YOANES 3:36 - Nanduk Ngget Tul Pidnak Wene

³⁶ Ambara ebem indi angin tubu yusu nab-e urug-et pem-et woralik nalik wolmomtak elem wanusu-o. Nde, Ambara-nen yidnak wene kuruk tusu nab-e urug-et wolma bug-o. Are, Mbal Pem Nagawan isilepma-ge at ebem mondok puruk wolma-o.

YOANES 3:36 ပူးပေါင်းရင်းမြစ်များ

NDAWI ENGGA 2:12

Nagawan Indo isilepma-ge mimo yoso me, Nagawan Indo isilepma yosolat ereya na-net lak tak kunpuwa naru, kwiye min-et Nagawan Indo eram tebe yer-o. Nde, Nagawan Indo indipma worali nab-e mondok enalen kagolat wolmag-o.

NDAWI ENGGA 49:19

at iri-ge omborak inmbirig-et mburuwarik, ndamuk arem iri na me pem irit woralik nalik irit wolma-o.

ABAKUK 2:4

Kenaru wolmer-o. Meya kwarugwi nab-e inmiri yuwa bug-o. Alat nde, Mbal Pem Nagawan indi-nen pidnak kwat tenak worasu nab-e at-nen tugup lak Mbal Pem Nagawan-nen yidnak yidnak kwat tenak worasu bem-et mondok urug-et wolma-o” luk yij-o.

MATIUS 25:46

Iri ala-ge, it iri na-ge pempa andi bandi kagolat woragwi sa inpil ngguwa-o. Nde, lud tak nak kwarugwi nap na-ge pempa unlug-et woragwi sa iri me ngguwa-o” luk yij-o.

MARAKUS 16:16

Inndi angin tubu yogola, yi ma unpuwa nab-e, inmiri yuwa-t nde, inndi angin tubu yuwa buk nab-e, lak tak unpuwa-o.

LUKAS 2:30

Kat keram-nen lobok yid nap inmiri yoso na-ge, ap pidsa enmanggim kat-nen pidnak inmiri yoso nap iri-ge nerengen-nen kagi-o.

LUKAS 3:6

Nde, ap yi wi ndi wi oboksa-nen Mbal Pem Nagawan-nen ap inmiri yosola, kujwa-o’ ” luk mbarij-o.

YOANES 1:12

Alat nde, ap erep-nen-e at wok uburuk, at ebem inndi angin tubu yiga nab-e Mbal Pem Nagawan ilirak kwat momtak amawi wok indij-o.

YOANES 10:28

An-nen-e unlug-et woralik nalik momtak elem wok undusu me, ir-e pem-et lak ma bug-o. Ap misiger-o luk tet-nen an ninggem-nen ming unpurak na meya-o.

YOANES 3:3

Yosoloma-ge, Yesus-nen at yak tosolar-e: ”An-e ndemeret yak kurusu-o. Mberen pem ndet ibigit lak nab-e Mbal Pem Nagawan-nen tenagaidnak wi-ge erengen kujwa bug-o” luk yij-o.

YOANES 4:36

Nde, mburu ndagoso nap-nen-e onggo wanosolar-e, unlug-et woralik nalik momtak amanggim ndok woroso-o. Iri bem-e, yagoso nap min ndagoso nap min-e enmbereg-et enalen worak wolma-o.

YOANES 5:24

An-e ndemeret yak kundusu-o. An-nen yidnak wene kuluruk, an nibil lobok yidnak nap ebem indi angin tubu yuwa nab-e, unlug-et woralik nalik wolmomtak elem-e mondok wanarik worasu-o. Iri yidnak nab-e wat yugwi elem tena woraidnak keya buruk, unlug-et wolmomtak elem wanidnak me, at ebem-e wene mbi mbaruwa bug-o.

YOANES 6:58

Iri bem-e, aid arem-nen mbuwaidnak mburu-ge yu-net yusu-o. Mburu yu-ge kit kenlawingga-nen ningga-t nde, wat yiga mburu iri na nggal-e lag-o. Alat nde, mburu yu nujwa nab-e urug-et pem-et woralik nalik ma-o” luk yak indij-o.

YOANES 8:51

An-e ndemeret yak kundusu-o. An-nen yidnak yidnag-et kwaruwa nab-e wat yigit lak, pem-et woralik nalik ma-o” luk yij-o.

YIDNAK YIDNAK WENE 14:2

Alat nde, it inndi angin tubu yigit lak Yawuri nap-nen-e it enlem nin nap enarem worakola, it-nen-e Paulus min Mbaranabas min insili rak inpiga-o.

OROMA 4:15

Imiri mbarak pidnak wene-nen Mbal Pem Nagawan isilepma nam tak pusu-o. Alat nde, imiri mbarak pidnak wene worasu buk sa-ge kuruk tugwi mende na lak woraso-o.

OROMA 5:9

Yawo-ge Yesus eyabi bem-nen lud tak nak ninpidnak worali iri-ge ija-t nde, Mbal Pem Nagawan isilepma-ge nit nenpem mbuma naru, Yesus-nen ninmiri yuwa iri perak nde ija lombog-o.

OROMA 8:1

Iri yidnak pem-e yawo-ge Kerisut Yesus imin kwin yidnak nap nenpem wene mbi mbaruwa bug-o.

NGGALATIA 3:10

”Imiri mbarak pidnak wene-nen yidnak yidnak nak kwarosolat woramin-o” luk perali nab-e imbiri lamut urugwe nggwe worali-o. Nde, Mbal Pem Nagawan engga bem-nen yosolar-e: ”Imiri mbarak pidnak wene-nen yidnak yidnak pik paksa kwarigit lak nab-e imbiri lamut worasu-o” luk yij-o.

EPESUS 5:6

Ap-nen-e ebe lak wene iri na yak kondogolat, konmbol pem ludtag-e meya-o. Iri nggal kwarogolat woraidnak pem-e Mbal Pem Nagawan isilepma-ge at-nen yidnak wene kuruk tugwi nap enpem mbuma-o.

1 TESALONIKA 1:10

at ambara aid arem-nen mbuma-o luk yik karok worali wene min oboksa yak nundugwi-o. At Ambara Yesus iri-ge wat yidnak nap ennggendumu-nen uruk tak pij-o. Nde, Yesus-nen-e Mbal Pem Nagawan isilepma abok-nen ap enpem mbumomtak iri na inggem-nen ninmiri yij-o.

1 TESALONIKA 5:9

Mbal Pem Nagawan-nen len ninpij-e, at isilepma nenpem peyekluk-nen len ninpigit lag-o. Are, Nenagawan Indo Yesus Kerisut ebem-nen ninmiri yekluk len ninpij-o.

IBERANI 10:29

Nde, meya kwaridnak nap na iri nggal kwat unpugwi ala-ge, Mbal Pem Nagawan Ambara unuwok liri rak pili nap min Mbal Pem Nagawan-nen urul pidnak eyabi, at mbek tak ibidnak eyabi iri na te rak pusu nap min we wok ondoso elem wok nindid Konak Indi na meya rak puwa nap min enpem-e terak minik anggun worak mende ngge nggal kwasa enpem puwa-o?

IBERANI 2:3

Iri ala-ge, ninmiri yurak wene nggulok iri-ge kuligit lak keya pulndig-e, nggesa-nen ninmiri yuwa-o? Nde, nanduk nandug-er-e wene iri-ge Nagawan Indo Yesus at-nen nam tak posola, wene na nam tak posola kuliga nap-nen nit yak nondogolar-e: ”Wene iri-ge ndemeret wene-net yusu-o” luk yak nondogola-ge, nir-e ndemerer-o luk menggesa nenaru yige-o.

IBERANI 3:18

Mbal Pem Nagawan-nen owak mbarosolar-e: ”An nindisep kwaroso sa iri me-ge an neram-e mondok pem ngguma bug-o” luk yid iri-ge tarak inmin yij-o? Iri-ge at ene kuruk tiga nap it inmin-et yij-o.

IBERANI 3:19

Iri bem-e ir-e Mbal Pem Nagawan indisep kwaroso sa nggwigit lak yiga iri-ge it inndi angin tubu yigit lak ala-nen nggwigit lag-o luk nir-e nam-et kali-o.

NAM PARA WENE 21:8

Alat nde, kwiye kagwi nap min inndi angin tubu yugwi buk nap min kwarugwi buk mende kwarugwi nap min ap undugwi nap min terak terak ye unpugwi nap min kwal ombo min kugiwak erembel wanugwi min enesiget yugwi nap oboksa min it ondoro-ge emben worak kule (belerang) laso kan mare arem-nen yusu-o. Nde, iri-ge mberen pem tak posolat wat momtak elem-nen yusu-o” luk yij-o.