YOANES 4:41 - Nanduk Ngget Tul Pidnak Wene

⁴¹ Inmin nene yosola-ge Yesus-nen yidnak wene kuluruk, ap kwarat erep min-et at ebem inndi angin tubu luk,

YOANES 4:41 ပူးပေါင်းရင်းမြစ်များ

NDAK WIRIDNAK WENE 49:10

Yewura-ge nagawan-nen tena woragwi wangun tena wolma-o. At-nen wigarak-nen o tena woralar-e, pem-et woralik nalik irit wolma-o. Worala-ge, yi ap ndi ap oboksa-nen-e ar-e ombol nggwe yidnak pem tol eram pogolat, at indipma nak tebe rak wolma-o.

LUKAS 4:32

Nde, at-nen mul ondoso iri na-ge at ene-ge amawi worak ala karuk, wi langgu mbariga-o.

YOANES 4:40

Iri ala-ge, Samaria nap na-nen Yesus eram lobok luk, at emengen mbarogolar-e: ”Totno wolmog-o” luk yogola-ge, inmin mberen nene yij-o.

YOANES 4:42

it-nen kwe na yak togolar-e: ”Yawo ninndi angin tubu yili yu-ge kat-nen yidnak pem nak-nen yili-ge lag-o. Are, nit na nondomok-net at-nen yidnak wene kuluruk, at yu-ge ndemeret ki nap pidsa Inmiri Yoso Nap-nen yusu-o luk nenaru yili-o” luk yak tiga-o.

YOANES 6:63

Konak Indi nak-nen unluk tak onposo-o. Nde, ki nap enmawi-ge ebe lak mende-nen yusu-o. Nde, Konak Indi-nen an-nen yak kundusu wene na bem-nen kunluk tak konposo-t nde,

YOANES 7:46

Yogolikma-ge, Mbal Pem Nagawan wi yik karok woragwi san winde-nen yogolar-e: ”Ap misiger-o luk tet at-nen yusu wene iri nggal-e yugwi bug-o” luk yiga-o.

YIDNAK YIDNAK WENE 1:8

Nde, Konak Indi kit kenpem mbuwasolar-e, amawi rak kunpuwa-o. Konposola-ge, Yerusalem-nen na, Yurea wi oboksa-nen na, Samaria-nen na, ap lak kuri-nen na irit an nowene kunggurugwi nap tugub-o” luk yak indij-o.

YIDNAK YIDNAK WENE 15:3

Yikma, it na mborogola-ge, lambuk tak inpidnak nap-nen ndimirik inpikma-ge, Peniki wok Samaria wok mborogolar-e, enlem nin nap-nen kondok yidnak wene na ya yak indilik mborogola-ge, ennggamira tak inpidnak nap pidsa enalen kwarat yiga-o.

YIDNAK YIDNAK WENE 8:12

Alat nde, Pilipus na-nen aid wene yak ondosolar-e, Mbal Pem Nagawan-nen tenagaidnak wi wene yak indilik, Yesus Kerisut unu na yak indilik kwarosola-ge, kweyap nde ap nde wene iri na bem inndi angin tubu yogola-ge, yi ma inpij-o.

YIDNAK YIDNAK WENE 8:25

It enlengen-nen kaidnak wene min Nagawan Indo-nen yidnak wene min kenggera yak undurug-e, unuwok lem Yerusalem mborogolar-e, Samaria nap unuwi siri kwarat na me-ge aid wene yak indil indil mbiriga-o.

IBERANI 4:13

Nde, ndak wiridnak tengge misiger-o luk tet at erengen pem-e kura worasu-ge mondok lag-o. Yi mende ndi mende oboksa-ge at erengen pem-e mondok ngenwa nam-et nak yik kasu-o. Nde, iri yoso nap imbiri bem nit pidsa-ge nit-nen kwarogolat woraidnak mende-ge mondok nam para yak tul-o.