SEMUEL 15:30

Yak tosoloma-ge Saul-nen onggo yosolar-e: ”An-e meya-t kwarigi-o. Alat nde, yongga norosolar-e, nab-o. An-e Nagawan Indo nombo Kembal Pem Nagawan erembel waneyek-nen tuguruk nenmberek mburuwog-o. Iri nggal kwasa nimin mborosola-ge, Isarael nap ennggendumu enne kulugwi nap min Isarael nap oboksa min enlengen pem-e kek tak nobosolat-nen kwarugun-o” luk yak tij-o.

1 SEMUEL 2:30

Isarael nap Kenmbal Pem Nagawan, Nagawan Indo an-nen nanduk urul yak kondosolar-e: ’Kenlem nap min konowe konowot min-e tepan ombo nggal an ndegel nobogolat woralik nalik irit woragub-o’ yak kindigi-t nde, yawo-ge iri kwarurak iri na-ge an-e mondok nisili-o! Are, an kek tak nubuwa nab-e kek tak inpimin-o. Nde, an teberak nubuwa nab-e an-nen na teberag-et inpimin-o.