YOANES 5:40 - Nanduk Ngget Tul Pidnak Wene

⁴⁰ unlug-et wolmomtak elem wanuwokluk an neram lobok yurag-e kinsili yili-o.

YOANES 5:40 ပူးပေါင်းရင်းမြစ်များ

YESAYA 49:7

Mbal Pem Nagawan Mondok Marak, Isarael nap inmiri yoso iri na-nen ap nggweyel unpugwi nap-nen nggweyel obogolat, ap enlem oboksa-nen insili rak obogolat, o tena woragwi nap ereba ndegel onposo nap kwarak pogolat kwatli nap iri na yak tosolar-e: ”Nagawan nagawan-nen-e an-nen kwat kibimin iri karuk, it-nen-e an kek tak nubuwa-o. Enmawi worak nap-nen na iri karug-e, entare nggwe tud ma-o” luk yij-o. Iri kwaruwa iri-ge Nagawan Indo-nen at ndegel oboso nap linid iri bem-nen kwaruwa-o. Isarael nap Enmbal Pem Nagawan Mondok Marak iri-ge at-nen urul pidnag-e lugud tak poso buk ala-nen kwaruwa-o.

YESAYA 50:2

Noluk-nen an lobok yosolat wene mbo onposola-ge, an nilirak ennggendumu-nen-e ap misiger-o luk mbi-nen nene erep nggarigit lag-o? It enne lak yiga iri-ge it-nen peragolar-e: ’At-nen-e wisirik nonposolat, ninmiri yosolat yurag-e amawi lag-o’ luk-nen enne lak yiga? Alat nde, ndemerer-e an-nen yidnak pem-e yi koma eberek tak posolat, yi oboksa ogorak nak ngguru rak posolat, yi lak-nen ndowaga keyane oboksa emben to yosolat kwarurag-e ndag-o.

MATIUS 22:3

Saga buruk, at ndegel ubugwi nap wirik enpamu, it yonggo inpidnak nap na wene mbo inpiga-t nde, it-nen nil lobok yurag-e larok yiga-o.

MATIUS 23:37

”Yerusalem wa-e. Yerusalem wa-e. Kat-nen-e Mbal Pem Nagawan ene lomboksa yugwi nap mondok ondosolat, kat keram inpil lobok yidnak nap na kerep pem ondosolat yoso-o. Nde, towe wam ija-nen at amarig-e eraplabe-nen yomondoso nggal, iri nggal-et pempa an-nen kat kilirak na an nurugom tak enpeyekluk yigi-t nde, kat-nen-e ’Nimbir-o’ yigen-o.

YOANES 1:11

At ambik ama-t lobok yij-et nde, at winde-nen-e wok ibigit lak yiga-o.

YOANES 10:10

Yariya wanugwi nap na lobok yugwi-ge, yariya wanurak pem min undurak pem min lak tak unpurak pem min lobok yugwi-o. Alat nde, an lobok yigi-ge, lomba wam-nen-e unlug-et wolmomtak elem mondok kwarat wanuwakluk-nen lobok yigi-o.

YOANES 3:19

It lak tak unpurak wene enpem mbarid iri-ge elem yu bem-nen-o: Yaya na-ge nggweyak ma yu me lobok yij-et nde, ir-e meya nak kwarugwi me, yaya na insili rak puruk, ’Ndamuk irit ninndingen-o’ luk yugwi iri bem-nen enpem wene mbarid irir-o.

YOANES 5:39

’Mbal Pem Nagawan engga mbarak yu bem unlug-et wolmomtak elem wanul-o’ peragoluk, kit-nen-e engga na kwara mbenarogolat worali-o. Irit nde, engga iri-nen an nowene kenggel kundusu-t nde,

YOANES 5:41

An-e ki nap-nen kek tak nubuwag-o luk-nen yusu-ge lag-o.

YOANES 5:44

Nde, kit-nen-e: ’Mbal Pem Nagawan misiget nak iri-nen an kek tak nubuwa-o’ perali bug-o. Are, ki nap-nen kek tak kunpurak pem, kit na kit-net kentembel wok kerak mbili me, kir-e nggerak puruk-nen kinndi angin tubu yugub-o?

YOANES 6:27

Lak yosolat, emben yosolat yoso nunggwi mende iri-ge ndegel tenak momtak pug-o. Are, emben yoso buk, pem-et unlug-et woralik nalik yaga wok ondoso nunggwi mende irit ndegel tenak wolmer-o. Nde, Ap Ambara an-e Neid Mbal Pem Nagawan-nen lenak nibidnak me, iri yidnak nunggwi mende iri-ge Ap Ambara an-nen wok kindimin-o” luk yij-o.

YOANES 6:37

An Neid-nen wok nuruwa nap pidsa-ge an neram lobok yuwa-o. Nde, an neram lobok yuwa nab-e an-nen-e langgal eneyamin pug-o.

YOANES 6:40

Nde, an Neid indi-nen perasu-ge yur-o. At Ambara an neyaruk, an nebem inndi angin tubu yuwa nap pidsa-nen unlug-et woralik nalik elem wanuwa-o. Nde, inndi angin tubu yili nab-e i woronosolat tarem-nen an-nen unluk tak inpimin-o” luk yak indij-o.

OROMA 6:23

Nde, meya kwarugwi elem na onggo-ge wat yugwi irir-o. Alat nde, Mbal Pem Nagawan-nen we wok nondoso iri-ge Nenagawan Indo Yesus Kerisut ebem-nen pem-et unlug-et woralik nalik elem-nen yusu-o.

NAM PARA WENE 22:17

Konak Indi min Un Wanurak Kwe na min-nen yogolar-e: ”Lobok yer-o!” luk yili-o. Wene yeba kulili nap oboksa-nen na mondok yogolar-e: ”Lobok yer-o!” luk yuwag-o. Ta-nen yi nere kasu nab-e lobok yuwag-o. Ta-nen yi norak ukwe perasu nab-e unlug-et wolmomtak yi iri-ge onggo pigit lak, we irit wanuwag-o.