YOANES 4:34 - Nanduk Ngget Tul Pidnak Wene

³⁴ Yogolikma-ge, Yesus-nen it yak ondosolar-e: ”An numburu-ge an wirik nibil lobok yidnak nap iri na indi-n pidnak nak kwarosolat, at-nen yabu nebem pidnak na woroksa wanosolat yurak irir-o.

YOANES 4:34 ပူးပေါင်းရင်းမြစ်များ

NDAWI ENGGA 40:8

’Mbal Pem Nagawan wa-e. Kat kindi-n pidnak kwarurak iri-ge an-e nindingen-o. Kat-nen idnak imiri mbarak pidnak wene-ge an narem pukmu-o’ luk mbarak worasu-o” yigi-o.

MATIUS 26:39

Yak unduruk, at na nuruksa nggal mberarik, nggweyak pem erare nggwe tud luk-nen tepan yosolar-e: ”Neid wa-e. Lak tak purag-e ndak nde ala-ge, yimbe yu-ge an neram-nen mengga wani-o. Alat nde, an nindi-n pidnag-e lag-o. Kat kindi-n pidnak nak kwat mag-o” luk yij-o.

MATIUS 3:15

Yosoloma-ge, Yesus-nen yak tosolar-e: ”Irit nde, yawo-ge ereba mag-o. Iri nggal kwarogolar-e, Mbal Pem Nagawan indi-n pidnak obok ndak ndak pogolat-nen kwarul-o” luk yak tosoloma-ge, Yoanes na-ge at-nen yidnag-et kwarij-o.

MATIUS 9:19

Iri yak tosoloma, Yesus na men luk yarik, ap iri na imbirik mborosola-ge, at owosirak-nen at imin mbiriga-o.

LUKAS 15:10

An yak kendeyeg-o. Iri nggal, meya yoso nap misik at meya yidnak keya buruk, kondok yosola-ge, Mbal Pem Nagawan-nen idnak aid nap-e kijik kijak kwarat witli-o” luk yij-o.

LUKAS 19:10

Nde, Ap Ambara an lobok yigi-ge, pul yidnak nap onkore yaga, inmiri yaga wok endeyekluk lobok yukmu-o” luk yij-o.

LUKAS 2:49

Yak tosoloma-ge, Yesus-nen it yak ondosolar-e: ”Kir-e noluk-nen an nogore waring kagolat woraigeb-o? An-e an Neid ama worasu-ge kit kenaru buk-nen yili, lak?” luk yak indij-et nde,

YOANES 17:4

Nggweyak ma yu me-nen kat kek tak kobosolar-e, kat-nen nebem pigen yabu na woroksa wanigi-o.

YOANES 19:28

Iri lug-e, Yesus-nen-e pidsa ndak yidnak na aru lug-e, Mbal Pem Nagawan engga mbarak pem-nen yidnak wene ndak ndak makluk, at-nen yosolar-e: ”Yi nere-o” luk yij-o.

YOANES 19:30

Pil lagola-ge, Yesus-nen-e anggut engen amburu ngari worak na nuruk-nen yosolar-e: ”Ndak agaij-o” luk anggul wandu yidnggal-e, indisep worok yij-o.

YOANES 4:32

Yesus-nen it yak ondosolar-e: ”Nunggwi mende an-e worasu-t nde, kir-e kenaru bug-o” luk yak indij-o.

YOANES 5:30

Yuruk, Yesus-nen yosolar-e: ”An nondomok nindi-n pidnak pem nak yi kwatlik ndi kwatlik kwarurag-e meya-o. Are, Mbal Pem Nagawan-nen yak niridnak iri na ndak ndag-et ap enpem wene mbarusu-o. An-e nondomok nindi-n pidnak kwarusu bug-o. Are, an wirik nibidnak nap indi-n pidnak nak kwarusu me, an-e ap enpem wene mbarusu-ge mot mor-et mbarusu-o.

YOANES 5:36

Alat nde, Yoanes na an nebem kinggirid wene-ge marik nggal-nen yusu-o. Nde, an nebem kunggurusu wene nggulog-e yur-o: An Neid-nen an-nen kwaruwakluk nebem pidnak iri-ge an-nen kwaril waring kasu yu-nen-e an nebem konggorosolar-e: ’At Eid-nen wirik ibil lobok yij-o’ luk an nebem kunggurusu iri bem-nen yenggerak neyali-o.

YOANES 6:33

Nde, Mbal Pem Nagawan-nen wok ondoso mburu iri-ge aid arem-nen mbuwarik, ki nap pidsa unluk yaga wok undusu nap iri-ge Mbal Pem Nagawan umburu-nen yusu-o” luk yak indij-o.

YOANES 6:38

An-e aid arem-nen mbuwagi yu-ge, an nindi-n pidnak kwarurak pem lobok yigi-ge lag-o. Are, an nibil lobok yidnak nap indi-n pidnak kwareyekluk-nen lobok yigi-o.

YOANES 8:29

An wirik nibil lobok yidnak nab-e an totno-t worali-o. An-e at indi-n pidnak nak kwaroso me, at-nen-e narik keya noboso bug-o” luk yij-o.

YIDNAK YIDNAK WENE 20:35

Nde, namawi min-et yabu wanosolat woragi iri-ge nir-e yabu iri nggal wanogolat-nen ap ndeyak mondok yongga undurag-o luk mirik kinpigi-o. Nde, Yesus at ondomok-nen yosolar-e: ’Wanugwi iri-ge marig-et nde, ap wok undugwi iri-ge mondok imbiringgat-nen yusu-o’ luk yidnak iri-ge iri kwarogolat-nen yeberak wulmul-o” luk yak indij-o.

IBERANI 12:2

Nenlengen-e Yesus ebem-et kere kererak wolmog-o. Nde, nit ninndi at ebem angin tubu yul kuri-nen woroksiyem kuri Yesus-nen nak yongga nunduwa-o. Yesus na-ge e lang pang tak pem wat yosolar-e, abok-nen nalen kamin-er-o peraruk-nen e lang pang tak pem wat yogolat-nen ininggiri kagwi na kagit lak wat yij-o. Watlug-e, Mbal Pem Nagawan-nen koreyak woraso sa iri na inggi kigit ambigit nggwe yawo na koreyak worasu-o.