YOANES 4:7 - Nanduk Ngget Tul Pidnak Wene

^7-8 Nde, at owosirag-e nunggwi mende onggo puwokluk, o siri iri me mbirigarik woragola, Samaria kwe misig-e yi kenanggeyekluk lobok yosola-ge, Yesus-nen kwe na yak tosolar-e: ”Yi kenang niri-o” luk yak tij-o.

YOANES 4:7 ပူးပေါင်းရင်းမြစ်များ

NDAK WIRIDNAK WENE 24:17

Abarakam ndegel poso nap na pong karik, kwe iri na eram wok luk-nen yak tosolar-e: ”Nara wiwa-o. Kat yi kenanggigen iri mak niri-o” yak tij-o.

NDAK WIRIDNAK WENE 24:43

Nde, an-e yi kenanggugwi sa yu me-t mendak worasoma, kwe ndugum mbi yi kenanggil lobok yosola-ge, ”Yi mak niri-o” luk nggi yimin-o.

1 NAGAWAN NAGAWAN-NEN KWARIDNAK WENE 17:10

Yosoloma, Elia na-ge Sarapat wi mbirij-o. Mberarik, o pak tumende bem wok yosoma-ge, kwe togwe misig-e kan ereme pondogosoma kagaij-o. Karuk, Elia-nen kwe togwe iri na yak tosolar-e: ”An namanggim yi siyak kenangga wok niril lobok yi-o” yak tij-o.

MATIUS 10:42

An-nen yak kendeyeg-o: ’Yu-ge Yesus imin nugwi-o’ luk an nimbirik noso nap marik komosa-t nde, yimbe marik arem yi eyak worak kenangga mak tuwa nap iri-ge onggo lag-e lag-o. Onggo-t wanuwa-o.”

YOANES 19:28

Iri lug-e, Yesus-nen-e pidsa ndak yidnak na aru lug-e, Mbal Pem Nagawan engga mbarak pem-nen yidnak wene ndak ndak makluk, at-nen yosolar-e: ”Yi nere-o” luk yij-o.

YOANES 4:10

Yosoloma-ge, Yesus-nen kwe na yak tosolar-e: ”Mbal Pem Nagawan-nen onggo lag-et we wok ondoso mende min kat kebem yi nggi yidnak nap an min karu nggal-nen-e kat-nen ’Yi kenang niri-o’ luk yak norosola-ge, an-nen-e unlug-et wolmomtak yi wok ketleb-o” luk yak tij-o.

YOANES 4:6

Yakup-nen yi kenanggurak pem nggweyak emnde nenaridnak na-ge o iri me woragaij-o. Nde, Yesus na-ge tula lobok yosolat ababok lak yidnak me, yi emnde mbarak iri na eralu kore yij-o. Nde, iri kore yid iri-ge mo enggendumu nggal kore yij-o. (jam duabelas).