YOANES 5:30 - Nanduk Ngget Tul Pidnak Wene

³⁰ Yuruk, Yesus-nen yosolar-e: ”An nondomok nindi-n pidnak pem nak yi kwatlik ndi kwatlik kwarurag-e meya-o. Are, Mbal Pem Nagawan-nen yak niridnak iri na ndak ndag-et ap enpem wene mbarusu-o. An-e nondomok nindi-n pidnak kwarusu bug-o. Are, an wirik nibidnak nap indi-n pidnak nak kwarusu me, an-e ap enpem wene mbarusu-ge mot mor-et mbarusu-o.

YOANES 5:30 ပူးပေါင်းရင်းမြစ်များ

NDAK WIRIDNAK WENE 18:25

Lud tak kwarugwi nab-e lugud tak kwarugwi nap inmin undurag-e mondok meyog-o, Nagawan Indo wa-e. Nagawan Indo-nen nde lak tak onposolar-e, lud tak kwarugwi nab-e ndemeret lugud tak kwarugwi nap inmin-et lak tak unpugun me, mondok meyog-o. O yu oboksa enpem Wene Mbenaroso-nen-e wene kasa lugud tak enpem mbarurag-e meya-o” luk yij-o.

NDAWI ENGGA 96:13

Iri yugup iri-ge Nagawan Indo-ge nggweyakma wi yu me tenageyekluk lobok yosolar-e, at-nen ap enlem oboksa enpem wene mbenarosolar-e, ndemeret mot mot, lud tak pem-et enpem wene mbenaruwa-o.

YESAYA 28:6

Nde, Nagawan Indo-nen-e ap enpem wene mbenarugwi nap ereba na-ge mot mor-et ap enpem wene mbenarugwi elem wok ondosolat, wim o silmu ngguma-o luk o siri yik karok woragwi ereba na kwiye kagwi buk elem wok ondosolat kwaruwa-o.

MATIUS 26:39

Yak unduruk, at na nuruksa nggal mberarik, nggweyak pem erare nggwe tud luk-nen tepan yosolar-e: ”Neid wa-e. Lak tak purag-e ndak nde ala-ge, yimbe yu-ge an neram-nen mengga wani-o. Alat nde, an nindi-n pidnag-e lag-o. Kat kindi-n pidnak nak kwat mag-o” luk yij-o.

YOANES 14:10

An-e Neid arem woralat, nde, Neid na an narem woralat yusu iri-ge kar-e kindi angin tubu yusu bug-a? An-nen yak kundusu wene-ge an nindi-n pidnag-et yak kundusu bug-o. Are, an Neij-e an narem worasu iri-net ereba pidsa-ge kwarusu-o.

YOANES 17:4

Nggweyak ma yu me-nen kat kek tak kobosolar-e, kat-nen nebem pigen yabu na woroksa wanigi-o.

YOANES 18:11

Mberak posoloma-ge, Yesus-nen Peterus na yak tosolar-e: ”Keyalawi iri-ge ondolma yari-o! An Neid-nen wok niridnak andi bandi kenanggo yimbe yu-ge nujwa bug-o luk perasu-a?” luk yak tij-o.

YOANES 4:34

Yogolikma-ge, Yesus-nen it yak ondosolar-e: ”An numburu-ge an wirik nibil lobok yidnak nap iri na indi-n pidnak nak kwarosolat, at-nen yabu nebem pidnak na woroksa wanosolat yurak irir-o.

YOANES 5:19

Iri ala, Yesus-nen ap ereba na yak ondosolar-e: ”An-e ndemeret yak kundusu-o. At Ambara an-nen-e nambik nindi-n pidnak kwarusu bug-o. Are, an Neid-nen kwarosola kaidnak iri na-t an-nen na kwarusu-o. Nde, an Neid-nen kwaroso mende iri na-t Ambara an-nen na kwarusu-o.

YOANES 6:38

An-e aid arem-nen mbuwagi yu-ge, an nindi-n pidnak kwarurak pem lobok yigi-ge lag-o. Are, an nibil lobok yidnak nap indi-n pidnak kwareyekluk-nen lobok yigi-o.

YOANES 8:28

Iri ala karuk, Yesus-nen it yak ondosolar-e: ”Kit-nen-e Ap Ambara an mendak nubugupmu-ge, ’Ar-e Ar-e woraso-net yusu-o’ luk kenaru yogolat, nde, at-nen kwaroso na-ge misiger-o luk tet at indi-n pidnak pem kwaroso buk, are, at-nen yoso-ge Eid-nen mul tidnak wene nak yamu-o luk kenaru yugub-o.

YOANES 8:42

Yogolikma-ge, Yesus-nen it yak ondosolar-e: ”Kir-e ndemeret Mbal Pem Nagawan ilirak-nen yili nggal-e, kir-e an nabuwa kaleb-o. Nde, an-e Mbal Pem Nagawan eram-nen lobok yigirik, yawo yu me worasu-o. An-e an nindi-n pidnak pem lobok yigit lag-o. Are, Mbal Pem Nagawan-net wirik nibil lobok yij-o.

YOANES 8:50

Nde, an kek tak nuburak iri-ge an-e kore yusu bug-o. Alat nde, an kek tak nobosolat an nebem wene mbarosolat yurak Nab-e misik worasu-o.

OROMA 15:3

Nde, Kerisut-nen na irit, at ondomok alen tak purak mende na-ge yebet kagit lag-o. Are, Mbal Pem Nagawan engga bem-nen yosolar-e: ”Kat nggweyel kibiga mende an nebem mbij-o” luk yij-o.

OROMA 2:2

Iri mende kwarogolat woragwi nap enpem wene mbarosolar-e, Mbal Pem Nagawan-nen lud tak wene nak mbarusu-o luk, nit nenaru yili-o.

OROMA 2:5

Alat nde, kit kinndi amawi luk, kondok yili bug-o. Iri-nen ndowaga Mbal Pem Nagawan isilepma luk lud tag-et ap enpem wene mbaruwa tarem-nen-e kenpem wene mbarurak iri na kenambikpebe kenare pili-o.