YOANES 3:34 - Nanduk Ngget Tul Pidnak Wene

³⁴ Nde, Konak Indi ebis-et wok tidnak me, Mbal Pem Nagawan-nen wirik ibil lobok yidnak nap-nen-e Mbal Pem Nagawan-nen yidnak wene nak yak ondoso-o.

YOANES 3:34 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 2:9

Ndil laigarik, eyak ele bem woklug-e, Elia-nen Elisa yak tosolar-e: ”Nagawan Indo-nen an nimin luk lagit lak ma-net kat-nen kindi bidnak mende-ge nebem nggi yurag-o” yak tij-o. Yosoloma, Elisa-nen onggo yosolar-e: ”An-e kat kondolma kwat yek-nen kat-nen idnak kamawi wok niri-o” yak tij-o.

WONARIDNAK WENE 11:25

Nagawan Indo-ge nggan nggan arem mbuwagarik, Musa wene yak tij-o. Nagawan Indo-nen-e amawi Musa wok tid ereba na-ge ereb-e menggesa ap tuju pulu ereya na wok indij-o. Iri yamu, Nagawan Indo Indi it enpem mbuwasola, Mbal Pem Nagawan ene lomboksa yugwi nap-nen enne nggoksa yugwi nggal yogolat woraiga-t nde, pem yik tenak woragit lag-o.

MATIUS 12:18

”Yu-ge an ndegel noboso nap, an-nen len ibigi nap-nen yusu-o. Abuwa worak, nindi kundik na ebem nalen kasu-o. An Nindi-ge at ebem pimin-o. An-nen ap enpem mbarimin wene-ge at-nen-e ap enlem oboksa yak unduwa-o.

LUKAS 4:18

”Nagawan Indo Indi-ge an nebem worasu-o. Aid wene-ge insilobulo lak nap yak unduwakluk, an len nibij-o. O kubu me woragwi nap wisirik unpurak wene yak unduwakluk, Enlengen ngguru woragwi enlengen kuwarak puwakluk, Ap-nen tebel inpidnak nap wisirik unpuwakluk,

YOANES 1:16

At arem-e enabuwa kaso elem kobong tak me, nit pidsa nenabuwa kundugu kasolat, imbiringgat tak nonposo-o.

YOANES 15:26

Nde, an Neid eram-nen Yongga Kundurak Nap na ibil mbuwamin-o. At iri-ge Konak Indi ndemeret Mbal Pem Nagawan Mirik Konposo irir-o. Nde, at lobok yuwarig-e, at-nen an nowene kenggel kondosolat wolma-o.

YOANES 16:7

Alat nde, an-e ndemeret yak kundusu-o. An mbirimin iri-ge, kit konak tak kunpurak pem mbirimin-o. An mbirigit lak yimin nggal-e, Yongga Kundurak Nap na-ge kit kendam lobok yuwa bug-o. Alat nde, an mbirimin iri-nen at na-ge kit kendam wirik ibil mbuwamin-o.

YOANES 3:17

Nde, Mbal Pem Nagawan-nen-e at Ambara an nggweyak ma nibil mbuwagaij-e ki nap pidsa lak tak unpurak pem enpem wene mbaruwakluk nibil mbuwagit lag-o. Are, ki nap pidsa inmiri yaga wok unduwakluk nibil mbuwagaij-o.

YOANES 5:26

Nde, Neig-e unlug-et wolmomtak elem-nen yusu-o. Nde, iri nggal-et Neid-nen-e Ambara an na irit unlug-et wolmomtak elem kwarak nibij-o.

YOANES 7:16

Yogolikma-ge, Yesus-nen it yak ondosolar-e: ”An-nen mul ondoso wene yu-ge an nindi-n pidnak wene-ge lag-o. Are, an wirik nibil lobok yidnak nap Mbal Pem Nagawan-nen yidnak yidnag-et mul ondoso-o.

YOANES 8:40

Nde, ndemeret wene Mbal Pem Nagawan-nen yak niridnak iri na-t yak kondosolat woragi-t nde, kit-nen an nuruwokluk yili-o. Abaram-nen-e iri nggal kwaroso bug-o!

YOANES 8:47

Mbal Pem Nagawan ilirak-nen-e Mbal Pem Nagawan-nen yidnak wene-t kulugwi-o. Nde, kir-e Mbal Pem Nagawan ilirag-e lak me, Mbal Pem Nagawan-nen yidnak wene kulili bug-o” luk yak indij-o.

YIDNAK YIDNAK WENE 1:2

at lagit lak ma-nen at-nen yidnak yidnak oboksa mbatluk, Konak Indi bem-nen at-nen lenak unpuruk wirik inpidnak nap na wene yak indij-o.

YIDNAK YIDNAK WENE 10:38

Nde, Mbal Pem Nagawan-nen Yesus Nasaret nap na ebem-e Konak Indi min amawi min kilik pidnak wene-ge kenaru nar-o. Mbal Pem Nagawan-e at imin woralat me, at waring kasolar-e, konak nak kwarosolat, Sere-nen yemen inpidnak nap oboksa ki rak inpil waring kagaij-o.

OROMA 8:2

Kir-e Kerisut Yesus imin kundik woragolat kunlug-et wolmomtak elem wok kindid Mbal Pem Nagawan Indi-nen pidnak imiri mbarak pidnak wene-nen-e meya kwarugwi elem min wat yugwi elem min inggiyem-nen weserak kinpij-o.

EPESUS 3:8

Marak nap oboksa ennggendumu-nen an-e nagweyak nggal-et nde, Kerisut arengge wonarurak puk mende iri-ge enlem nin nap yak unduwakluk, Mbal Pem Nagawan-nen we wok ondoso bem-net wok neramu-o.

KOLOSE 1:19

Nde, Mbal Pem Nagawan indi-n pidnak pem-e Mbal Pem Nagawan abage iminep mbarak iri-ge at Ambara arem worasu-o.

KOLOSE 2:9

Nde, Mbal Pem Nagawan-et woraso oboksa-ge Kerisut nggweyak ma nap enpage worak iri na bem-et worasu-o.

NAM PARA WENE 21:6

Iri yuruk, at-nen tuguruk yosolar-e: ”Abu ndak yij-o. Nde, an-e Tel Koroso min Woroksiyem min-nen yusu-o. An-e Nanduk-net Woraso, Abok-nen na irit Woramin Nagawan Indo-nen yusu-o. Yi nere kagwi nab-e an-nen we onggo lag-et mak ondosolar-e, unlug-et woragwi yi ulusu na kenangga mak indimin-o.

NAM PARA WENE 22:1

Iri luk, aid nap iri na-net mirik nobosolar-e, unlug-et wolmomtak yi erengen miri papalo erare nggal igip kip worak irit mirik nibij-o. Nde, yi iri na urusu-ge Mbal Pem Nagawan min Lomba Wam Marik min-nen koreyak woragwi ondoro na arem-nen kenangga mborosolar-e,