YOANES 3:3 - Nanduk Ngget Tul Pidnak Wene

³ Yosoloma-ge, Yesus-nen at yak tosolar-e: ”An-e ndemeret yak kurusu-o. Mberen pem ndet ibigit lak nab-e Mbal Pem Nagawan-nen tenagaidnak wi-ge erengen kujwa bug-o” luk yij-o.

YOANES 3:3 ပူးပေါင်းရင်းမြစ်များ

YESKIEL 36:26

An-nen-e kinndi masa ngget tak posolat, kit-nen yebet kagwi min ngget tak posolat kwarimin-o. Nde, kit kinndi amawi kerep nggal iri na ondolma-ge, yidnak yidnak kwarugwi inndi wok kindimin-o.

MATIUS 16:17

Yosoloma-ge, Yesus-nen wene erep nggarosolar-e: ”Yunus ambara Simon wa-e. Wene iri-ge nggweyak ma nap-nen yak kiriga-ge lag-o. An Neid aid arem woraso-nen yak kiridnak me, kar-e kalen kasu-o.

MATIUS 19:24

Nde, tuguruk yak kendeyeg-o: Sapi wam-nen luruk erel uru nggwe nggurag-e te nggal-nen yusu-o. Nde, insilobulo kwarat winde-nen-e Mbal Pem Nagawan-nen tenagaidnak wi nggurag-e angin worak-nen yusu-o” luk yak indij-o.

MATIUS 21:31

Nde, li mberen iri na-ge at eid indi-n pidnak kwarij-e ta kali-o?” luk yak ondosoloma-ge, it-nen yogolar-e: ”Ambara manggu irir-o” luk yogola-ge, Yesus-nen it yak ondosolar-e: ”An-nen yak kendeyeg-o: Mbal Pem Nagawan-nen tenagaidnak wi nggogolar-e, kit abok tak kunpurak, pemerinta enmanggim tol ndok wurugwi nap min terak ye inpil nugwi kwami min, it nanduk nde nggwili-o.

MATIUS 5:18

An-e ndemeret yak kundusu-o: Mbal min nggweyak min lak yigit lak ma-ge, imiri mbarak pidnak wene arem mbarid-nak hurup marik komosa min titik mariget ter-o luk min-e iri arem mbarid-nak wene mondok pidsa ndak tak pigit lak ma-ge mondok lag-e ma bug-o.

MARAKUS 10:14

Met onpogolikma karuk, Yesus na isilepma luk, at owosirak yak ondosolar-e: ”Li marik marig-e an neram lobok yuwag-o. Ap inndi-ge li marik yu inndi nggal kwat ma nap-net Mbal Pem Nagawan-nen tenagaidnak wi winde momtak nap-nen yili me, langgal eneyali meyog-o.

MARAKUS 9:47

Kat kerengen-nen nde meya rak kobosola-ge, kerengen kela wabi-o. Kat kerengen misiget nak-nen Mbal Pem Nagawan-nen tenagaidnak wi nggurag-e konag-o. Nde, kat kerengen mberen parugu kan mare arem nggurag-e meya-o.

YOANES 1:13

Iri yidnak nap ndet onposolar-e, ki nap-nen ndet inpigit lag-o. Are, Ineid Mbal Pem Nagawan at-net ndet inpij-o.

YOANES 1:5

Nde, yaya iri-nen ndamuk iri na yaya rak posola-ge, ndamuk iri-nen yaya na lak tak purag-e meya-o.

YOANES 1:51

Iri luk, Yesus-nen at yak tosolar-e: ”An-e ndemeret yak kurusu-o. Aid arem tu kuwak yosola, Mbal Pem Nagawan-nen idnak aid nab-e Ap Ambara an nebem lagolat, mbuwagolat yogola kagun-o” luk yij-o.

YOANES 12:40

”Mbal Pem Nagawan-nen yosolar-e: ’It-nen an neram lobok yogola, an-nen ki yaga wok indimin naru, it enlengen-nen kujwa naru, it inndi-nen yebet kujwa naru, an-nen it enlengen ngguru rak posolat, it inndi amawi rak posolat yigi-o’ luk yij-o.”

YOANES 3:4

Yosoloma-ge, Nikoremus-nen at kin wok obosolar-e: ”Ab-e nggok yidnak nggwe-ge nggesa-nen mberen pem ndet unpurag-o? Tuguruk iniya arem ngguruk mberen pem ndet unpurak nde yigen-a?” luk yij-o.

2 KORINTUS 4:4

It inndi angin tubu yili buk nap inndi erengen-e nggweyak ma yu tena woraso nagawan-nen ngguru rak pidnak me, it-nen-e Kerisut kek tak woraso wene aid wene eyaya na kudtag-e meya-o. Kerisut iri-ge Mbal Pem Nagawan abage worak-nen yusu-o.

2 KORINTUS 5:17

Ta-nen nde Kerisut imin kundik worasola-ge, at abage ngget tak ibidnak-nen yusu-o. Abage nanduk na-ge lak lug-e, abage ngget irit kwat yamu-o.

NGGALATIA 6:15

Iniye ambasap wabidnak na irit, iniye ambasap wabigit lak na irit, iri-ge ebe lak mende-nen yusu-o. Alat nde, nenpage ngget mende kwat yidnak iri perak nde nggulok-nen yusu-o.

EPESUS 2:1

Nanduk kir-e wene kuruk tidnak pem-nen na, meya yidnak pem-nen na, wat yidnag-et woraigeb-o.

TITUS 3:5

ninmiri yij-o. Nde, nit-nen lud tak nak kwaridnak pem ninmiri yij-e lag-e. Alat nde, at ondomok-net nunpud karuk, ninmiri yij-o. Iri yid iri-ge Konak Indi na-nen nit mat nonposolar-e, tuguruk ndet nonposolat, nit nenpage ngget wok nondosolat yij-o.

YAKOBUS 3:17

Alat nde, aid arem-nen mbuwaidnak inndi nggat nggat elem-e yu nggal-o: Nandug-er-e mbek tag-et woraso, iri-nen-e lambuk tak onposo, yanggonak nak woraso, yidnak yidnak nak kwaroso, enabuwa nak kaso, konak mende nak kwarak poso-nen yusu-o. Inndi nggat nggat elem iri-ge ap entare lombonoso buk, indi-net nde enesiget siget yoso buk-nen yusu-o.

1 PETERUS 1:3

Nenagawan Indo Yesus Kerisut Eid Mbal Pem Nagawan irit wa yak tuwog-o. Nit nunpud kwarat kaso me, nit na ngget mende rak nenpeyekluk Yesus Kerisut iri-ge wat yidnak nap ennggendumu-nen uruk tak pij-o. Iri bem-e, nir-e woralik nalik wulmul-o luk ninndi mbung mbung tak worali-o.

1 YOANES 2:29

Nde, Kerisut na-ge lud tak nak kwaroso-nen yusu-o luk, kenaru nar-o. Iri bem-e, lud tak nak kwatli nap pidsa-ge Mbal Pem Nagawan ilirak-nen yili-o luk kenaru mer-o.

1 YOANES 3:9

Mbal Pem Nagawan ambara kwat yidnak nab-e at arem-e Mbal Pem Nagawan abage-t worasu me, meya kwat tenak worasu bug-o. Nde, Mbal Pem Nagawan iri-ge at Eid me, at-nen-e meya kwat tenak wolmomtag-e meya-o.

1 YOANES 5:1

Ta-nen nde Yesus-e Kerisut-nen yusu-o luk ebem inndi angin tubu yili nab-e Mbal Pem Nagawan ilirak-nen yili-o. Nde, Eid abuwa kasu nab-e at ambara iri na-t abuwa kasu-o.

1 YOANES 5:18

Mbal Pem Nagawan ilirag-e Mbal Pem Nagawan Ambara-nen nggitlik unpuruk woraso me, meya kwat tenak worali bug-o luk nenaru-o. Nde, Meya Kwaroso Nap-nen na yi lik ndi lik kwat unpuwa bug-o.

1 YOANES 5:4

Nde, Mbal Pem Nagawan ilirak-nen-e nggweyak ma yu pinik tak purag-e ndak-nen yusu-o. Nde, nit ninndi angin tubu yidnak pem-net nggweyak ma yu pinik tak pul-o.

NAM PARA WENE 3:14

”Laorikia woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge mot mot lud tak nak konggoroso nap, Mbal Pem Nagawan-nen ndak worak pidnak mende oboksa tel koroso Amin-nen yidnak wene-o.