YOANES 4:10 - Nanduk Ngget Tul Pidnak Wene

¹⁰ Yosoloma-ge, Yesus-nen kwe na yak tosolar-e: ”Mbal Pem Nagawan-nen onggo lag-et we wok ondoso mende min kat kebem yi nggi yidnak nap an min karu nggal-nen-e kat-nen ’Yi kenang niri-o’ luk yak norosola-ge, an-nen-e unlug-et wolmomtak yi wok ketleb-o” luk yak tij-o.

YOANES 4:10 ပူးပေါင်းရင်းမြစ်များ

NDAWI ENGGA 46:4

Mbal Pem Nagawan mondok kek tak iri na woraso uwi siri iri na-ge yi inggi sid mborosolat amburu rak pusu-o.

MBIRIGA WENE 17:6

An-e kat kabuwok Sinai Ndobo bem kerep nggok misik pem mendak woramin-o. Kar-e kerep iri lel ki-o. Lel kasola-ge, arem-nen yi wasola ir-e nujwa-o” yosoloma, Musa-nen-e Isarael nap ennggendumu enne kulugwi nap ereba na enlengen pem-et kerep na lel kagaij-o.

YESAYA 35:6

Ap onowak wat yidnak-nen na onowak mot luk, urusa wam-nen kwaroso nggal kud mbok kud mbok mborogolat, ap enne lak woragwi-nen na enne kuwakluk, enalen-nen enne nggoksa yogolat yuwa-o. Yi lak ma nembaga karu me-t nde, yi ulusu pilana wasolat, karu me-t nde, yi mborosolat ma-o.

YESAYA 42:6

”Mot mot kwarugwi elem na nggok tak ponokluk, Nagawan Indo an-net wene mbo kuburuk, yabu kebem pukmu-o. Kat kebem-nen ap enlem oboksa inmin kwendeyekluk, an-net lit kuburuk nosolat, yik keyarok woramin-o. Kat kebem-nen an-e ap enlem oboksa yaya rak inpimin-o.

YESAYA 43:20

Towe mena erengen kege-nen na an kek tak nubuwa-o. An-nen len inpigi nilirak ereba na nujwakluk, an-nen nembaga ereba me yi wirik pimin ereba na karug-e, serigala ndakngge min towe unta min-nen-e an nerembel wanuwa-o.

YESAYA 44:3

An-nen-e yi-ge nggweyak amburu lak pem kilik posolat, nggweyak mbeng larak pem-et nde, yi wirik posolat kwarimin-o. An namawi-ge kat-nen wigarak ininggem posolat, kat kilirak-nen ndaguwa imbiringgat tak onposolat kwarimin-o.

YESAYA 49:10

It iri-ge yi nere min nunggwi mende nere min-e mondok kujwa bug-o. An-e it unpud kaso iri na-nen lit unpuruk yi ulusu ereba na me wok unpuruk nosola, nembaga usu lak nggwe-t nde, mondok mo eyak kujwa bug-o.

YESAYA 9:6

Nit nenmanggim liap misik ndesa mbij-o. Ambara misik wok nindij-o. Ar-e nit tena nunpuruk woraso nap kwat ma-o. Nde, at unu yogolar-e: ”Nggomo Ondoso Nap Indi Nggat Nggat Worak”, ”Amawi Worak Mbal Pem Nagawan”, ”Nineid Pem Woraso”, ”Lambuk tak Onposo Nagawan” luk yuwa-o.

YEREMIA 2:13

An nilirak-nen-e meya-ge erem mberen kwatli-o. Iri-ge: ir-e nggweyakma nap unluk wolmakluk, unluk woragwi yi wok ondoso elem an na-ge enmberam tak nuburuk, it ondomok-nen yi kenanggurak nggweyak emnde mbatli-t nde, mbun porok tak me, yi kobong yurak meya iri emnde mbatli-o.”

LUKAS 11:13

Nde, kir-e meya yugwi nab-et nde, konak mende-t kinlirak wok undugwi irir-o. Iri ala-ge, Nineid aid arem woraso-nen-e at eram Konak Indi nggi yuwa nab-e mondok wog-et unduwa-o” luk yij-o.

YOANES 16:3

It-nen iri kwat kunpuwa iri-ge an Neid nenmberek enaru buk-nen kwat kunpuwa-o.

YOANES 17:3

Unlug-et pem-et woralik nalik momtak elem-e ap-nen Mbal Pem Nagawan Lud tak Nak Kwaroso kat misiget nak enaru yogolat, kat wirik ibil lobok yigen nap Yesus Kerisut na enaru yogolat yugwi irir-o.

YOANES 3:16

Mbal Pem Nagawan-nen ki nap pidsa nenabuwa nggulok karuk, at Ambara misiget nderak wok nendamu-o. Ta-nen nde at ebem inndi angin tubu yuwa nab-e lak yigit lag-et, are, pem-et unlug-et woralik nalik momtak elem irit wanuwa-o.

YOANES 4:14

an-nen kenangga mak timin yi nujwa nab-e pempa pempa yi nere kujwa bug-o. Nde, an-nen kenangga mak timin yi iri-ge at arem-nen unlug-et wolmomtak yi urusu kundik mborosolar-e, urug-et woralik nalik wolmomtak elem wok tuwa-o” luk yij-o.

YOANES 6:35

Yogolikma-ge, Yesus-nen it yak ondosolar-e: ”Unlug-et wolmomtak mburu-ge an-er-o. An neram lobok yuwa nab-e mburu nere mondok kujwa bug-o. An nebem indi angin tubu yuwa nab-e yi nere na mondok kujwa bug-er-o.

YOANES 6:51

An-e aid arem-nen mbuwaidnak unluk yaga wok ondoso mburu-nen yusu-o. Nde, ap-nen mburu yu nujwa nab-e unlug-et pem-et woralik nalik ma-o. Nde, ki nap pidsa unlug-et wolmaklug-e, wok indimin mburu iri-ge an nebe nde yigi-o” luk yij-o.

YIDNAK YIDNAK WENE 9:11

Yosoloma-ge, Nagawan Indo-nen yak tosolar-e: ”Kar-e menluk, Mot Mot Tula mburugundig-e, Yuras ama iri me o Tatus nap unu-ge Saulus iri na ogore yi-o. Ap iri na-ge tepan yusu-o.

OROMA 8:32

At ambik Ambara abuwa kagit lak, nit pidsa nenmanggim iminep wisirik pamu-o. Nde, at Ambara-t nde, wok nendarik me, yi mende ndi mende pidsa wok nundurak iri-ge nggog-a?

1 KORINTUS 1:30

Alat nde, Mbal Pem Nagawan ebem-e Kerisut Yesus imin kundik kinpidnak worali-o. Kerisut iri-ge Mbal Pem Nagawan-nen-e nit ninndi tenggerak elem tak obosolat, at ebem-et mot mot tak nonposolat, mbek tak nonposolat, nonnggo paga weserak nonposolat yij-o.

1 KORINTUS 10:4

it pidsa-ge inndi amanggim yi na misiget erep nak nonggolat yiga-o. Ir-e yi nonggolar-e, inndi amanggim it inmin mbiridnak kerep iri arem-nen waidnak yi ningga-o. Nde, kerep iri-ge Kerisut arer-o.

2 KORINTUS 9:15

Mbal Pem Nagawan-nen we wok ondoso mende wonarurak puk iri bem-e nir-e Mbal Pem Nagawan wa yak tuwog-o!

EPESUS 2:8

Nde, kinndi angin tubu yogola, Mbal Pem Nagawan-nen we wok ondoso elem pem-net kinmiri yid iri-ge kit-nen kwaridnak pem kinmiri yij-e lag-o. Are, Mbal Pem Nagawan-nen we wok kindidnak pem-ner-o.

IBERANI 6:4

Nde, it Mbal Pem Nagawan eyaya bem woragwi na-t nde, inndi angin tubu yidnak keya bidnak nap iri-ge nggesa-nen tuguruk kondok tak uburag-o? It iri-ge aid arem-nen we wok ondoso mende na undu karuk, Konak Indi-ge it enpem mbidnak erep na winde luk,

1 YOANES 5:20

Nir-e ndemeret Mbal Pem Nagawan na nenaru maklug-e, Mbal Pem Nagawan Ambara na lobok yarik, nit ninndi pindong tak pij-o luk nenaru yili-o. At Ambara Yesus Kerisut ebem-nen nir-e ndemeret Mbal Pem Nagawan na imin kundik worali-o. Nde, at yu-ge ndemeret Mbal Pem Nagawan urug-et woralik nalik yoso-nen yusu-o.

NAM PARA WENE 21:6

Iri yuruk, at-nen tuguruk yosolar-e: ”Abu ndak yij-o. Nde, an-e Tel Koroso min Woroksiyem min-nen yusu-o. An-e Nanduk-net Woraso, Abok-nen na irit Woramin Nagawan Indo-nen yusu-o. Yi nere kagwi nab-e an-nen we onggo lag-et mak ondosolar-e, unlug-et woragwi yi ulusu na kenangga mak indimin-o.

NAM PARA WENE 22:17

Konak Indi min Un Wanurak Kwe na min-nen yogolar-e: ”Lobok yer-o!” luk yili-o. Wene yeba kulili nap oboksa-nen na mondok yogolar-e: ”Lobok yer-o!” luk yuwag-o. Ta-nen yi nere kasu nab-e lobok yuwag-o. Ta-nen yi norak ukwe perasu nab-e unlug-et wolmomtak yi iri-ge onggo pigit lak, we irit wanuwag-o.

NAM PARA WENE 7:17

Iri kwat unpuwa iri-ge nagawan koreyak woraso ondoro bem enggendumu worasu Lomba Wam Marik iri-ge at olomba wam iri yik eneyarok woraso nap kwatluk, wok unpuruk, unluk nak wolmomtak yi pilana waso sa inmin mburuwa-o. Nde, Mbal Pem Nagawan-nen-e iniyip lengen oboksa ndogwarak unpuwa-o” luk yij-o.