YOANES 5:36 - Nanduk Ngget Tul Pidnak Wene

³⁶ Alat nde, Yoanes na an nebem kinggirid wene-ge marik nggal-nen yusu-o. Nde, an nebem kunggurusu wene nggulog-e yur-o: An Neid-nen an-nen kwaruwakluk nebem pidnak iri-ge an-nen kwaril waring kasu yu-nen-e an nebem konggorosolar-e: ’At Eid-nen wirik ibil lobok yij-o’ luk an nebem kunggurusu iri bem-nen yenggerak neyali-o.

YOANES 5:36 ပူးပေါင်းရင်းမြစ်များ

MATIUS 11:4

Yogolikma-ge, Yesus-nen wene erep nggarosolar-e: ”Kit kunuwok lem mburugupndik, kit keneyanggo-nen kulili wene min kenlengen-nen kali wene min at Yoanes yak til mberer-o.

LUKAS 2:49

Yak tosoloma-ge, Yesus-nen it yak ondosolar-e: ”Kir-e noluk-nen an nogore waring kagolat woraigeb-o? An-e an Neid ama worasu-ge kit kenaru buk-nen yili, lak?” luk yak indij-et nde,

YOANES 10:25

Yak togolikma-ge, Yesus-nen it yak ondosolar-e: ”An-e pi-net yak kondosolat woragi-t nde, kit kinndi angin tubu yigit lak yigeb-o. An neid unu bem kwaril nusu mende-ge an yenggerak neyabokluk mul kundusu-t nde,

YOANES 11:37

Alat nde, it erep-nen yogolar-e: ”Ap yu-nen-e enlengen ngguru enlengen kuwarak poso-net nde, Lasarus na wat yigit lak ma-net yongga wururag-et nde, noluk yongga wirigit lag-o?” luk yiga-o.

YOANES 15:24

Ap-nen kwarugwi buk mende-ge it inmbiri bem kwarigit lak yiginggal-e, it meya yidnag-e enpem pigit lak yeleb-o. Alat nde, yawo-nen perak nde an-nen kwarigi mende karug-e, an Neid nenmberek insili rak ninpili-o.

YOANES 17:4

Nggweyak ma yu me-nen kat kek tak kobosolar-e, kat-nen nebem pigen yabu na woroksa wanigi-o.

YOANES 2:23

Nde, O Anggul Pandok Mbiridnak tarem iri na yebet kagolat Yesus na Yerusalem worasola-ge, Yesus-nen kwiye worak mende kwarosola karug-e, ap kwarat-nen at ebem inndi angin tubu yiga-o.

YOANES 3:17

Nde, Mbal Pem Nagawan-nen-e at Ambara an nggweyak ma nibil mbuwagaij-e ki nap pidsa lak tak unpurak pem enpem wene mbaruwakluk nibil mbuwagit lag-o. Are, ki nap pidsa inmiri yaga wok unduwakluk nibil mbuwagaij-o.

YOANES 3:2

Misik tarem kubu nggwe-ge at na-ge Yesus eram mberarik, at yak tosolar-e: ”Mul Ondoso Nap wa-e. Kar-e Mbal Pem Nagawan-nen kibil lobok yidnak-nen yusu-o luk nir-e nenaru-o. Mbal Pem Nagawan nde inmin woragit lak-nen-e kat-nen kwiye worak mende kwarusu yu nggal-e ap misiger-o luk tet-nen kwarurag-e meya-o” luk yij-o.

YOANES 4:34

Yogolikma-ge, Yesus-nen it yak ondosolar-e: ”An numburu-ge an wirik nibil lobok yidnak nap iri na indi-n pidnak nak kwarosolat, at-nen yabu nebem pidnak na woroksa wanosolat yurak irir-o.

YOANES 5:32

Alat nde, an nebem wene kunggurusu nap misig-e worasu-o. Nde, an nebem wene kenggel undusu iri-ge lud tag-et yusu-o luk an-e naru-o.

YIDNAK YIDNAK WENE 2:22

Kit Isarael nap wa-e. Wene yu koler-o. Nasaret nap na-ge Mbal Pem Nagawan-nen at mirik konposolar-e, kwiye worak mende min wi yurak mende min yenggerak purak mende min-e Mbal Pem Nagawan-e Yesus arem woralat-nen kit kennggendumu-nen irit kwarosolat woragaid na-ge kir-e kenaru irir-o.

1 YOANES 5:9

Nggweyak ma nap-nen kinggitli wene wanili-t nde, Mbal Pem Nagawan-nen kinggiridnak wene-ge terak minik nggulok-nen yusu-o. Nde, Mbal Pem Nagawan-nen Ambara owene kenggel nindidnak wene-ge yu-o.