YOANES 5:39 - Nanduk Ngget Tul Pidnak Wene

³⁹ ’Mbal Pem Nagawan engga mbarak yu bem unlug-et wolmomtak elem wanul-o’ peragoluk, kit-nen-e engga na kwara mbenarogolat worali-o. Irit nde, engga iri-nen an nowene kenggel kundusu-t nde,

YOANES 5:39 ပူးပေါင်းရင်းမြစ်များ

NDAWI ENGGA 1:2

Alat nde, it ereba na-ge Nagawan Indo-nen ”Iri nggal kwarurag-o” yidnak wene nak enalen min kwarogolar-e, Nagawan Indo-nen ”Iri nggal kwarurag-o” yidnak iri bem kubu-nen lengge-nen yebet yebet tak woragwi iri-ge

NDAWI ENGGA 133:3

Are, kundik woragwi iri-ge ndobo Eremon lilangen Sion ndobo ereba na me mboso ereba na nggal-nen yusu-o. Unlug-et pem-et woralik nalik wolmaklug-e, Nagawan Indo-nen-e imbiringgar-e iri me mberak pusu-o.

NDAWI ENGGA 16:11

Kat-nen unluk woragwi sa tula mirik nubugun-o. Kat nak-nen enalen elem kobong tak nobosolat, pem-et enalen pem woragwi elem wok nurusu-o.

NGGOMO WENE 6:23

Keid kiya-nen nggomo kiridnak wene iri-ge kat kamanggim tal-nen yusu-o. It-nen nggomo korogolat met kibidnak ereba na-nen-e kat konag-et wolmomtak mirik kubusu-o.

YESAYA 8:20

Yogola, kat-nen it yak ondosolar-e: ”Nagawan Indo-nen yidnak yu kwara koler-o! Ap nde Nagawan Indo-nen yidnak wene iri na ndak ndak nde yigit lak yuwa nab-e abog-e wolma bug-o” luk yak indi-o.

NDANIEL 12:2

Nde, wat yidnak nap ennggendumu-nen ap kwarar-e tuguruk unluk ma-o. Nde, it ereb-e pem-et unluk woralik nalik irit wolma-o. Nde, ereb-e teberak enlengenma nggal tak irit onpogolat, kwiye-nen enaboro lera mboso mende arem irit pem-et woralik nalik irit wolma-o.

MATIUS 22:29

Yogolikma-ge, Yesus-nen wene erep nggarosolar-e: ”Kir-e Mbal Pem Nagawan engga mbarak iri kenaru buk, Mbal Pem Nagawan amawi na kenaru buk yili me, kir-e mondok kabak yili-o.

MARAKUS 10:3

Yesus-nen onggo it kin wok onposolar-e: ”Musa-nen-e iri kwarurak wene-ge no kwarurag-o luk yak kindij-o?” luk kin wok onposoloma-ge,

MARAKUS 12:10

Mbal Pem Nagawan engga bem-nen yosolar-e: ’O wurugwi nap-nen mbo bidnak kerep iri-ge o unggut paro pidnak irit kwat yij-o.

LUKAS 16:29

Yosoloma-ge, Abaram-nen yosolar-e: ’Kat kowosirag-e Musa min Mbal Pem Nagawan ene lomboksa yugwi nap min-nen mbaridnak engga-ge it tena worali me, iri-nen yidnak yidnak kwarogolat wolmag-o’ luk yij-o.

LUKAS 16:31

Alat nde, Abaram-nen yosolar-e: ’It iri-nen-e Musa-nen yidnak wene min Mbal Pem Nagawan ene lomboksa yugwi nap-nen yidnak wene min te rak pogola-ge, wat yidnak nap ennggenggerak-nen uruk luk mbiridnak nap-nen yidnak wene na kuluwa bug-er-o’ luk yij-o.”

LUKAS 24:25

Yogolikma-ge, at-nen it yak ondosolar-e: ”Kir-e ndemeret wid-nen yili-o. Mbal Pem Nagawan ene lomboksa yugwi nap-nen yidnak wene oboksa bem kinndi kwara angin tubu yigit lak yu-ge ngge-o!

LUKAS 24:27

Yurug-e, Mbal Pem Nagawan engga bem-nen at kwat uburak obok mbaridnak pidsa-ge Musa-nen mbaridnak wene na bem tel korarik, yak indil indil Mbal Pem Nagawan ene lomboksa yugwi nap oboksa-nen mbaridnak wene bem pil mborosolar-e, ”Iri nggal yosolat-nen yidnag-e” luk mul indil indil mbirij-o.

LUKAS 24:44

Iri luk, at-nen it yak ondosolar-e: ”Nanduk an-e kit kinmin woralat-nen yak kindigi wene-ge yur-o. An kwat nuburak mbaridnak wene-ge Musa-nen imiri mbarak pidnak wene bem mbaridnak engga bem-nen na irit, Mbal Pem Nagawan ene lomboksa yugwi nap-nen mbaridnak engga bem-nen na irit, Ndawi Engga bem-nen mbaridnak na irit, mbarak worasu iri na ndak ndag-et mondok kwat nubuwa-o luk yak kindigi nar-o” luk yak indij-o.

YOANES 1:45

Nde, Pilipus na-nen Natanael ogore yil mberarik, kasoluk-nen yak tosolar-e: ”At lobok yurak urul-e Musa-nen imiri mbarak pidnak wene engga bem mbarosolat, Mbal Pem Nagawan ene lomboksa yugwi nap-nen na mbarogolat yiga nap iri na-ge kaige-o. At iri-ge Yusup ambara Nasaret nap Yesus-nen yusu-o” luk yak tij-o.

YOANES 5:32

Alat nde, an nebem wene kunggurusu nap misig-e worasu-o. Nde, an nebem wene kenggel undusu iri-ge lud tag-et yusu-o luk an-e naru-o.

YOANES 5:36

Alat nde, Yoanes na an nebem kinggirid wene-ge marik nggal-nen yusu-o. Nde, an nebem kunggurusu wene nggulog-e yur-o: An Neid-nen an-nen kwaruwakluk nebem pidnak iri-ge an-nen kwaril waring kasu yu-nen-e an nebem konggorosolar-e: ’At Eid-nen wirik ibil lobok yij-o’ luk an nebem kunggurusu iri bem-nen yenggerak neyali-o.

YOANES 5:40

unlug-et wolmomtak elem wanuwokluk an neram lobok yurag-e kinsili yili-o.

YOANES 5:46

Musa-nen mbarid iri-ge an nowene-t mbaridnak me, kit-nen ndemeret Musa ebem kinndi angin tubu yigepnggal-e, an nebem na kinndi angin-et tubu yeleb-o.

YOANES 7:52

Yak ondosoloma-ge, it-nen at yak togolar-e: ”Nde, kar-e Nggalilea nap-nen yusu-a? Kar-e Mbal Pem Nagawan engga kwara mbenari-o. Mbenarosoma-ge, Mbal Pem Nagawan ene lomboksa yoso nap mbi Nggalilea-nen lobok yuwa-o yidnak mbi kagun pug-o” luk yak tiga-o.

YIDNAK YIDNAK WENE 13:27

It Yerusalem woragwi nap min it ese mendak inpidnak nap min-e Yesus-er-o luk yenggerak pigit lak yiga-o. At wururak wene ebem mbariga iri-ge Mbal Pem Nagawan ene lomboksa yugwi nap-nen urul pidnak wene-ge we woragwi tarem-nen wonat tenak woragwi na ndak ndak tak pogolat-nen ebem mbariga-o.

YIDNAK YIDNAK WENE 17:11

O iri me woragwi Yawuri nap iri-ge it Tesalonika woragwi Yawuri nap nggal-e lag-o. Inndi konak irit woragolar-e, aid wene-ge enalen min-et wanogolat, iri yili wene-ge ndemeret wene, lak? luk enaru moklug-e, Mbal Pem Nagawan Engga-ge pempa mbenarogolat woraiga-o.

YIDNAK YIDNAK WENE 26:27

Nagawan Ageripa wa-e. Mbal Pem Nagawan ene lomboksa yugwi nap-nen yidnak wene bem-e kar-e kindi angin tubu yusu, lak? Nde, it-nen yidnak wene bem kat kindi angin tubu yusu iri-ge an-e naru-o” luk yij-o.

OROMA 1:2

Aid wene iri-ge Mbal Pem Nagawan-net obi-net urul paga Mbal Pem Nagawan ene lomboksa yugwi nap enpem posola, it-nen konak engga bem mbariga-o.

OROMA 3:2

Lag-o. Iri mende-ge nggulok-nen yusu-o. Nanduk tak posolar-e, Mbal Pem Nagawan-nen-e at owene-ge Yawuri nap ininggem pij-o.

TUGURUK YIDNAK WENE 18:15

Alat nde, nit nenlem nab-et at ene lomboksa yoso nap misik an nggal kendam ibil lobok yuwa-o. Iri yosola-ge, kir-e mondok at-nen yidnak yidnag-et kwarurag-o.

TUGURUK YIDNAK WENE 18:18

It enlem nap ennggendumu-net kat nggal an nene lomboksa yoso nap misik it endam lena wirik pil lobok yimin-o. Nde, an-nen-e at-nen yurak wene-ge yak timin-o. Yak tumu-ge, at-nen-e at-nen yurak wene ebem pimin iri na-ge it yak unduwa-o.

TUGURUK YIDNAK WENE 32:47

Mul kindigi wene ereba-ge we ebe lak wene-ge lag-o. Are, kunluk wolmomtak wener-o. O Yi Yareren eyak ele bem yanem kit nggugupndik woragup iri me kunluk mot pem-et worabokluk, kwarurak kenpem pidnak yeba-ge kwara kwarogolat wolmer-o” luk yak indij-o.

KOLOSE 3:16

Kerisut owene utlud lombok iri-ge kit kenarem wolmag-o. Kinndi mondok lid tak pem-nen-e kit na kit-net mul kerak mbogolat, kit na kit-nen nggomo wat kerak mbogolar-e, ndawi engga bem nde, Mbal Pem Nagawan erembel wanugwi ndawi bem nde, aid ndawi bem nde yogolar-e, kit kinndi arem-nen ”Mbal Pem Nagawan wiwa-o” luk yak togolat wolmer-o.

IBERANI 11:16

Alat nde, it iri-nen-e konak uwi misik iri nak kore yogolat woraiga-o. O iri-ge aid arem irir-o. Nde, Mbal Pem Nagawan-nen-e iri yidnak nap enmanggim-e o siri misik kona keya bamu me, it-nen-e Mbal Pem Nagawan imin-e ”Nit Nenmbal Pem Nagawan-o” luk yogola-ge, Mbal Pem Nagawan-e inggiri kasu bug-o.

IBERANI 11:35

It kwami na inndi angin tubu yidnak pem-net it winde na abu wat yidnag-et nde, unluk tak onpogola, wok inpiga nar-o. Nde, ap erep-nen-e wat luk ombol nggwe konak nak wolmomtak pem tuguruk unluk tak unpuwakluk, inndi te bem-et andi bandi sa ondogola-t nde, ”An nimiri yurag-e nimbir-o” luk yiga-o.

YOSUA 1:8

Nde, imiri mbarak pidnak engga iri-ge kar-e pempa an nilirak ereba wonat ondosolat wolmin-o. Nde, kat-nen engga iri arem mbarak worasu mende ereba oboksa kwarosolat worayeklug-e, kubu-nen lengge-nen kwara mbenarosolat wolmin-o. Kat-nen nde ereba oboksa kwarosolat worala-ge, kar-e ukwe lak, kalen pem woralat, konak nak irit woragun-o.

NAM PARA WENE 19:10

Iri yosola, an-e aid nap na eralu mbud luk, at erembel waneyekluk yigi-t nde, at-nen yak norosolar-e: ”Lag-o. An nerembel wanurag-e lag-o! An na at ndegel oboso nap Mbal Pem Nagawan-nen yidnak wene Yesus-nen yak kindidnak wene tena woragwi nap kat kanggamirak inmin iri nggal-net yusu-o. Mbal Pem Nagawan nak erembel wani-o!” luk yak nirij-o. Nde, Yesus-nen nam tak pid ndemeret wene iri-nen-e Mbal Pem Nagawan ene lomboksa yugwi nap mirik onposo-o.