YOANES 3:2 - Nanduk Ngget Tul Pidnak Wene

² Misik tarem kubu nggwe-ge at na-ge Yesus eram mberarik, at yak tosolar-e: ”Mul Ondoso Nap wa-e. Kar-e Mbal Pem Nagawan-nen kibil lobok yidnak-nen yusu-o luk nir-e nenaru-o. Mbal Pem Nagawan nde inmin woragit lak-nen-e kat-nen kwiye worak mende kwarusu yu nggal-e ap misiger-o luk tet-nen kwarurag-e meya-o” luk yij-o.

YOANES 3:2 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 17:24

Yosoloma, kwe togwe iri na-nen yosolar-e: ”Yawo-nen perak mondok naru yusu-o. Kar-e ndemeret Mbal Pem Nagawan ndegel oboso nab-er-o. Kat-nen yusu wene-ge ndemeret Nagawan Indo-nen yidnak wene-t yusu-o” luk yak tij-o.

YEREMIA 38:16

Yak tosolakmu, Nagawan Sendekia iri na-nen mbik mbok yak norosolar-e: ”Mbal Pem Nagawan uruk na woraso, Mbal Pem Nagawan-nen nunluk wolmomtak elem wok nondoso iri na owag-o. An-nen-e mondok kirimin pug-o. Iri-nen kat kuruwokluk yili nap-nen kuruwakluk, kiminep wesera na ininggem kibimin pug-er-o” luk owak mbarij-o.

MATIUS 22:16

Iri luk, it-nen wirik onpogolar-e, it inmin nugwi nap ereb-e Eroriani nap inmin luk, Yesus eram wok luk, at yak togolar-e: ”Nggomo Ondoso Nap wa-e. Kar-e lud tak nak yoso nap-nen yusu-o luk nir-e nenaru-o. Nde, Mbal Pem Nagawan urula mburugwi wene-ge nam-et nak ap mirik onposolat, ap entare mbenaroso buk me, kar-e kwiye lag-et mirik onposo-o.

MATIUS 23:7

onggo wanugwi sa-nen ap-nen kirip koropsa wa yak undurak nak yogolat na, it inmin-e ’Mul Ondoso Nab-o’ luk yak undurak iri nak indingen kagwi-o.

MATIUS 23:8

Alat nde, Mul Kondoso Nab-e misiget nak worasu, nde, kit oboksa-ge owe owot-net yili me, kit kinmin-e ’Mul Nondoso Nab-o’ luk yak kundurag-e meya-o.

MARAKUS 12:14

Wirik onpogolikma-ge, it na Yesus eram mbirigarik, at yak togolar-e: ”Mul Ondoso Nap wa-e. Kar-e mot mot nak kwarosolat, ap enpage lombonoso buk iri-ge nir-e nenaru-o. Nde, kar-e ap entare na mbenaroso buk me, Mbal Pem Nagawan indi-nen nggweyak ma nap-nen kwaruwag-o luk perasu wene-ge kar-e mot mot nak mul nundusu-o. Kar-e iri yoso me, nit-nen wanugwi imiri mbarak pidnak wene bem-e nit-nen Kaisat amanggim tol purag-e meya lak? Nir-e mondok purag-a? Are, purak pug-a?” luk kin wok ibiga-o.

YOANES 1:38

Imbirik mborogola, Yesus na nden kaga yik eneyasolat-nen kin wok onposolar-e: ”Li yu-ge wa-e. Kir-e no kore yil lobok yili-o?” luk yosoloma-ge, it-nen yogolar-e: ”Rabi wa-e. Kar-e ngge me woraso-o?” luk yiga-o. (Nde, Rabi iri-ge Mul Ondoso Nab-o yogolar-o).

YOANES 10:38

Alat nde, an-nen-e at-nen nebem pidnak mende kwarusu ala-ge, kinndi-ge an nebem angin tubu yili bug-et nde, an-nen kwaroso mende bem nak kinndi angin tubu yer-o. Iri bem, kinndi angin tubu yugup ala-ge, an Neij-e an narem woralat, nde, an-nen na Neid arem woralat yili-o luk kwara kenaru yugub-o” luk yak indij-o.

YOANES 12:37

Nde, at-nen-e it inmbiri bem kwiye worak mende kwarat kwarij-et nde, inndi-ge at ebem angin tubu yigit lak yiga-o.

YOANES 14:10

An-e Neid arem woralat, nde, Neid na an narem woralat yusu iri-ge kar-e kindi angin tubu yusu bug-a? An-nen yak kundusu wene-ge an nindi-n pidnag-et yak kundusu bug-o. Are, an Neij-e an narem worasu iri-net ereba pidsa-ge kwarusu-o.

YOANES 15:24

Ap-nen kwarugwi buk mende-ge it inmbiri bem kwarigit lak yiginggal-e, it meya yidnag-e enpem pigit lak yeleb-o. Alat nde, yawo-nen perak nde an-nen kwarigi mende karug-e, an Neid nenmberek insili rak ninpili-o.

YOANES 2:11

Yesus na-ge at-nen kwiye worak mende tel korosolar-e, Nggalilea wi o siri Kana iri me-nen tel kwirij-o. Nde, kwiye worak mende iri kwarid iri bem-nen at-nen kek tak woraso nam tak posola, at owosirag-e at ebem inndi angin tubu yiga-o.

YOANES 20:16

Yak tosoloma-ge, Yesus-nen kwe na yak tosolar-e: ”Maria-o” luk yak tosoloma-ge, kwe na-ge at ambigit nggwe nden karuk, Iberani wene bem-nen at yak tosolar-e: ”Arabuni” yij-o. (Iri-ge Mul Nondoso Nab-o yosolat-nen yij-o.)

YOANES 3:26

Alama-ge, ir-e Yoanes eram mbirigarik, at yak togolar-e: ”Mul Ondoso Nap wa-e. Yi Yorodan eyak ele bem kimin woragaid nap, kat-nen mirik ninpigen nap iri na kar-e yeberak worasu, lak? Nde, ap iri na-ge yawo ap yi ma onposola, ap pidsa-nen at eram mbitli-o” luk yiga-o.

YOANES 4:31

Nde, ap ereba na Yesus eram lobok yogola-ge, at owosirak-nen Yesus yak togolar-e: ”Mul Ondoso Nap wa-e. Mburu yu min-o!” luk yak tiga-t nde,

YOANES 5:36

Alat nde, Yoanes na an nebem kinggirid wene-ge marik nggal-nen yusu-o. Nde, an nebem kunggurusu wene nggulog-e yur-o: An Neid-nen an-nen kwaruwakluk nebem pidnak iri-ge an-nen kwaril waring kasu yu-nen-e an nebem konggorosolar-e: ’At Eid-nen wirik ibil lobok yij-o’ luk an nebem kunggurusu iri bem-nen yenggerak neyali-o.

YOANES 6:2

Ndil lasola-ge, at-nen kwiye worak mende kwarosolar-e, ap kugi worak ereba na ki rak onposola karuk, ap kwarat-nen at imbirik mbiriga-o.

YOANES 7:31

Alat nde, ap ereba na ennggendumu ap kwarat-nen at ebem inndi angin tubu yogolat-nen yogolar-e: ”At yu-nen kwiye worak mende kwarat kwarusu yu-ge, Mesias abok lobok yuwarig-e, kwiye worak mende terag-e no mende nde kwaruwa-o?” luk yiga-o.

YOANES 9:16

Yosoloma-ge, it Parisi nap erep-nen yogolar-e: ”Iri kwarid nap iri-ge we woragwi tarem-nen kwarugwi buk na kwaril noso me, at iri-ge Mbal Pem Nagawan eram-nen lobok yidnak nab-e lag-o” luk yiga-o. Nde, it erep-nen yogolar-e: ”Lag-o. Meya yoso nap-nen-e kwiye worak mende nggulok yu nggal-e nggesa-nen kwatleb-o?” luk yiga-o. Iri nggal yak kerak mbogolar-e, iri wene lit lit ngguno piga-o.

YIDNAK YIDNAK WENE 10:38

Nde, Mbal Pem Nagawan-nen Yesus Nasaret nap na ebem-e Konak Indi min amawi min kilik pidnak wene-ge kenaru nar-o. Mbal Pem Nagawan-e at imin woralat me, at waring kasolar-e, konak nak kwarosolat, Sere-nen yemen inpidnak nap oboksa ki rak inpil waring kagaij-o.

YIDNAK YIDNAK WENE 2:22

Kit Isarael nap wa-e. Wene yu koler-o. Nasaret nap na-ge Mbal Pem Nagawan-nen at mirik konposolar-e, kwiye worak mende min wi yurak mende min yenggerak purak mende min-e Mbal Pem Nagawan-e Yesus arem woralat-nen kit kennggendumu-nen irit kwarosolat woragaid na-ge kir-e kenaru irir-o.

PILIPI 1:14

Nde, kere kamat nibidnak na bem-nen-e nennggamirak erep kwarat-nen-e Nagawan Indo ebem ala, ebem lud enmawi kunduruk, Mbal Pem Nagawan-nen yidnak wene-ge mondok kwiye lag-et ap yak indili-o.

WENE MBENARUGWI NAP-NEN KWARIDNAK WENE 6:27

Yosoloma-ge, Nggireyon-nen-e at ndegel ubugwi nap enpe sepulu inmin tak puruk, Nagawan Indo-nen ebem pidnak iri na-t kwarurak mbirij-o. Alat nde, eidtak min owe owot min o iri me woragwi nap min enaye-nen-e lengge-nen kwarurag-e keya buruk, ar-e kubu-nen nde kwarij-o.