YOANES 5:14 - Nanduk Ngget Tul Pidnak Wene

¹⁴ Misik tarem-e Yesus na-ge Mbal Pem Nagawan ama-nen ap iri na karuk, at yak tosolar-e: ”Yawo kar-e ki yigenma-o. Nanduk kebem mbid iri-ge te nggal-et nde, terak mena kebem mbuma naru, meya mbi kwarurak puk na-e” luk yak tij-o.

YOANES 5:14 ပူးပေါင်းရင်းမြစ်များ

NEMIA 9:28

Alat nde, it woragwi sa iri na nde yamuksa woragolar-e, ir-e ndag-et nak tuguruk meya kwat tenak woraiga-o. Iri ala karug-e, kat-nen it iri-ge unuwim nap anggun panggun tak unpurak ininggem pigenma anggun panggun tak inpiga-o. Iri yogolat, eneyanggo watluk ’Niri nera-o’ luk yogolat-nen-e inmiri yuwakluk kat keram wok mbo kibil luwagola-ge, kat-nen-e enabuwa-nen aid arem-nen it enne kuluruk, kat-nen-e pempa iri nggal kwasa yongga ondosolat nak woraigen-o.

NDAWI ENGGA 118:18

Nagawan Indo-nen-e an-e mondok kwarat andi bandi rak nibij-et nde, niminep wesera wat yugwi inggem nibigit lag-o.

NDAWI ENGGA 27:6

Nde, yawo-ge an nuwim nap neralu ponok ponok worali urugwe nggwe rak unpuruk, ombol nggwe-t yusu-o. An-e nalin nalen min-et kat kama iri me wa yak korosolat kat kamanggim wam wosa kan pusu-o. An-e Nagawan Indo erembel wanosolat ndawi yimin-o.

MATIUS 12:45

kugi iri na mborosolar-e, at iri-ge meya-t nde, at nggal nggal mondok meya kugi tuju iri na at-nen ininggi wil mbutlug-e, ap iri na arem nggugwi-o. Nggogola-ge, ap iri na nanduk woraso iri-ge meya-ge marik nggal-et nde, abok nggwe woraso iri perak nde mondok meya irit kwaroso-o. Nde, yawo worali meya yugwi nap iri na kwat onposolar-e, iri nggal kwat unpuwa-o” luk yij-o.

MARAKUS 2:5

Pil mbogoloma, Yesus-nen it ereya na lik eneyagaidnggal-e, it inndi angin tubu yidnag-e ija-t karug-e, kambung puk tak woraso nap iri yak tosolar-e: ”Nambara wa-e. Kat meya yidnag-e namberam tak pigi-o” luk yak tij-o.

YOANES 5:13

Alat nde, iri me-ge ap kwarat ereba na ennggendumu Yesus na nabet kabet yidnak me, ki rak ibidnak nap na-nen-e: ”Ta-n ki rak nibij-o?” luk kabag-et woragaij-o.

YOANES 5:5

Ap mbi kugi worak woralar-e, olengen tiga pulu delapan (38) woraidnak nap mbi iri me woragaij-o.

YOANES 8:11

kwe na-nen yosolar-e: ”Eyo, nab-o. Mondok lag-o” luk yosoloma-ge, Yesus-nen at yak tosolar-e: ”Iri ala, an-nen na kebem wene mbarimin pug-o. Mbiri-o. Alat nde, kar-e abok meya mbi kwarurak pug-o” luk yak tij-o.]

1 PETERUS 4:3

Nde, kit nanduk kwarat woragolar-e, Mbal Pem Nagawan enaru buk nap-nen indingen kagwi mende kwarogolat woraigeb-o. Iri kwarogolar-e, meya nak kwarogolat, kinndi-nen ukwe yugwi nak langgal luk mborogolat, anggut engen amburu nuruk, kinndi wawa yogolat, inik inik saguruk, mbabi yogolat, anggut engen amburu na ndonggosa nonggolat, erembel wanurak pug-o luk yidnak kugiwak erembel wanogolat woraigeb-o.