YOANES 3:27 - Nanduk Ngget Tul Pidnak Wene

²⁷ Yogolikma-ge, Yoanes-nen yosolar-e: ”Mbal Pem Nagawan-nen ap mbi kwat ibigit lak-nen at ondomok amawi bem-nen nak kwarurag-e meya-o.

YOANES 3:27 ပူးပေါင်းရင်းမြစ်များ

AMOS 7:15

Alat nde, Nagawan Indo-nen-e lesa at-nen yidnak wene Isarael nap yak unduwakluk wok nebamu-o.

MATIUS 21:25

Yoanes na-ge ap yi marosolat woragaid iri-ge ta-nen yidnak pem-o? Mbal Pem Nagawan-nen yidnak pem, lak? Are, ki nap-nen yidnak pem-a?” luk kin wok inpij-o. Kin wok onposoloma, it na it-net wene mbal kerak mbogolar-e: ”Nit-nen nde: ’Mbal Pem Nagawan-nen yidnak pem-o’ luk yogola-ge, at-nen-e: ’irit nde, kir-e noluk-nen at ebem kinndi angin tubu yigit lak yigeb-o?’ luk yak nunduwa-o.

MATIUS 25:15

It-nen kwarugwi bem enmawi ndak ndag-et ondomok tak tembesa wok ondosolar-e, misik tol-e lima wok tosolat, misik tol-e mberen wok tosolat, misik tol-e misiget nak wok tosolat yij-o. Iri rak puruk nagawan na mbirij-o.

MARAKUS 13:34

Iri-ge yu nggal-nen yusu-o. Ap misig-e at uwi keya buruk, o nin sa mbereyeklug-e, at ndegel ubugwi nap-nen enarik tak wanogolat wolmomtak mende enpem puruk, tumende yik karok woraso nap iri na yak tosolar-e: ’Kwara yik karok worasolar-e, kurug-et wolmin-o’ luk yak turuk, mbirij-o.

YOANES 10:41

Worala-ge, ap kwarat na at eram lobok luk-nen yogolar-e: ”Yoanes-nen-e kwiye worak mende mbi kwarigit lag-et nde, at-nen ap yu owene-ge pidsa-ge lud tak nag-et yak nindij-o” luk yiga-o.

YOANES 6:65

Iri yuruk, Yesus-nen yosolar-e: ”Iri bem-nen an Neid-nen indi waruk lobok yigit lak nab-e an neram lobok yurag-e meya-o luk yak kindigi nar-o” luk yij-o.

OROMA 1:5

Nde, ap enlem pidsa ininggi waga inndi at ebem angin tubu luk, at-nen yidnak yidnak nak kwaruwakluk, Kerisut ebem at unu nak kek tak puwakluk Mbal Pem Nagawan-nen we irit wirik nibidnak nap tak nibij-o.

OROMA 12:6

Mbal Pem Nagawan-nen we wok ondoso mende nenarik tak nin tak nan tak wok nindid iri-ge at-nen nit nunpud kaso bem-net wok nindid mende iri na-ge nir-e iri na bem-nen yabu wanogolat wolmomtag-o. We wok ondoso mende aid wene yurak wok tidnak nap-nen-e at indi angin tubu yidnak ndak ndag-et yosolat wolmag-o.

1 KORINTUS 1:1

Mbal Pem Nagawan Indi-nen pidnak pem wene mbo nebaga Kerisut Yesus-nen wirik inpidnak nap tak nibidnak an Paulus min nit nennggam Sotenes min-nen

1 KORINTUS 12:11

Alat nde, Konak Indi misiget iri na nak-net yu mende pidsa kwarusu-o. At indi-n pidnak pem-et we wok ondoso mende-ge enarik tak tembet undusu-o.

1 KORINTUS 15:10

Alat nde, an yawo worasu yu-ge Mbal Pem Nagawan-nen we wok ondoso bem-net worasu-o. Nde, we wok ondoso mende wok nirid iri-ge ebe lak momtak pem wok nirij-e lag-o. Are, it wirik inpidnak nap ereb-e yabu we marik nggal wanogola-t nde, an-e yabu kwarat wanusu-o. Alat nde, an-nen wanusu-ge lag-o. Mbal Pem Nagawan-nen we wok ondoso mende-ge an nimin worala-nen wanusu-o.

1 KORINTUS 3:5

Nde, Apolos-e no nab-o? Paulus-e no nab-o? Nit mberen iri-ge Mbal Pem Nagawan ndegel ubugwi nap-nen yili-o. Nde, Nagawan Indo-nen at eyabu nenarik tak nenpem pidnak ala, nit-nen ndowaga kinndi angin tubu yigeb-o.

1 KORINTUS 4:7

Kar-e ta-nen nde kek tak keyasu-o? Kat karengge worasu iri-ge Mbal Pem Nagawan-nen wok kirigit lag-a? Iri bem-e, we wok kiridnag-et nde, kar-e noluk-nen kat-nen wanidnak nggal tak puruk, kondomok kek yusu-o?

NGGALATIA 1:1

Wirik nibidnak nap Paulus an-e ki nap inndi-n pidnak pem-nen na lak, ki nap misik-nen mendak nibidnak pem-nen na lak, are, Yesus Kerisut min at uruk tak pid Nineid Mbal Pem Nagawan min-nen wirik nibid nap Paulus an-nen engga yu mbal kundusu-o.

EPESUS 1:1

Mbal Pem Nagawan indi-n pidnak pem Kerisut Yesus-nen wirik nibidnak nap Paulus an-nen-e Epesus wi woragwi nap, Mbal Pem Nagawan winde nap, Kerisut Yesus ebem kinndi angin tubu yigep nap kit kenmanggim engga yu mbarusu-o.

1 TIMOTIUS 2:7

Wene yu bem-nen an-nen-e enlem nin nab-e inndi angin tubu yurak wene min ndemeret wene min yak unduwakluk, wirik nibidnak nap min mul ondoso nap min irit len nebamu-o. Nde, an-e nenesiget yusu-ge lag-o. Ndemeret lombok yak kundusu-o.

YAKOBUS 1:17

We wok ondoso mende konak iminep mbarak oboksa iri-ge teram nggwe-nen mberak pil mbuwasu iri-ge aid arem worasu yaya elem ndak worak pidnak Mbal Pem Nagawan-nen pil mbuwaso-o. Nin yoso buk Mbal Pem Nagawan-e nden karuk, lumurak nonposo buk-nen yusu-o.