YOANES 5:10 - Nanduk Ngget Tul Pidnak Wene

¹⁰ Iri ala-ge, Yawuri nap-nen ki rak ibidnak nap na yak togolar-e: ”Yawo-ge we woragwi tarem me, kat kilis kud tusu meyog-o” luk yak tiga-o.

YOANES 5:10 ပူးပေါင်းရင်းမြစ်များ

YESAYA 58:13

Nagawan Indo-nen yosolar-e: ”An-nen we woragi tarem iri-ge an namanggim mondok kek tak purag-o. We woragwi tarem-e kit kondomok kenmanggim kwarogolat wolmomtak pug-o. We woragwi tarem iri kek tak pogolar-e, nin me nan me mbirigit lak, yabu na mondok wanigit lak, ebe lak wene na yigit lak nde ala-ge,

MATIUS 12:10

Nggosoma-ge, iri na me-ge inggi ponok nggwe wat yidnak nap misik woragaij-o. Worasola-ge, ap erep-nen Yesus abut mbarogolat-nen kin wok obogolar-e: ”We woragwi tarem ap ki rak unpurag-e op, lak?” luk yak tiga-o.

MARAKUS 2:24

Mbato mbarogolikma karuk, Parisi nap-nen Yesus kin wok obogolar-e: ”Ki-o. We woragwi tarem-nen kwarurak pug-o luk yidnak mende yu noluk-nen kat kowosirag-e kwatli-o?” luk kin wok ibiga-o.

MARAKUS 3:4

Nde, Yesus-nen it kin wok onposolar-e: ”We woragwi tarem-nen op kwarurag-e ngge-o? Ap konak tak umpurak nde op, lak? Are,ap meya rak unpurak nde ob-a? Ap inmiri yurak nde ob-a? Are, ap undurak nde ob-a?” luk kin wok inpij-et nde, ir-e enne lak yiga-o.

LUKAS 13:14

Yesus na we woragwi tarem-nen kwe na ki rak posola karuk, tepan yugwi ma wari mendak pidnak nap iri-ge indi puru kwarat luk, ap kwarat iri na yak ondosolar-e: ”Nit-nen yabu wanurak tarem-e enam worasu-o. Ki rak kunpuwakluk ereya tarem-nen lobok yer-o. Nde, we woragwi tarem-nen lobok yurak pug-o” luk yij-o.

LUKAS 23:56

Iri luk, it na enma mbirigarig-e, Yesus orogwak na bem ndarak purak emben konak mende min amburu min lid lud tak piga-o. Nde, we woragwi tarem-nen imiri mbarak pidnak wene-nen yidnak yidnak kwarogolar-e, it na onmbol kwarogolat woraiga-o.

LUKAS 6:2

Nonggola karuk, Parisi nap erep-nen yogolar-e: ”Kir-e noluk-nen we woragwi tarem-nen kwarurak pug-o yidnak mende kwatli-o?” luk yiga-o.

YOANES 1:19

Yerusalem-nen it Yawuri nap ennggendumu-nen ap kek tak ereba na-nen tepan omborak min Lewi nap min wirik onpogolar-e: ”Kar-e ta-nen yusu-o?” luk Yoanes kin wok ubuwakluk inpil mborogola, Yoanes-nen yak indidnak wene-ge yur-o.

YOANES 5:11

Yak togolikma-ge, at-nen yosolar-e: ”Nde, an ki rak nibid nap na-nen yak norosolar-e: ’Kat ndamak nene yoso kilis kud turuk mbiri-o’ luk yak nirij-o” luk yij-o.

YOANES 5:15

Yak tosoloma-ge, ap iri na keya buruk mborosolar-e, Yawuri nap yak ondosolar-e: ”Yesus-net ki rak nibij-o” luk yak indij-o.

YOANES 5:16

Nde, Yesus na we woragwi tarem-et nde, ap yu na ki rak pidnak pem-e Yawuri nap-nen-e at lel mberel ubuwokluk tu kore yiga-o.

YOANES 7:23

Musa-nen imiri mbarak pidnak wene na kuruk tul naru, li iniye ambasap iri-ge we woragwi tarem-nen wabugwi na-t nde, an-nen we woragwi tarem-nen ap misik mondok ki rak pigi na bem-nen kir-e noluk-nen kinsilepma an nebem pili-o?

YOANES 9:16

Yosoloma-ge, it Parisi nap erep-nen yogolar-e: ”Iri kwarid nap iri-ge we woragwi tarem-nen kwarugwi buk na kwaril noso me, at iri-ge Mbal Pem Nagawan eram-nen lobok yidnak nab-e lag-o” luk yiga-o. Nde, it erep-nen yogolar-e: ”Lag-o. Meya yoso nap-nen-e kwiye worak mende nggulok yu nggal-e nggesa-nen kwatleb-o?” luk yiga-o. Iri nggal yak kerak mbogolar-e, iri wene lit lit ngguno piga-o.