YOANES 5:38 - Nanduk Ngget Tul Pidnak Wene

³⁸ at-nen wirik nibil lobok yidnak nap an nebem kinndi angin tubu yigit lak yili me, at-nen yidnak wene-ge kit kenarem-e mondok lag-o.

YOANES 5:38 ပူးပေါင်းရင်းမြစ်များ

YESAYA 49:7

Mbal Pem Nagawan Mondok Marak, Isarael nap inmiri yoso iri na-nen ap nggweyel unpugwi nap-nen nggweyel obogolat, ap enlem oboksa-nen insili rak obogolat, o tena woragwi nap ereba ndegel onposo nap kwarak pogolat kwatli nap iri na yak tosolar-e: ”Nagawan nagawan-nen-e an-nen kwat kibimin iri karuk, it-nen-e an kek tak nubuwa-o. Enmawi worak nap-nen na iri karug-e, entare nggwe tud ma-o” luk yij-o. Iri kwaruwa iri-ge Nagawan Indo-nen at ndegel oboso nap linid iri bem-nen kwaruwa-o. Isarael nap Enmbal Pem Nagawan Mondok Marak iri-ge at-nen urul pidnag-e lugud tak poso buk ala-nen kwaruwa-o.

YOANES 1:11

At ambik ama-t lobok yij-et nde, at winde-nen-e wok ibigit lak yiga-o.

YOANES 15:7

Kit-nen nde an narem puksa woragolat, an-nen yidnak wene na kit kenarem woralat-nen kit kindingen mende mbi Neid eram nggi yogola-ge, wog-et kunduwa-o.

YOANES 8:37

Kir-e Abaram-nen wigarak-nen yili-o luk an-e naru-t nde, an-nen yidnak wene-ge kenarem nggusu buk me, an nuruwokluk tu mbenatli-o.

KOLOSE 3:16

Kerisut owene utlud lombok iri-ge kit kenarem wolmag-o. Kinndi mondok lid tak pem-nen-e kit na kit-net mul kerak mbogolat, kit na kit-nen nggomo wat kerak mbogolar-e, ndawi engga bem nde, Mbal Pem Nagawan erembel wanugwi ndawi bem nde, aid ndawi bem nde yogolar-e, kit kinndi arem-nen ”Mbal Pem Nagawan wiwa-o” luk yak togolat wolmer-o.

YOSUA 1:8

Nde, imiri mbarak pidnak engga iri-ge kar-e pempa an nilirak ereba wonat ondosolat wolmin-o. Nde, kat-nen engga iri arem mbarak worasu mende ereba oboksa kwarosolat worayeklug-e, kubu-nen lengge-nen kwara mbenarosolat wolmin-o. Kat-nen nde ereba oboksa kwarosolat worala-ge, kar-e ukwe lak, kalen pem woralat, konak nak irit woragun-o.

1 YOANES 2:14

Nilirak wa-e. Kir-e Nineid Mbal Pem Nagawan kenaru yigep pem engga yu mbal kundusu-o. Neidtak wa-e. Tel kuridnak kuri-net woraso Wene na kenaru yigep pem engga yu mbal kundusu-o. Kit ap sugwe wa-e. Kir-e kenmawi worak, Mbal Pem Nagawan-nen yidnak wene na kit kenarem worasolat, Meya Kwaroso Nap na urugwe nggwe rak pogolat yigep pem engga yu mbal kundusu-o.